Author: Sorn Chhorvyvatey

នាព្រឹកថ្ងៃទី០១ ខែវិច្ឆិកា ឆ្នាំ២០២៤ លោក ណូ លីដា អគ្គនាយក CGCC ព្រមទាំងសហការី បានជួបពិភាក្សា និងស្វាគមន៍ ឧកញ៉ា ប៉ិច បូឡែន ប្រធានសមាគមសហគ្រិនវ័យក្មេងកម្ពុជា (YEAC) និងក្រុមប្រឹក្សាភិបាលនិងគណៈគ្រប់គ្រងសមាគម YEAC នៅការិយាល័យ CGCC។ កិច្ចប្រជុំនេះបានពិភាក្សាអំពីកិច្ចការងារដែលស្ថាប័នទាំងពីរអាចផ្តល់កិច្ចសហការរវាងគ្នា ដើម្បីជំរុញដល់ការទទួលបានហិរញ្ញប្បទានកាន់តែប្រសើរដល់សមាជិក YEAC។

តាមរយៈកិច្ចពិភាក្សានេះ ស្ថាប័នទាំងពីរ បានសិក្សាស្វែងយល់ស៊ីជម្រៅអំពីកត្តារាំងស្ទះ និងបញ្ហាប្រឈមដែលម្ចាស់អាជីវកម្ម សហគ្រិន ជួបប្រទះ និងបានលើកឡើងអំពីសកម្មភាព យុទ្ធសាស្ត្រ ដែលអាចផ្តល់ជាដំណោះស្រាយ និងសម្រួលដល់ម្ចាស់អាជីវកម្ម សហគ្រិន តាមរយៈការសហការភាពជាដៃគូរវាង CGCC និង YEAC និងគ្រឹះស្ថានហិរញ្ញវត្ថុចូលរួម ដែលជាដៃគូរបស់ CGCC។ ផែនការបន្ទាប់ ស្ថាប័នទាំងពីរនឹងធ្វើការរួមគ្នា ដូចជាការរៀបចំវេទិកា សិក្ខាសាលាផ្សេង ៗអំពីលទ្ធភាពទទួលបានហិរញ្ញប្បទាន ដែលនឹងមានការចូលរួមចែករំលែកដោយ CGCC  ដើម្បីលើកកម្ពស់ការយល់ដឹងអំពីការប្រើប្រាស់សេវាធានាឥណទានរបស់ CGCC ឱ្យកាន់តែបានទូលំទូលាយ និងជំរុញការទទួលបានហិរញ្ញប្បទានផ្លូវការប្រកបដោយប្រសិទ្ធភាព៕

នាថ្ងៃទី៣១ ខែតុលា ឆ្នាំ២០២៤ លោក ណូ លីដា អគ្គនាយក CGCC បានចូលរួមជាវាគ្មិនកិត្តិយសមួយរូប នៅក្នុងវេទិកាសប្តាហ៍ថាមពលស្អាតឆ្នាំ២០២៤ (Clean Energy Week 2024) ដែលត្រូវបានរៀបចំឡើងដើម្បីបង្ហាញពីមហិច្ឆតា ឆន្ទះ និងការដឹកនាំរបស់រាជរដ្ឋាភិបាលកម្ពុជា ក្នុងការឆ្ពោះទៅអនាគតនៃថាមពលប្រកបដោយចីរភាព។

តាមរយៈវេទិកានេះ លោកអគ្គនាយកបានធ្វើបទបង្ហាញអំពីការចូលរួមរបស់ CGCC ពាក់ព័ន្ធនឹងការគាំទ្រដល់វិស័យថាមពលស្អាត តាមរយៈការចាប់ផ្តើមដាក់ឱ្យដំណើរការនូវ គម្រោងហិរញ្ញប្បទានបៃតងប្រកបដោយចីរភាព ដែលជាគម្រោងបង្កើតឡើង ក្រោមកិច្ចសហការផ្តួចផ្តើមរបស់ CGCC និង កម្មវិធីអភិវឌ្ឍន៍​សហប្រជាជាតិ (UNDP) ដែលនឹងអនុញ្ញាតឱ្យដៃគូអភិវឌ្ឍន៍ និងគ្រឹះស្ថានហិរញ្ញវត្ថុចូលរួមបង្កើតមូលនិធិរួមគ្នាជាមួយ CGCC ដើម្បីផ្តល់ហិរញ្ញប្បទានចម្រុះសម្រាប់ការវិនិយោគវិស័យបៃតងដែលមានការធានាពីCGCC ក្នុងលក្ខខណ្ឌអនុគ្រោះ ដើម្បីគាំទ្រដល់គោលដៅអភិវឌ្ឍន៍ប្រកបដោយចីរភាព។

