Author: Sorn Chhorvyvatey

នាថ្ងៃទី២២ ខែសីហា ឆ្នាំ២០២៤ នៅទីស្តីការក្រសួងរ៉ែ និងថាមពល លោក Wong Keet Loong អគ្គនាយក CGCC បានដឹកនាំសហការី ចូលជួបសម្តែងការគួរសម និងពិភាក្សាការងារជាមួយថ្នាក់ដឹកនាំ និងអគ្គនាយកដ្ឋានពាក់ព័ន្ធ នៃក្រសួងរ៉ែ និងថាមពល ។

លោកអគ្គនាយក CGCC មានក្តីសោមនស្សចំពោះការស្វាគមន៍ដ៏កក់ក្តៅរបស់ថ្នាក់ដឹកនាំ និងអគ្គនាយកដ្ឋានពាក់ព័ន្ធរបស់ក្រសួងរ៉ែ និងថាមពល ដែលដឹកនាំដោយ ឯកឧត្តម ស៊ុយ ឌីម៉ង់ រដ្ឋលេខាធិកាក្រសួងរ៉ែ និងថាមពល និងបានជម្រាបជូន អំពីវឌ្ឍនភាពការងាររបស់ CGCC ក្នុងការផ្តល់ការធានាឥណទាននារយៈកាលកន្លងមក ក៏ដូចជាផែនការយុទ្ធសាស្រ្តរបស់ CGCC ដែលចាំបាច់ត្រូវការការសហការ និងការគាំទ្រពី រ៉ែ និងថាមពល។

ការជួបពិភាក្សានេះ នឹងផ្តល់ឱកាសដល់ CGCC ក្នុងការពិនិត្យលទ្ធភាពប្រើប្រាស់យន្តការធានាឥណទានរបស់រាជរដ្ឋាភិបាល ដើម្បីគាំទ្រការអភិវឌ្ឍសហគ្រាសខ្នាត តូច និងមធ្យម ដែលស្ថិតក្នុងវិស័យថាមពល មានដូចជា អគ្គិសនី ថាមពលដើរដោយពន្លឺព្រះអាទិត្យ ប្រេងសាំង និងរ៉ែជាដើម ដែលស្ថិតក្រោមសមត្ថកិច្ចរបស់ក្រសួងរ៉ែ និងថាមពល៕

នៅថ្ងៃទី១៦ ដល់ថ្ងៃទី១៧ ខែសីហា ឆ្នាំ២០២៤ CGCC បានរៀបចំវគ្គបណ្តុះបណ្តាល ស្តីពី “ជំនាញនិយាយជាសាធារណៈ និងការធ្វើបទបង្ហាញ” ជូនដល់បុគ្គលិករបស់ CGCC ដែលរៀបចំឡើងនៅការិយាល័យរបស់ CGCC។​

CGCC សង្ឃឹមយ៉ាងមុតមាំថា វគ្គបណ្តុះបណ្តាលនេះនឹងអាចជួយអភិវឌ្ឍសមត្ថភាព និងចំណេះដឹងបន្ថែមអំពីវិធីសាស្រ្តនៃការរៀបចំបទបង្ហាញ និងជំនាញនៃការធ្វើបទបង្ហាញជាសាធារណៈសម្រាប់បុគ្គលិករបស់ CGCC សំដៅ បង្កើន​ប្រសិទ្ធភាពការងារ ដើម្បីការអភិវឌ្ឍ CGCC ទាំងមូល និងជាពិសេសគឺកសាងសមត្ថភាពរយៈពេលយូរអង្វែងដល់បុគ្គលិក លើសពីការផ្តល់ឱ្យបុគ្គលិកនូវឱកាសក្នុងការចូលរួមចំណែកបំពេញការងារសម្រាប់ស្ថាប័ន។

នាថ្ងៃទី១ ខែសីហា ឆ្នាំ២០២៤ សាជីវកម្មធានាឥណទានកម្ពុជា (CGCC) បានរៀបចំនូវកិច្ចប្រជុំបុគ្គលិកប្រចំាត្រីមាស ដើម្បីធ្វើបច្ចុប្បន្នភាព និងបូកសរុបពីសមិទ្ធផលការងារក្នុងត្រីមាសទី២ នៃឆ្នាំ២០២៤  និងរៀបចំផែនការយុទ្ធសាស្រ្តរបស់នាយកដ្ឋាននីមួយៗ សម្រាប់ត្រីមាសទី៣ ឆ្នាំ២០២៤។

