ក្រសួង និងអាជ្ញាធរពាក់ព័ន្ធ
CGCC ស្ថិតក្រោមអាណាព្យាបាលបច្ចេកទេស និងហិរញ្ញវត្ថុរបស់ក្រសួងសេដ្ឋកិច្ច និងហិរញ្ញវត្ថុ និងបានសហការជាមួយក្រសួង និងអាជ្ញាធរពាក់ព័ន្ធនានា ក្នុងគោលបំំណងដើម្បីពង្រឹងបរិយាបន្នហិរញ្ញវត្ថុ និងអភិវឌ្ឍសហគ្រាសខ្នាតតូច និងមធ្យម នៅកម្ពុជា។
គ្រឹះស្ថានហិរញ្ញវត្ថុចូលរួម (PFIs)
តើត្រូវធ្វើដូចម្តេចដើម្បីអាចក្លាយជា PFIs បាន?
- មានតែគ្រឹះស្ថានហិរញ្ញវត្ថុចូលរួម (PFIs) របស់ស.ធ.ក.ទេ ដែលអាចស្នើសុំការធានាឥណទានក្រោមគម្រោងធានាឥណទានរបស់ ស.ធ.ក. បាន។ អ្នកខ្ចីអាចស្នើសុំការធានាឥណទានពី ស.ធ.ក.បាន តាមរយៈគ្រឹះស្ថានហិរញ្ញវត្ថុចូលរួម (PFIs) របស់ស.ធ.ក.។
- ដើម្បីក្លាយខ្លួនទៅជាគ្រឹះស្ថានហិរញ្ញវត្ថុចូលរួម (PFIs) របស់ស.ធ.ក. គ្រឹះស្ថានធនាគារ និងហិរញ្ញវត្ថុទាំងអស់ដែលមានចំណាប់អារម្មណ៍ អាចដាក់ពាក្យមកកាន់ស.ធ.ក.។ ព័ត៌មានពិស្តារទាក់ទងនឹងការដាក់ពាក្យជាគ្រឹះស្ថានហិរញ្ញវត្ថុចូលរួម (PFIs) នឹងផ្តល់ជូនតាមការស្នើសុំ មកតាមរយៈព័ត៌មានទំនាក់ទំនងរបស់ស.ធ.ក. ដែលមាននៅលើគេហទំព័រនេះ។
- ស.ធ.ក. នឹងធ្វើការពិនិត្យពាក្យស្នើសុំ រួចបញ្ជូនពាក្យស្នើសុំនោះទៅកាន់ ក្រុមប្រឹក្សាភិបាលស.ធ.ក.ដើម្បីធ្វើការអនុម័ត។
- បន្ទាប់ពីក្រុមប្រឹក្សាភិបាលស.ធ.ក. បានសម្រេចអនុម័ត ស.ធ.ក.នឹងធ្វើការចុះកិច្ចព្រមព្រៀងការធានាឥណទាន ជាមួយគ្រឹះស្ថានហិរញ្ញវត្ថុចូលរួម (PFIs) ដែលបានអនុម័តនោះ។
សម្រាប់ព័ត៌មានបន្ថែម ទៅលើលក្ខខណ្ឌ និងដំណើរការនៃការដាក់ពាក្យស្នើសុំជាគ្រឹះស្ថានហិរញ្ញវត្ថុចូលរួម (PFIs) សូមទាក់ទងមកកាន់ស.ធ.ក. តាមរយៈព័ត៌មានទំនាក់ទំនង ដែលមាននៅទីនេះ។
ទាំងនេះគឺជាគ្រឹះស្ថានហិរញ្ញវត្ថុចូលរួម ដែលធ្លាប់បានស្នើសុំការធានាឥណទានពី CGCC កន្លងមក។
ដៃគូអភិវឌ្ឍន៍
CGCC កំពុងធ្វើការជាមួយដៃគូអភិវឌ្ឍន៍មួយចំនួនដូចជា ធនាគារអភិវឌ្ឍអាស៊ី មូលនិធិអភិវឌ្ឍន៍ទុនរបស់អង្គការសហប្រជាជាតិ ធនាគារពិភពលោក និងស្ថាប័នផ្សេងទៀត ក្នុងការគាំទ្រទាំងផ្នែកបច្ចេកទេស និងហិរញ្ញវត្ថុ ដើម្បីជួយដោះស្រាយបញ្ហាប្រឈមក្នុងទីផ្សារឥណទាន និងជំរុញបរិយាបន្នហិរញ្ញវត្ថុនៅកម្ពុជា។
ដៃគូអន្តរជាតិ
CGCC កំពុងធ្វើការជាមួយដៃគូអន្តរជាតិ ដើម្បីចែករំលែកចំណេះដឹង និងធនធានទៅវិញទៅមក ទៅលើការធានាឥណទាន ការធានាលើការបោះផ្សាយសញ្ញាបណ្ណ -ល- ដើម្បីអភិវឌ្ឍសមត្ថភាពរបស់ CGCC។
ដៃគូជាតិ
CGCC កំពុងធ្វើការជាមួយនៃដៃគូជាតិជាច្រើន រួមមានសមាគមអាជីវកម្ម ក្រុមហ៊ុនមូលបត្រ និងស្ថាប័នពាក់ព័ន្ធនានា ដើម្បីគាំទ្រដល់ SMEs និងកំណើនសេដ្ឋកិច្ចជាតិ។
