ធនាគារ មេយប៊ែង ចុះ MoU ជាមួយស្ថាប័នចំនួន៣ នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម

(ភ្នំពេញ)៖ ធនាគារ មេយប៊ែង (ខេមបូឌា) ភីអិលស៊ី បានចុះអនុស្សរណៈនៃការយោគយល់គ្នា (MoU) ជាមួយស្ថាប័នចំនួន៣ រួមមាន សហសាជីវកម្មធានាឥណទានកម្ពុជា (CGCC), ក្រុមហ៊ុន BNI Super និងសមាគមសហគ្រិនស្ត្រីកម្ពុជា (CWEA) ដើម្បីរួមគ្នាជួយគាំទ្រ ដល់សហគ្រាសធុនតូច និងមធ្យមនៅកម្ពុជា តាមរយៈកម្មវិធី «កសាងសមត្ថភាព និងជំនាញសម្រាប់ សហគ្រាសធុនតូច និងមធ្យម។

ការចុះអនុស្សរណៈនៃការយោគយល់គ្នានេះ ធ្វើឡើងនៅថ្ងៃទី១០ ខែមិថុនា ឆ្នាំ២០២៣ ក្រោមការចុះអនុស្សរណៈនៃការយោគយល់គ្នានេះ ធនាគារ មេយប៊ែង សាជីវកម្មធានាឥណទានកម្ពុជា BNI Super និងសមាគមសហគ្រិនស្ត្រីកម្ពុជា នឹងសហការគ្នាដើម្បីផ្តល់នូវវគ្គបណ្តុះបណ្តាល តាមរយៈសិក្ខាសាលាទៅ ដល់សមាជិកនៃស្ថាប័នខាងលើ ក៏ដូចជាម្ចាស់សហគ្រាសធុនតូច និងមធ្យមផ្សេងទៀតដែលបានចូលរួម ដើម្បីជួយក្នុងការពង្រីកអាជីវកម្មរបស់ពួកគេ។ វគ្គបណ្តុះបណ្តាលនេះ នឹងផ្តោតទៅលើប្រធានបទជាច្រើន ទាក់ទងទៅនឹងចំណេះដឹងផ្នែកហិរញ្ញវត្ថុ និងប្រតិបត្តិការអាជីវកម្ម។

ការចុះអនុស្សរណៈយោគយល់នេះ ក៏នឹងត្រួសត្រាយផ្លូវដល់ការពង្រីកបណ្តាញទំនាក់ទំនង ក៏ដូចជាការអភិវឌ្ឍរយៈពេលយូរអង្វែងផ្នែកមុខជំនួញ ដល់សហគ្រាសធុនតូច និងមធ្យមដែលបានចូលរួម ក្នុងការបណ្តុះបណ្តាលនេះ តាមរយៈវេទិកាប្រាស្រ័យទាក់ទងគ្នា និងការចែករំលែកចំណេះដឹងទាំងផ្នែកទ្រឹស្តី និងបច្ចេកទេសនានា។ ពិសេសលើសនេះទៅទៀត អ្នកចូលរួមក៏នឹងទទួលបានការលើកទឹកចិត្ត ពីធនាគារ មេយប៊េង ខេមបូឌា តាមរយៈការផ្តល់ជូននូវអត្រាពិសេស ដល់ពួកគេផងដែរ។

លោក រ័ត្ន សោភ័ណ នាយកប្រតិបត្តិរបស់ធនាគារ មេយប៊ែង បានលើកឡើងថា «ការចុះអនុស្សរណៈនៃការយោគយល់គ្នា និងកម្មវិធី កសាងសមត្ថភាព និងជំនាញនេះ ជាការបង្ហាញនូវការប្តេជ្ញាចិត្តរបស់ធនាគារ មេយប៊ែង ក្នុងការបន្តគាំទ្រដល់ការរីកចម្រើន របស់សហគ្រិនធនតូច និងមធ្យមនៅក្នុងប្រទេសកម្ពុជា ហើយជឿជាក់ថា ការផ្តល់ជាវេទិកាក្នុងវគ្គបណ្តុះបណ្តាលនេះ ជាផ្នែកមួយនៃការផ្តល់ចំណេះដឹងផ្នែកហិរញ្ញវត្ថុ បាននឹងកំពុងផ្តល់នូវឧបករណ៍ដ៏ត្រឹមត្រូវ ដើម្បីចីរភាពនៃមុខជំនួញជាកិច្ចរួមចំណែក ដល់ការអភិវឌ្ឍន៍សេដ្ឋកិច្ចរបស់ប្រទេសកម្ពុជា»

