ការធានាលើសញ្ញាបណ្ណរបស់សាជីវកម្មធានាឥណទានកម្ពុជា
ក្របខណ្ឌធានាសញ្ញាបណ្ណរបស់ CGCC ត្រូវបានអនុម័តដោយក្រសួងសេដ្ឋកិច្ច និងហិរញ្ញវត្ថុ នៅថ្ងៃទី១៧ ខែឧសភា ឆ្នាំ២០២៣។ CGCC បានក្លាយជាបុគ្គលធានាលើសញ្ញាបណ្ណ ដែលបានទទួលស្គាល់ដោយនិយ័តករមូលបត្រកម្ពុជា (SERC) នៅថ្ងៃទី២២ ខែសីហា ឆ្នាំ២០២៣។ យើងទទួលបានចំណាត់ថ្នាក់ឥណទាន khAAA ដែលជាចំណាត់ថ្នាក់ខ្ពស់បំផុតក្នុងស្រុក ពីក្រុមហ៊ុន រ៉េតធីង អេជេនស៊ី អហ្វ ខេមបូឌា (RAC) នៅថ្ងៃទី១៩ ខែធ្នូ ឆ្នាំ២០២៣ និងបានសម្ពោធ ជាបុគ្គលធានាលើសញ្ញាបណ្ណដំបូងគេរបស់កម្ពុជាជាផ្លូវការ នៅថ្ងៃទី៣១ ខែមករា ឆ្នាំ២០២៤។
CGCC មានគោលបំណងផ្តល់ការធានាលើសញ្ញាបណ្ណចារឹកជាប្រាក់រៀល ដែលបានចុះបញ្ជីនៅក្រុមហ៊ុនផ្សារមូលបត្រកម្ពុជា (CSX) ដើម្បីគាំទ្រដល់ក្រុមហ៊ុនក្នុងស្រុកក្នុងការកៀរគរទុនវិនិយោគ និងការអភិវឌ្ឍទីផ្សារសញ្ញាបណ្ណនៅកម្ពុជា។
អត្ថប្រយោជន៍ នៃការធានាលើសញ្ញាបណ្ណ
សម្រាប់ទីផ្សារសញ្ញាបណ្ណ៖
- ជំរុញការបោះផ្សាយសញ្ញាបណ្ណ
- ទាក់ទាញការវិនិយោគលើសញ្ញាបណ្ណ
- ផ្តល់ជម្រើសបន្ថែមក្នុងការវិនិយោគ
- បង្កើនសន្ទនីយភាពនៅក្នុងទីផ្សារសញ្ញាបណ្ណ
សម្រាប់អ្នកបោះផ្សាយ៖
- បង្កើនចំណាត់ថ្នាក់ឥណទានរបស់សញ្ញាបណ្ណដែលមានបុគ្គលធានា
- ពង្រីកលទ្ធភាពទទួលបានហិរញ្ញប្បទានពីទីផ្សារសញ្ញាបណ្ណ
- បង្កើនប្រភពទុនដែលមានលក្ខណៈពិពិធកម្ម
សម្រាប់វិនិយោគិន៖
- ទទួលបានជម្រើសបន្ថែមក្នុងការវិនិយោគ
- ទទួលបានការការពារនៅពេលអ្នកបោះផ្សាយគ្មានលទ្ធភាពសង
- មានទំនុកចិត្តខ្ពស់ជាងមុនក្នុងការវិនិយោគលើសញ្ញាបណ្ណ
លក្ខខណ្ឌនៃការធានាលើសញ្ញាបណ្ណ
អ្នកបោះផ្សាយមានគុណវឌ្ឍិ
អ្នកបោះផ្សាយសញ្ញាបណ្ណត្រូវបំពេញលក្ខខណ្ឌដូចខាងក្រោម៖
- ជាក្រុមហ៊ុនមហាជនទទួលខុសត្រូវមានកម្រិត ឬនីតិបុគ្គលប្រតិស្រុត
- មានសេចក្តីសម្រេចរបស់ក្រុមប្រឹក្សាភិបាល និងម្ចាស់ភាគហ៊ុនលើការបោះផ្សាយសញ្ញាបណ្ណ
- មានរបាយការណ៍ហិរញ្ញវត្ថុដែលបានធ្វើសវនកម្មតាមស្តង់ដារគណនេយ្យរយៈពេល ២ឆ្នាំចុងក្រោយយ៉ាងតិច
- មានអភិបាលកិច្ចសាជីវកម្មរឹងមាំ ជាមួយនឹងរចនាសម្ព័ន្ធគ្រប់គ្រងច្បាស់លាស់់
- មានចំណាត់ថ្នាក់ឥណទានពីភ្នាក់ងារវាយតម្លៃដែលទទួលស្គាល់ពី ន.ម.ក.
