គម្រោងធានាឥណទានសម្រាប់ការនាំចេញអង្ករ

គម្រោងធានាឥណទានសម្រាប់ការនាំចេញអង្ករ (REGS) របស់ CGCC ត្រូវបានដាក់ឱ្យដំណើរការដើម្បីសម្រួលដល់តម្រូវការហិរញ្ញប្បទាន និងឆ្លើយតបនឹងបញ្ហាប្រឈមរបស់ក្រុមហ៊ុននាំចេញអង្ករ និងរោងម៉ាស៊ីនកិនស្រូវ ដែលប្រឈមនឹងបញ្ហាខ្វះទ្រព្យធានាដើម្បីដាក់ស្នើកម្ចីទៅគ្រឹះស្ថានហិរញ្ញវត្ថុ ជាពិសេសនៅក្នុងរដូវកាលប្រមូលផល។

គម្រោង REGS  ត្រូវបានដាក់ឱ្យដំណើរការក្នុងខែឧសភា ឆ្នាំ២០២៤ ក្នុងទំហំគម្រោង៣០លានដុល្លារ សម្រាប់ជំហានទី១ ដើម្បីគាំទ្រដល់រោងម៉ាស៊ីនកិនស្រូវ/ក្រុមហ៊ុននាំចេញអង្ករ ជាទុនបង្វិលដើម្បីទិញស្រូវដើម្បីកិនអង្ករសម្រាប់ការនាំចេញ។ គម្រោងនេះត្រូវបានរៀបចំឡើងស្របតាមឆន្ទះរបស់រាជរដ្ឋាភិបាលកម្ពុជា ក្នុងការជំរុញការនាំចេញអង្ករឱ្យបាន១លានតោន នៅឆ្នាំ២០២៥។