លោកបានបន្ដថា ឆ្នាំទៅមិញកម្មវិធី កសាងសមត្ថភាព និងជំនាញនេះទទួលបានជោគជ័យគួរជាទីកត់សម្គាល់ ចំពោះឆ្នាំនេះ យើងចង់បន្តបំពេញនូវកិច្ចសន្យា ក្នុងការផ្តល់សេវាហិរញ្ញវត្ថុ ប្រកបដោយអរិយ្យភាពដោយបង្កើននូវកម្រិតនៃ ការគាំទ្រថែមមួយកម្រិតទៀត តាមរយៈការបន្តគាំទ្រ និងពង្រីកដៃគូសហការ សរុបចំនួនបីដែលរួមមាន CGCC CWEA និង BNI Super។

លោក Wong Keet Loong អគ្គនាយកសាជីវកម្មធានាឥណទានកម្ពុជា បានថ្លែងថា «យើងមានសេចក្តីសោមនស្សរីករាយ ក្នុងការចាប់ដៃគូជាមួយធនាគារ មេយប៊ែង ក្នុងឆ្នាំនេះម្តងទៀត សម្រាប់កម្មវិធី BCC និងពិសេសក្នុងការបង្កើនកិច្ចសហប្រតិបត្តិការជាមួយ BNI និងសមាគមសហគ្រិនស្រ្តីកម្ពុជា ដើម្បីពង្រីកវិសាលភាពនៃ កម្មវិធីដ៏សំខាន់នេះ ក្នុងនោះជឿជាក់ថា កម្មវិធី BCC នឹងផ្តល់ជាធនធានដ៏សំខាន់ ដល់សហគ្រាសធុនតូច និងមធ្យមនៅកម្ពុជា និងជាជំនួយដល់សហគ្រិនឱ្យកាន់តែរីកចម្រើន និងទទួលបានជោគជ័យ ជាមួយនឹងនឹងឱកាសដ៏ទូលំទូលាយ ក្នុងការទទួលបានហិរញ្ញប្បទាន និងបង្កើនចំណេះដឹងហិរញ្ញវត្ថុ ស្របជាមួយនឹងទិសដៅរបស់ CGCC។

លោកស្រី ជា រដ្ឋា អនុប្រធាននៃសមាគមសហគ្រិនស្រ្តីកម្ពុជា CWEA ក៏បានលើកឡើងថា «ខ្ញុំមានសេចក្តីសោមនស្សរីករាយជាខ្លាំង ដែលបានចូលរួមក្នុងគំនិតផ្តួចផ្តើមនេះ ដោយកម្មវិធីនេះស្របទៅតាមបេសកកម្មរបស់ CWEA ក្នុងការជួយជំរុញវិស័យសហគ្រិនភាព ដល់ស្ត្រីកម្ពុជា តាមរយៈការបង្កើនជំនាញ និងបណ្តាញទំនាក់ទំនង នាងខ្ញុំសូមលើកទឹកចិត្តដល់សមាជិក CWEA និងសហគ្រិនស្រ្តីទាំងអស់ ឱ្យចាប់យកឱកាសនេះ ដើម្បីជាប្រយោជន៍ក្នុងការយល់ដឹងបន្ថែម និងពង្រីកវិសាលភាពផ្ទាល់ខ្លួន»

លោក គ្រុយ ឬទ្ធី នៃ BNI Super បានឲ្យដឹងថា «ការក្លាយជាដៃគូរសហការនេះ នឹងផ្តល់ផលប្រយោជន៍ ទៅវិញទៅមកដល់សមាជិករបស់ BNI ក៏ដូចជាសហគ្រិនដទៃ ព្រោះបានអនុញ្ញាតឲ្យសមាជិក ពង្រីកនូវបណ្តាញទំនាក់ទំនងរបស់ពួកគេ អភិវឌ្ឍជំនាញថ្មីៗ និងជំរុញដល់ការបើកទំព័រអាជីវកម្មរបស់ពួកគេជាដើម»