ដំណើរការនៃការស្នើសុំការធានាសញ្ញាបណ្ណ
- ព័ត៌មានសាជីវកម្ម (ឧ. ប្រវត្តិក្រុមហ៊ុន រចនាសម្ព័ន្ធម្ចាស់ភាគហ៊ុន ភាគទុនិក នាយក គណៈកម្មការ និងថ្នាក់ដឹកនាំសំខាន់ៗ ។ល។)
- របាយការណ៍ហិរញ្ញវត្ថុដែលបានធ្វើសវនកម្មយ៉ាងតិច ២ឆ្នាំចុងក្រោយ
- ព័ត៌មានអំពីសញ្ញាបណ្ណ (ទំហំ រយៈពេល គោលបំណង ។ល។)
- បញ្ជីឈ្មោះវិនិយោគិនសក្តានុពល
- អភិបាលកិច្ចសាជីវកម្ម (របាយការណ៍ប្រឆាំងការសម្អាតប្រាក់)
- កិច្ចសន្យា/លិខិតព្រមព្រៀងរវាងក្រុមហ៊ុនមូលបត្រ និងអ្នកបោះផ្សាយសញ្ញាបណ្ណ
- ឯកសារតម្រូវផ្សេងៗតាមការចាំបាច់។
- ពាក្យស្នើសុំធានាសញ្ញាបណ្ណ
- ផែនការអាជីវកម្ម/គម្រោងថវិការបស់អ្នកបោះផ្សាយ រួមទាំងការព្យាករលំហូរសាច់ប្រាក់
- ឯកសារពាក់ព័ន្ធនឹងក្រុមហ៊ុន (ឧ. លក្ខន្តិកៈក្រុមហ៊ុន វិញ្ញាបនបត្រចុះបញ្ជីពាណិជ្ជកម្ម បណ្ណប៉ាតង់។ល។)
- សេចក្តីសម្រេចរបស់ក្រុមហ៊ុន (សេចក្តីសម្រេចឬ កំណត់ហេតុកិច្ចប្រជុំក្រុមប្រឹក្សាភិបាល និង/ឬ ម្ចាស់ភាគហ៊ុនលើការបោះផ្សាយសញ្ញាបណ្ណ)
- សេចក្តីសម្រេចពីនិយ័តករ (អាជ្ញាបណ្ណដែលមានសុពលភាព លិខិតអនុញ្ញាត្តពីនិយ័តករ ការច្របាច់បញ្ចូលគ្នា និងការទិញយកអាជីវកម្ម)
- របាយការណ៍: របាយការណ៍ត្រួតពិនិត្យបំពេញកាតព្វកិច្ចតាមច្បាប់”ផ្នែកពាណិជ្ជកម្ម” រួមមានផ្នែកហិរញ្ញវត្ថុ ប្រតិបត្តិការ និងទស្សនៈវិស័យទីផ្សារ របាយការណ៍ត្រួតពិនិត្យបំពេញកាតព្វកិច្ចតាមច្បាប់”ផ្នែកគតិយុត្តិ” រួមមាន ពន្ធដារ ធានារ៉ាប់រង វិវាទ របាយការណ៍ចំណាត់ថ្នាក់ឥណទាន និងរបាយការណ៍វាយតម្លៃទ្រព្យសម្បត្តិ ។ល។
- ឯកសារធានាផ្សេងៗតាមការចាំបាច់ (កិច្ចព្រមព្រៀងអ៊ីប៉ូតែក និង/ឬបញ្ចាំ ។ល។)
- មតិយោបល់ផ្នែកច្បាប់ទៅលើក្រុមហ៊ុនបោះផ្សាយ
- កិច្ចព្រមព្រៀង ឬកិច្ចសន្យាជាមួយភាគីពាក់ព័ន្ធក្នុងការបោះផ្សាយសញ្ញាបណ្ណ
- ឯកសារតម្រូវផ្សេងៗតាមការចាំបាច់របស់ CGCC។