ស្របពេលជាមួយគ្នានេះផងដែរ លោកអគ្គនាយកក៏បានចូលរួមជាវាគ្មិនកិត្តិយសមួយរូប នៃកិច្ចពិភាក្សាលើប្រធានបទ “Financing the Transition” ដែលផ្តោតលើការស្វែងយល់ឱ្យកាន់តែស៊ីជម្រៅ លើយុទ្ធសាស្ត្រហិរញ្ញវត្ថុដែលចាំបាច់ដើម្បីសម្រេចបាននូវគោលដៅថាមពលស្អាតរបស់ប្រទេសកម្ពុជា  និងបានចែករំលែកពីតួនាទី និងភាពចាំបាច់នៃកិច្ចសហប្រតិបត្តិការចម្រុះ ពីស្ថាប័នពាក់ព័ន្ធ រួមមានរាជរដ្ឋាភិបាល ដៃគូអភិវឌ្ឍន៍ វិស័យឯកជន និងគ្រឹះស្ថានហិរញ្ញវត្ថុ រួមជាមួយការធានាលើឥណទានរបស់ CGCC ដែលផ្តល់ក្នុងវិស័យនេះ។

គួរបញ្ជាក់ផងដែរថា វេទិកាសប្តាហ៍ថាមពលស្អាត ឆ្នាំ២០២៤ ត្រូវបានរៀបចំឡើងអង្គការ Energy Lab ក្រោមកិច្ចសហការជាមួយក្រសួងរ៉ែ និងថាមពល និងគាំទ្រដោយ UNDP និងកម្មវិធីភាពជាដៃគូ កម្ពុជា អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (ហៅកាត់ថា កម្មវិធី CAPRED) ដែលត្រូវបានចាប់ពីថ្ងៃទី៣១ ខែតុលា ដល់ថ្ងៃទី០៧ ខែវិច្ឆិកា ឆ្នាំ២០២៤។

Credit Guarantee Corporation of Cambodia Plc. (CGCC) is a state-owned enterprise established under the Ministry of Economy and Finance. CGCC was recently set up to improve financial inclusion and develop the growth of SMEs in Cambodia. It plays an important role in the economic development of the country.

We are expanding our team! Join us, If you want to be part of the team, CGCC is urgently seeking qualified candidate for the following positions:

Director of Strategy and Business Development

Key responsibilities

• S/he will supervise CGCC’s strategy, business development, marketing, product development, cooperation, and the development of bond guarantees.
• S/he shall be the liaison person for CGCC to work on strategic collaborations/projects undertaken with external development partners, e.g. World Bank, Asian Development Bank (ADB), UNCDF, IMF, IFC, etc.
• S/he shall assist the CEO on any business-related matters dealing with the various ministries of the Royal Government of Cambodia e.g., Ministry of Economy and Finance etc., and other governmental stakeholders and regulators.
• S/he shall ensure that the Company’s business targets, including total guaranteed loans, bond guarantees, fee income, and SME outreach, remain his priority to CGCC.
• S/he shall develop a close working relationship with CGCC’s stakeholders, particularly Participating Financial Institutions (PFIs), securities companies, potential bond issuers and investors, as well as SMEs, to ensure that the necessary support is provided to deliver good service by CGCC and that the respective departments address any issues encountered by the stakeholders.
• S/he shall ensure that guarantee products are developed to address the needs of SMEs and to generate income for CGCC. All aspects of the Product Development have to be in place eg. Design, structure, features, pricing analysis, documentation, workflows, approvals.
• S/he shall be in charge of Marketing and Branding of CGCC to ensure that SMEs are aware of CGCC products and services.Develop the marketing plan for CGCC to include events/webinars/ advertisements/brochures/sponsorships etc.
• S/he shall draft and vet all corporate communications in Khmer and translate them to English for the CEO’s approval on correspondence and communications to the stakeholders.
• S/he shall build networking with relevant SME associations, trade chambers, and capacity-building partners assist the development of SMEs in other related areas beyond guarantees.
• S/he shall oversee the origination of the bond guarantee and structure new guaranteed bond transactions overseas.
• S/he shall process new CGCC-guaranteed bond transactions, including preparing documentation, and conducting due diligence by collaborating with relevant CGCC departments.
• S/he shall oversee the performance and monitoring of the guaranteed bond and recommend any remedial actions.
• S/he shall handle CGCC publications, including Annual Report, Quarterly Newsletter, and Factsheet, to ensure high quality of CGCC’s publication.
• S/he shall carry out any ad-hoc duties assigned to him/her by the CEO as and when required for CGCC.