កិច្ចប្រជុំបុគ្គលិកនេះ មានការចូលរួមពីគណៈគ្រប់គ្រង និងបុគ្គលិកទាំងអស់របស់ CGCC ដែលមិនត្រឹមតែជាវេទិកាដើម្បីធ្វើបទបង្ហាញពីនាយកដ្ឋានពាក់ព័ន្ធទាំងអស់នោះទេ ថែមទាំងជាឱកាសក្នុងការជួបពិភាក្សា ក៏ដូចជាទទួលនូវអនុសាសន៍ពីគណៈគ្រប់គ្រងស្របជាមួយទិសដៅដើម្បីអភិវឌ្ឍ CGCC លើប្រតិបត្តិការការងារ និងចូលរួមចំណែកសម្រេចចក្ខុវិស័យរួមរបស់ CGCC ក្នុងការបង្កើនបរិយាបន្នហិរញ្ញវត្ថុ និងអភិវឌ្ឍសហគ្រាសខ្នាតតូច និងមធ្យម នៅកម្ពុជា។

នាថ្ងៃទី៣១ ខែកក្កដា ឆ្នាំ២០២៤ សាជីវកម្មធានាឥណទានកម្ពុជា (CGCC) និង ក្រុមហ៊ុន GuarantCo,  នៃសម្ព័ន្ធអភិវឌ្ឍន៍ហេដ្ឋារចនាសម្ព័ន្ធឯកជន (Private Infrastructure Development Group-PIDG) បានចុះអនុស្សរណៈ​នៃការ​យោគយល់គ្នា (MoU) ក្នុងគោលគោល​បំណងបង្កើនបរិយាបន្ន​ហិរញ្ញវត្ថុប្រកប​ដោយចីរភាព និង​ឱកាស​វិនិយោគ​​នៅ​កម្ពុជា។ កិច្ចសហប្រតិបត្តិការ​នេះ​ នឹងបង្កើន​សមត្ថភាពនៃការធានាឥណទានរបស់ CGCC តាម​រយៈ​​ការចូល​រួមរបស់ CGCC ​ក្នុងប្រតិបត្តិការធានាឥណទាន ជាមួយ​ក្រុមហ៊ុន GuarantCo និងការទទួលបានជំនួយបច្ចេកទេសពី PIDG។

ជាមួយនឹងបទពិសោធន៍ធានាលើការបោះផ្សាយសញ្ញាបណ្ណចំនួនបី នៅ​កម្ពុជា ក្រុមហ៊ុន GuarantCo កំពុង សិក្សាលើ​ការជួយអភិវឌ្ឍ​​សមត្ថភាពធានារបស់ CGCC នៅក្នុងទីផ្សារ​មូលធន តាមរយៈកម្មវិធី PIDG Credit Enhancement Facility។ កម្មវិធីនេះមានគោលបំណងបង្កើនលទ្ធភាពធានាលើរូបិយ​ប័ណ្ណ​ក្នុងស្រុក នៅក្នុងទីផ្សារគោលដៅ តាមរយៈការចាប់ដៃគូជាមួយស្ថាប័នក្នុងស្រុក និងការប្រើប្រាស់ធនធានពី PIDG Group ពោលគឺ ការផ្តល់ការធានាបន្ត (Re-Guarantee) ដោយ GuarantCo និងជំនួយបច្ចេកទេសពី PIDG។

អនុស្សរណៈនៃការយោគយល់គ្នានេះ គឺជាជំហានដំបូង របស់ភាគីទាំំងពីរ ក្នុងការឆ្ពោះទៅរកការរៀបចំក្របខណ្ឌនៃកិច្ចព្រមព្រៀងភាពជាដៃគូ​​​ទូលំទូលាយមួយ ដែលភាគីទាំងពីរសង្ឃឹមថានឹងអាចចាប់ផ្តើមនៅក្នុងឆ្នាំ​នេះ ដោយរួមមាន ការផ្ទេរអ៊ិចស្ប៉ូស័រនៃការធានាទៅវិញទៅមក រវាង CGCC និង GuarantCo ក៏ដូចជា ជំនួយបច្ចេកទេសផងដែរ។