សូមជម្រាបថា ឆ្នាំ២០២២ កម្មវិធីកសាងសមត្ថភាព និងជំនាញ បានបណ្តុះបណ្តាលសហគ្រាសធុនតូច និងមធ្យម និងទីប្រឹក្សាផ្នែកហិរញ្ញវត្ថុជិត១០០នាក់ ទៅលើប្រធានបទផ្សេងៗគ្នា រួមមានការចុះបញ្ជី អាជីវកម្មនៅកម្ពុជា សារៈសំខាន់គោលការណ៍គ្រប់គ្រងហិរញ្ញវត្ថុ ការធ្វើស្លាកយីហោ និងទីផ្សារឌីជីថល ក៏ដូចជាការគ្រប់គ្រងធនធានមនុស្សជាដើម។

វគ្គបណ្តុះបណ្តាលទាំងនេះ ត្រូវបានចែករំលែកដោយអ្នកជំនាញប្រកបដោយវិជ្ជាជីវៈ អញ្ជើញមកពីបណ្តាស្ថាប័ន ក្រុមហ៊ុន ច្បាប់ល្បីៗក្នុងស្រុក ទីប្រឹក្សាពាណិជ្ជកម្ម ភ្នាក់ងារផ្សព្វផ្សាយពាណិជ្ជកម្ម និងស្ថាប័នហិរញ្ញវត្ថុនានា៕

ធនាគារ មេយប៊ែង ចុះ MoU ជាមួយស្ថាប័នចំនួន៣នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម
ធនាគារ មេយប៊ែង ចុះ MoU ជាមួយស្ថាប័នចំនួន៣នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម
ធនាគារ មេយប៊ែង ចុះ MoU ជាមួយស្ថាប័នចំនួន៣នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម
ធនាគារ មេយប៊ែង ចុះ MoU ជាមួយស្ថាប័នចំនួន៣នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម
ធនាគារ មេយប៊ែង ចុះ MoU ជាមួយស្ថាប័នចំនួន៣នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម
ធនាគារ មេយប៊ែង ចុះ MoU ជាមួយស្ថាប័នចំនួន៣នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម
ធនាគារ មេយប៊ែង ចុះ MoU ជាមួយស្ថាប័នចំនួន៣នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម
ធនាគារ មេយប៊ែង ចុះ MoU ជាមួយស្ថាប័នចំនួន៣នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម
ធនាគារ មេយប៊ែង ចុះ MoU ជាមួយស្ថាប័នចំនួន៣នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម
ធនាគារ មេយប៊ែង ចុះ MoU ជាមួយស្ថាប័នចំនួន៣នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម

Credit to: Fresh News, Published on 10 June 2023

ទឹកប្រាក់​ជាង ​១០០​ លាន​ដុល្លារ​ ត្រូវ​ផ្តល់​ដល់ SME តាម CGCC

សាជីវកម្ម​ធានា​​ឥណទាន​កម្ពុជា​ (CGCC) បានផ្តល់​ការធានា​ឥណទាន​ជូន​ដល់ ១១៥៥ ក្រុមហ៊ុន​/​អាជីវ​កម្ម ក្នុង​ទំហំ​ទឹកប្រាក់​កម្ចី​ចំនួនជិត​ ១០៥ លាន​ដុល្លារ គិត​ត្រឹម​ចុងខែ​កុម្ភ​: ឆ្នាំ​ ២០២៣ ក្នុង​ការផ្តល់​លទ្ធភាព​ហិរញ្ញវត្ថុ​ដល់​សហគ្រាស​ធុន​តូច និង​មធ្យម (SMEs)​ ដើម្បី​បន្ត​និរន្តរភាព​និង​ពង្រីក​អាជីវកម្ម​ដែល​បាន​រង​ផលប៉ះពាល់​ពី​ការរីក​រាលដាល​នៃ​ជំងឺ​កូ​វីដ​ ១៩​។​