Qualification Requirements

• A minimum of a master’s degree in economics, finance, business, public policy, or a related field.
• At least ten (10) years of working experience in the banking sector or non-bank financial. industry, particularly in the areas of strategy, business development, product development, and credit guarantee.
• Strong analytical and strategic thinking skills.
• Proven record of being a top management in financial institutions.
• Proven coordination, communication, interpersonal and diplomatic skills.
• Ability to work effectively as a team with a sense of responsibility, flexibility, adaptability, and ability to learn and work under pressure.
• Ability to prioritize tasks effectively, maintain timelines, and manage/plan workloads effectively.
• Strong verbal and written communication skills in Khmer and English.
• Competence in Microsoft Office Software.

Deadline: 8^th November 2024

នៅថ្ងៃទី២ ដល់ថ្ងៃទី៦ ខែកញ្ញា ឆ្នាំ២០២៤ គណៈប្រតិភូ CGCC ដឹកនាំដោយលោក ប៊ុត វ៉ាន់នី  ប្រធាននាយកដ្ឋាន ធនធានមនុស្ស និងរដ្ឋបាលនៃ CGCC បានចូលរួមកម្មវិធី Asian Credit Supplementation Institution Confederation (ACSIC) Training Program លើកទី៣២ ឆ្នាំ២០២៤ នៅទីក្រុងតូក្យូ ប្រទេសជប៉ុន ដែលសហការរៀបចំដោយ សាជីវកម្មហិរញ្ញវត្ថុជប៉ុន (JFC) និងសហព័ន្ធសាជីវកម្មធានាឥណទានជប៉ុន (JFG) ក្រោមប្រធានបទ “Unique Initiatives Based on Recent Economic Situations” និង “Pursuing Sustainability and Best Practices for SMEs through the Credit Supplementation System”។

កម្មវិធីបណ្តុះបណ្តាលនេះត្រូវបានអញ្ជើញចូលរួមដោយប្រតិភូប្រមាណ​ ៤៣រូប មកពីស្ថាប័នដែលជាសមាជិក និងអ្នកសង្កេតការណ៍នៃ ACSIC (១៦ ស្ថាប័ន មកពី១៣ ប្រទេសផ្សេងគ្នា) រួមមានប្រទេសកម្ពុជា ឥណ្ឌូនេស៊ី ឥណ្ឌា ជប៉ុន កូរ៉េ ម៉ាឡេស៊ី ម៉ុងហ្គោលី នេប៉ាល់ ប៉ាពួអាស៊ីនូវែលហ្គីណេ ហ្វីលីពីន ស្រីលង្កា តៃវ៉ាន់ និងថៃ។

កម្មវិធីបណ្តុះបណ្តាលនេះក៏បានផ្តល់ឱកាសដ៏ល្អសម្រាប់ប្រតិភូរបស់ CGCC ក្នុងការពង្រីកបណ្តាញជាមួយស្ថាប័នធានាឥណទានផ្សេងទៀតក្នុងការអភិវឌ្ឍបន្ថែមទៀតសម្រាប់ CGCC  លើសពីនេះទៀត ស្ថាប័នធានាឥណទាន មួយចំនួនក៏បានយល់ព្រមចែករំលែកព័ត៌មានផ្សេងៗរួមទាំងច្បាប់ និងបទប្បញ្ញត្តិរៀងៗខ្លួនមកកាន់ CGCC។ គណៈប្រតិភូរបស់ CGCC ក៏បានរៀនពីរបៀបនៃការរៀបចំកម្មវិធី ACSIC Training Program ដែលជាបទពិសោធន៍ដ៏មានប្រយោជន៍សម្រាប់ CGCC ក្នុងការធ្វើជាម្ចាស់ផ្ទះសម្រាប់កម្មវិធី ACSIC Training Program នេះនាពេលអនាគត។

គួរបញ្ជាក់ផងដែរថា ACSIC គឺជាសមាគមនៃស្ថាប័នធានាឥណទាន ឬស្ថាប័នមានតួនាទីប្រហាក់ប្រហែលនេះដ៏ធំជាងគេ នៅក្នុងតំបន់អាស៊ី ដែលត្រូវបានបង្កើតឡើងនៅក្នុងឆ្នាំ១៩៨៧ ដើម្បីជំរុញការអភិវឌ្ឍប្រព័ន្ធធានាឥណទាន នៅក្នុងទ្វីបអាស៊ី​។