កម្មវិធីជំនួយបច្ចេកទេសរបស់ PIDG នឹងគាំទ្រ CGCC ក្នុងការរៀបចំឯកសារសំខាន់ៗ សម្រាប់ការធានាលើការបោះផ្សាយសញ្ញាបណ្ណ និងផ្តល់អ្នក​ប្រឹក្សាយោបល់លើប្រតិបត្តិការធានាឥណទាន ក៏ដូចជាផ្តល់ការគាំទ្រ​ដល់​ការ​កសាងសមត្ថភាព លើដំណើរការគ្រប់គ្រង​​​​ឥណទាន ការវិនិយោគ និងការអភិវឌ្ឍ​ប្រកបដោយចីរភាព។

លោក Philippe Valahu នាយកប្រតិបត្តិរបស់ PIDG បានមានប្រសាសន៍ថា៖ “ដំណោះស្រាយហិរញ្ញប្បទាន​ក្នុងតំបន់ គឺជាផ្នែកដ៏សំខាន់មួយនៃយុទ្ធសាស្ត្រឆ្នាំ២០៣០ របស់យើង ហើយការបង្កើតឱ្យមានជំនួយសម្រាប់លើកកម្ពស់​ឥណទាន​នៅក្នុងប្រទេស គឺជាគោលដៅសំខាន់មួយ ដើម្បីជួយអភិវឌ្ឍទីផ្សារក្នុងស្រុក។ ការចុះ​ហត្ថលេខា​លើអនុស្សរណៈ​នៃការយោគយល់ជាមួយ CGCC នឹងជួយពន្លឿនការងារនេះ។”

លោក Layth Al-Falaki នាយកប្រតិបត្តិក្រុមហ៊ុន GuarantCo បានមានប្រសាសន៍ថា៖ “យើងមានមោទនភាព​ដែល​បានចុះហត្ថលេខា​លើអនុស្សរណៈនៃការយោគយល់គ្នានេះ ជាមួយសាជីវកម្មធានាឥណទានកម្ពុជា និងអាច​ប្រើប្រាស់លទ្ធភាព​ធានាដើម្បីគាំទ្រដល់ CGCC ក្នុងការពង្រីកប្រ​តិបត្តិការ​របស់ខ្លួនសម្រាប់ការផ្តល់ហិរញ្ញប្បទាន​ប្រកបដោយ​ចីរភាព​ តាម​រយៈទីផ្សារមូលធនក្នុងស្រុក ស្របតាមផែនការយុទ្ធសាស្ត្ររបស់ PIDG និង GuarantCo។ វត្តមាន​របស់​ក្រុមហ៊ុន GuarantCo នៅកម្ពុជាបានចាប់ផ្តើមនៅឆ្នាំ២០២២ តាមរយៈការធានាលើការបោះផ្សាយសញ្ញាប័ណ្ណ​របស់ក្រុមហ៊ុន First Finance, Royal Railway  និងក្រុមហ៊ុន Cellcard នៅឆ្នាំ២០២៣។ តាម​រយៈ​អនុស្សរណៈ​នៃការយោគយល់ជាមួយ CGCC នេះ យើងនឹងបន្តសន្ទុះការងាររបស់​យើង​នៅក្នុងប្រទេសកម្ពុជា ដើម្បី​ផ្តល់​ផល​ប្រយោជន៍ដល់ប្រជាជនកម្ពុជា នូវការអភិវឌ្ឍហេដ្ឋារចនាសម្ព័ន្ធ​ដែល​មាន​លក្ខណៈ​កាន់​តែ​ប្រសើរឡើង។”

លោក  Wong Keet Loong អគ្គនាយកសាជីវកម្មធានាឥណទានកម្ពុជា បានមានប្រសាសន៍ថា៖ “យើងមាន​កិត្តិយស​ជាខ្លាំងដែលមានឱកាសសហការជាមួយក្រុមហ៊ុន GuarantCo ដែលជាក្រុមហ៊ុនផ្តល់ការធានាលំដាប់​អន្តរជាតិ​ ទទួលបានទុនពីរដ្ឋាភិបាលចំនួន​ ៧នៃក្រុមប្រទេស G12 រួម​មាន​​​ ចក្រភពអង់គ្លេស ស្វីស ស៊ុយអែត អូស្ត្រាលី ហូឡង់ កាណាដា និងបារាំង។ CGCC នឹងទទួល​បាន​អត្ថប្រយោជន៍ពីជំនាញឯកទេស ​ ក្នុងដំណើរការធានាលើការបោះផ្សាយសញ្ញាបណ្ណ​របស់យើង។  យើងពិតជាមានសេចក្តី​​រំភើបជាខ្លាំងចំពោះ​កិច្ចសហប្រតិបត្តិការនេះ ហើយរំពឹងថានឹងទទួលបានការគាំទ្រដ៏រឹងមាំ ដែលអាចពង្រីកសមត្ថភាពធានា​របស់យើង។”