នៅព្រឹកថ្ងៃទី១៧ ខែកញ្ញា ឆ្នាំ២០២៤ នៅទីស្តីការក្រសួងកសិកម្ម រុក្ខាប្រមាញ់ និងនេសាទ សាជីវកម្មធានាឥណទានកម្ពុជា (CGCC) និងក្រសួងកសិកម្ម រុក្ខាប្រមាញ់ និងនេសាទ (MAFF) បានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីការប្រើប្រាស់សេវាធានាឥណទាន សម្រាប់ជំរុញការអភិវឌ្ឍសហគមន៍កសិកម្មទំនើប ក្រោមអធិបតីភាពដ៏ខ្ពង់ខ្ពស់របស់ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងឯកឧត្តម រស់ សីលវ៉ា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ និង ជាប្រធានក្រុមប្រឹក្សាភិបាលរបស់CGCC។

MoU រវាង CGCC និង MAFF នឹងអនុញ្ញាតឱ្យភាគីទាំង២ សម្រេចបាននូវគោលដៅរួមគ្នា ក្នុងការគាំទ្រសហគ្រាសធុនតូច និងមធ្យម ជាពិសេសសហគមន៍កសិកម្មទំនើប លើការអភិវឌ្ឍវិស័យកសិកម្ម និងគាំទ្រ CGCC ក្នុងការបង្កើនបរិយាបន្នហិរញ្ញវត្ថុនៅកម្ពុជា។ ទន្ទឹមនេះ កិច្ចសហប្រតិបត្តិការនេះ នឹងផ្តល់ជាផលវិជ្ជមាន នៅក្នុងវិស័យកសិកម្មនៅកម្ពុជា តាមរយៈការជំរុញឱ្យមានការទទួលបានហិរញ្ញប្បទានផ្លូវការកាន់តែច្រើនជាងមុន។

ឯកឧត្តមរដ្ឋមន្ត្រី បានសម្តែងនូវការស្វាគមន៍​ និងសេចក្តីសោមនស្សរីករាយចំពោះការចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC) ធ្វើយ៉ាងណារួមគ្នាអភិវឌ្ឍសហគមន៍កសិកម្មទំនើប ដែលជាគោលនយោបាយអាទិភាពរបស់រាជរដ្ឋាភិបាលក្នុងវិស័យកសិកម្ម ឱ្យមានមូលដ្ឋានបច្ចេកទេស ផលិតតាមតម្រូវការទីផ្សារ មានគុណភាពល្អ កាត់បន្ថយថ្លៃដើមផលិត និងមានប្រសិទ្ធភាពសេដ្ឋកិច្ច។

ឯកឧត្តមរដ្ឋលេខាធិការប្រធានក្រុមប្រឹក្សាភិបាល CGCC  ក៏បានសម្តែងនូវការសាទរចំពោះពិធីចុះហត្ថលេខានេះ ដែលពិតជាមានសារៈសំខាន់ សម្រាប់កិច្ចសហប្រតិបត្តិការរវាងស្ថាប័នរដ្ឋទាំងពីរ ក្នុងការរួមដៃគ្នា ដើម្បីជំរុញការអភិវឌ្ឍសហគមន៍កសិកម្មទំនើបនៅកម្ពុជា (Modern Agricultural Cooperatives) តាមរយៈការបង្កើនផលិតភាព និងប្រសិទ្ធភាព នៃការផលិត ផលិតផលកសិកម្ម និងការប្រើប្រាស់យន្តការធានាឥណទានរបស់រាជរដ្ឋាភិបាល ក្នុងការបង្កើនលទ្ធភាពទទួលបានហិរញ្ញប្បទាន របស់សហគមន៍កសិកម្មទំនើប ក្នុងគោលបំណងគាំទ្រដល់កំណើនសេដ្ឋកិច្ចកម្ពុជា។

វិស័យកសិកម្មត្រូវបានចាត់ទុកថាជាវិស័យអាទិភាព ក្នុងការទទួលបានការធានាឥណទានពី CGCC តាមរយៈគ្រឹះស្ថានហិរញ្ញវត្ថុចូលរួមរបស់ CGCC។ គិតត្រឹមបំណាច់ខែសីហា ឆ្នាំ២០២៤ នេះ CGCC បានផ្តល់ការធានាលើឥណទានប្រមាណជាង ២.៦០០គណនី ក្នុងទឹកប្រាក់សរុបប្រមាណ ២២៤ លានដុល្លារ។ ក្នុងនោះ ការធានាឥណទានដែលត្រូវបានផ្តល់ជូនវិស័យកសិកម្មមានចំនួន ៨៧គណនី ក្នុងទឹកប្រាក់ប្រមាណ ១៥លានដុល្លារ។