អំពី GuarantCo

GuarantCo កៀរគរការវិនិយោគរូបិយប័ណ្ណ ក្នុងស្រុកពីវិស័យឯកជនសម្រាប់គម្រោងហេដ្ឋារចនាសម្ព័ន្ធ និងគាំទ្រ​ដល់ការអភិវឌ្ឍទីផ្សារហិរញ្ញវត្ថុនៅក្នុងប្រទេសដែលមានប្រាក់ចំណូលទាបនៅទូទាំងទ្វីបអាហ្វ្រិក និងអាស៊ី។ GuarantCo គឺជា​ផ្នែ​កមួយនៃ PIDG និង​ទទួលមូលនិធិពីរដ្ឋាភិបាលនៃចក្រភពអង់គ្លេស ស្វីស អូស្ត្រាលី និងស៊ុយអែត តាមរយៈ PIDG Trust ពីប្រទេសហូឡង់ តាមរយៈ FMO និង PIDG Trust ពីប្រទេសបារាំង តាមរយៈមណ្ឌលប្រចាំការ និង Global Affairs ពីប្រទេសកាណាដា តាមរយៈជំនួយដែលផ្តល់សំណងវិញបាន។ GuarantCo ទទួលបានចំណាត់ថ្នាក់ឥណទាន កម្រិត AA ពីក្រុមហ៊ុនវាយតម្លៃ Fitch និងកម្រិត A1 ពីក្រុមហ៊ុនវាយតម្លៃ Moody’s។ ចាប់តាំងពីឆ្នាំ ២០០៥ មក ក្រុមហ៊ុន GuarantCo បានគាំទ្រដល់ការកៀរគរប្រាក់វិនិយោគសរុបចំនួន ៦,៨ ពាន់លានដុល្លារ និងការវិនិយោគពីវិស័យ​ឯកជន​ចំនួន ៥,៧ ពាន់លានដុល្លារ ដោយផ្តល់អត្ថប្រយោជន៍ពីការវិនិយោគលើហេដ្ឋារចនាសម្ព័ន្ធ ដល់ប្រជាជនចំនួន ៤៤,៧ លាននាក់ និងបង្កើតការងារប្រមាណ ២៤៣.០០០។ សកម្មភាពរបស់ GuarantCo ស្ថិតក្រោមការគ្រប់គ្រងរបស់ក្រុមហ៊ុន GuarantCo Management Company ដែលជាផ្នែកមួយនៃស្ថាប័ន Cardano Development www.guarantco.com

អំពី PIDG

ក្រុមអភិវឌ្ឍន៍ហេដ្ឋារចនាសម្ព័ន្ធឯកជន (PIDG) គឺជាក្រុមហ៊ុនអភិវឌ្ឍគម្រោងហេដ្ឋារចនាសម្ព័ន្ធប្រកបដោយនវានុវត្តន៍ និងជា​ក្រុមហ៊ុនវិនិយោគ ដែលកៀរគរការវិនិយោគឯកជនសម្រាប់ហេដ្ឋារចនាសម្ព័ន្ធប្រកបដោយនិរន្តភាព និងបរិយាបន្ន​កម្ម​​ក្នុងអនុតំបន់សាហារ៉ានៃទ្វីប អាហ្វ្រិក និងនៅអាស៊ីខាងត្បូង និងអាស៊ីអាគ្នេយ៍។ ការវិនិយោគរបស់ PIDG ជំរុញ​ដល់ការអភិវឌ្ឍសេដ្ឋកិច្ចសង្គម ក្នុងការឆ្ពោះទៅរកការបំភាយឧស្ម័នសូន្យ ការប្រយុទ្ធ​ប្រឆាំង​នឹងភាពក្រីក្រ និងរួមចំណែកដល់គោលដៅអភិវឌ្ឍន៍ប្រកបដោយចីរភាព (SDG)។ PIDG សម្រេចបាន​នូវមហិច្ឆិតា​របស់ខ្លួន​ ស្របតាមគុណតម្លៃរបស់ក្រុមហ៊ុនក្នុងការច្នៃប្រឌិតថ្មី ភាពជាដៃគូ សុវត្ថិភាព បរិយាបន្ន និងភាពបន្ទាន់។

PIDG ផ្តល់ជំនួយបច្ចេកទេស​សម្រាប់សកម្មភាពក្នុងដំណាក់កាលដំបូង និងដើមទុនសម្បទាន។ ក្រុមហ៊ុន បុត្រសម្ព័ន្ធរបស់ PIDG ដែលផ្តោតលើការអភិវឌ្ឍ​គម្រោង រួមមាន InfraCo Africa និង InfraCo Asia ធ្វើការវិនិយោគលើ​ការ​អភិវឌ្ឍ​គម្រោង​ក្នុង​ដំណាក់​កាលដំបូង និងការវិនិយោគលើភាគហ៊ុនកម្មសិទ្ធិរបស់សាជីវកម្មនានា។ ដំណោះស្រាយឥណទានរបស់ PIDG រួមមាន EAIF (មូលនិធិ​ហេដ្ឋារចនាសម្ព័ន្ធអាហ្វ្រិកដែលកំពុងរីកចម្រើន) ជាមូលនិធិបំណុលចម្រុះដំបូងគេ និងទទួលបាន​ជោគជ័យ​ ​ នៅក្នុងទីផ្សារនៃប្រទេសដែលមានប្រាក់ចំណូលទាប ខណៈដែល GuarantCo ដែលជាស្ថាប័នធានាឥណទាន និងជាបុត្រសម្ព័ន្ធរបស់ PIDG ផ្តល់ការ​លើកកម្ពស់ឥណទាន និងដំណោះស្រាយរូបិយប័ណ្ណក្នុងស្រុក​តាមរយៈការកាត់​បន្ថយ​ហានិភ័យ​របស់​គម្រោង និង​បង្កើនការធានាលើឥណទានក្នុងស្រុក ដែលអនុញ្ញាតឱ្យមានការផ្តល់​ហិរញ្ញប្បទាន​ដល់ការអភិវឌ្ឍហេដ្ឋារចនាសម្ព័ន្ធ។

ចាប់តាំងពីឆ្នាំ ២០០២ មក PIDG បានគាំទ្រដល់គម្រោងហេដ្ឋារចនាសម្ព័ន្ធចំនួន​២៣៣ ដោយបានផ្តល់ជូននូវ​លទ្ធភាពប្រើប្រាស់ហេដ្ឋារចនាសម្ព័ន្ធថ្មី ឬប្រសើរជាងមុន ដល់ប្រជាជនប្រមាណជា ២២៨ លាននាក់។ PIDG ទទួលបានមូលនិធិពីរដ្ឋាភិបាលនៃចក្រភពអង់គ្លេស ហូឡង់ ស្វីស អូស្ត្រាលី ស៊ុយអែត ក្រសួងកិច្ចការសកលនៃប្រទេសកាណាដា អាល្លឺម៉ង់ និង IFC។ pidg.org

អំពីសាជីវកម្មធានាឥណទានកម្ពុជា

សាជីវកម្មធានាឥណទានកម្ពុជា (CGCC) គឺជាក្រុមហ៊ុនធានាឥណទានមុនដំបូងបង្អស់នៅកម្ពុជា ដែលត្រូវបានសម្រេចបង្កើតឡើងដោយ សម្តេចអគ្គមហាសេនាបតីតេជោ ហ៊ុន សែន ជាសហគ្រាសសាធារណៈ ក្រោមអាណាព្យាបាលបច្ចេក​ទេស និងហិរញ្ញវត្ថុ របស់ក្រសួងសេដ្ឋកិច្ច និងហិរញ្ញវត្ថុ។ បេសកកម្មចម្បងរបស់សាជីវកម្មធានាឥណទានកម្ពុជា គឺផ្តល់​នូវ​ការ​ធានាឥណទាន​ ដើម្បីលើកកម្ពស់បរិយាបន្នហិរញ្ញវត្ថុ និងគាំទ្រការអភិវឌ្ឍសហគ្រាសធុនតូច និងមធ្យមនៅកម្ពុជា។ នៅ​ថ្ងៃទី ៣១ ខែមករា ឆ្នាំ ២០២៤ CGCC បានប្រកាសជាផ្លូវការនូវការក្លាយខ្លួនជាបុគ្គលធានាលើការបោះផ្សាយសញ្ញាបណ្ណ​ដំបូង​គេរ​បស់កម្ពុជា បន្ទាប់ពីទទួលបានការទទួលស្គាល់ពីនិយ័តករមូលបត្រកម្ពុជា (SERC) និងទទួលបានចំណាត់ថ្នាក់ឥណទាន khAAA ដែលជាចំណាត់ថ្នាក់ខ្ពស់បំផុតក្នុងស្រុក ពីក្រុមហ៊ុន រ៉េតធីង អេជេនស៊ី អហ្វ ខេមបូឌា។ CGCC មានគោលបំណងផ្តល់ការធានាលើការបោះផ្សាយសញ្ញាបណ្ណរបស់សាជីវកម្មក្នុងស្រុក នៅក្នុង​ទីផ្សារ​មូលបត្រកម្ពុជា (CSX) ដើម្បីគាំទ្រដល់ក្រុមហ៊ុនក្នុងស្រុក ក្នុងការកៀរគរទុន និង​ដើម្បីអភិវឌ្ឍវិ​ស័យ​មូលបត្រ​នៅប្រទេស​កម្ពុជា។ គិតត្រឹមបំណាច់ខែមិថុនា ឆ្នាំ២០២៤ CGCC បានផ្តល់ការធានាលើឥណទានប្រមាណ ២០០លានដុល្លារ ដល់សហគ្រាសខ្នាតតូច និងមធ្យម ជាង ២.៣០០ អាជីវកម្ម។ www.cgcc.com.kh

Manager of Finance and Business Analytics

Key responsibilities

• Ensure that master data (supplier, customer, etc.…) in accounting system is accurate and UpToDate.
• Review contracts and agreements for implication related to accounting and taxes.
• Ensure that receivables and payables are effectively managed.
• Review and ensure that all payments are in line with policies and procedures and in accordance with approved budget.
• Review and approve accounting records in accounting system.
• Ensure that all accounting records, general ledgers, and all reconciliations are done correctly (including all accruals and provisions) and on time.
• Manage fixed assets register and depreciation according to policies.
• Coordinate with all departments to ensure that annual budget and business plan are done on a timely manner.
• Prepare financial reports and management reports and conduct analysis as required.
• Prepare statutory reports as required.
• Ensure proper payment, filing and compliance with tax authority and relevant regulators.
• Review and update policies, procedures and internal controls as needed.
• Carry out any other duties and ad-hoc assignments assigned by managements as and when required for CGCC.

Qualification Requirements

• Bachelor’s degree in (master’s degree or professional accountant graduation is preferred) finance, Accounting, Banking, Business Management or related field.
• At least 5 to 8 years’ experience in accounting and finance.
• Excellent computer skills and proficient in excel, word and outlook.
• Good analysis and reporting skills.
• Good knowledge of ERP system or other accounting applications
• Be able to communicate effectively and professionally in Khmer and English both in writing and speaking.
• Be able to manage different tasks with the deadline.
• Be proactive, creative and a good team player
• Willing to learn new things.

Deputy Manager of Business Development (Bond Guarantee)

Key Responsibilities

• Assist the Manager of Business Development (Bond Guarantee) on daily operational work for the execution of the deals including:
  • Reviewing and summarizing applications and documents submitted by issuers
  • Supporting the assessment on issuers by analysing financial statements and other documents
  • Participating in meetings and writing proposal
  • Participating in due diligence on issuers
  • Coordinating with relevant departments and underwriters during the process
• Perform research as required for the implementation and improvement of CGCC’s bond guarantee
• Analyse various industries for assessment and monitoring purposes
• Assist the department in communication with ministries, regulators, and other institutions on bond guarantee-related matters
• Maintain knowledge of laws and regulations applicable to bond issuance
• Develop close working relationships with securities companies, potential issuers, and bond investors to expand CGCC’s bond guarantee opportunities
• Develop close working relationships with international partners regarding bond guarantee
• Perform other tasks as assigned by the management

Qualification Requirements

• Master’s degree in accounting, banking, and finance or related field; a CAT (Certified Accounting Technician) is preferred
• At least five years of working experience in the banking or securities industry, particularly in credit assessment or risk management
• Experienced in financial statements analysis
• Working knowledge of accounting and finance
• Strong analytical and critical thinking skills
• Strong multitasking skills
• Strong verbal and written communication skills in Khmer and English
• Ability to work effectively as a team with a sense of responsibility, flexibility, and adaptability
• Ability to prioritize tasks, maintain timelines, and manage/plan workloads effectively
• Competence in Microsoft Office Software

Please submit your CV and Cover letter to Email: [email protected] (Deadline: 30 August 2024)