​យោងតាម​របាយការណ៍​របស់ CGCC ចេញផ្សាយ​កាលពី​ថ្ងៃទី​ ១០ ខែមីនា​នេះ គិត​ត្រឹម​ចុងខែ​កុម្ភ​: ឆ្នាំ​ ២០២៣ CGCC បានផ្តល់​ការធានា​ឥណទាន​ជូន​ដល់ ១១៥៥ ​ក្រុមហ៊ុន​/​អាជីវកម្ម ក្នុង​ទំហំ​ទឹក​ប្រាក់កម្ចី​ប្រហាក់ប្រហែល ១០៤,៩ លាន​ដុល្លារ​។ បើ​គិត​ត្រឹម​ថ្ងៃទី​ ៣១ ខែមករា សន្និធិ​ឥណទាន​ដែលមាន​ការធានា​មាន​ចំនួន ៨១,៦ លាន​ដុល្លារ និង​សន្និធិ​ទំហំ​ការធានា​ឥណទាន​មាន​ចំនួន ៥៨,៩ លាន​ដុល្លារ​។

​លោក សុខ វឿ​ង ប្រធាន​សមាគម​មីក្រូហិរញ្ញវត្ថុ​នៅ​កម្ពុជា​បាន​ថ្លែងប្រាប់​ភ្នំពេញ​ប៉ុស្តិ៍​នៅ​ថ្ងៃទី​ ១៣ ខែមីនា​ថា គម្រោង​ធានា​ឥណទាន​នេះ​បាន​ដើរ តួនាទី​យ៉ាងសំខាន់​ក្នុងការ​ផ្តល់​លទ្ធភាព​ដល់​សហគ្រាស​ធុន​តូច​និង​មធ្យម​ទទួលបាន​នូវ​កម្ចី​ដោយ​ពុំ​បាច់​មានទ្រព្យ​ធានា​ដើម្បី​យកទៅ​បន្ត​និរន្តរភាព​និង​ពង្រីក​អាជីវកម្ម​របស់​ពួកគាត់​ក្រោយពី​ទទួលរង​ពី​ផល​​ប៉ះពាល់​នៃ​ការរីក​រាលដាល​នៃ​ជំងឺ​កូ​វីដ ​១៩​ ជាង​ ២ ​ឆ្នាំ​មកនេះ​។​

​លោក​បាន​ថ្លែងថា ជាមួយនឹង​កំណើន​នៃ​ការធានា​ចំនួន ១ ១៥៥​ នេះ ក្នុងនោះ ​៨០​ ភាគរយ​គឺ​ផ្តល់​ដោយ​ធនាគារពាណិជ្ជ និង​ចំណែក​ដែល​នៅសល់​គឺ​គ្រឹះស្ថាន​មីក្រូ​ហិរញ្ញ​​វត្ថុ ដែលជា​ដៃគូ​ចូលរួម​ជាមួយ​គម្រោង​ធានា​ឥណទាន​នេះ​។

​ប៉ុន្តែ​សម្រាប់​ទឹកប្រាក់​នៃ​ទំហំ​ឥណទាន​ដែលមាន​ជិត​ ១០៥ ​លាន​ដុល្លារ​នោះ​គឺ ប្រមាណ ​៩៥​ ភាគរយ​ត្រូវ​ផ្តល់​ដោយ​គ្រឹះស្ថាន​ធនាគារ​។​

​លោក​បាន​ថ្លែងថា​៖ «​សម្រាប់​ទំហំ​ឥណទាន​ដែល​បានផ្តល់​នោះ​គឺ​យើង​បានផ្តល់​ភាគច្រើន​ទៅលើ​វិស័យ​អាទិភាព​ដូចជា​វិស័យ​សេវាកម្ម កសិកម្ម និង​ផលិតកម្ម ដែល​បណ្តា​សហគ្រាស​ខ្នាតតូច​និង​មធ្យម​ទាំង​នោះ​អាច​ទទួលបាន​កម្ចី​ដើម្បី​យកទៅ​ពង្រីក​អាជីវកម្ម​របស់ខ្លួន​ដោយ​ពុំ​ចាំបាច់​មានទ្រព្យ​ធានា​»​។

​លោក​បាន​ថ្លែង​បញ្ជាក់ទៀតថា​៖ «​យើង​រីករាយ​ក្នុងការ​ចូលរួម​ជាមួយ CGCC ដោយសារតែ​ហានិភ័យ​ត្រូវបាន​ធានា​។ យើង​សង្កេតឃើញថា​ចាប់តាំងពី​គម្រោង​នេះ​ចាប់ផ្តើម​អនុវត្ត​គឺ​អត្រា​ឥណទាន​ដែល​ខូច នោះ​មាន​អត្រា​តិចតួច​បំផុត ដោយ​សារ​តែ​អាជីវកម្ម​ទាំងនោះ​គឺ​សុទ្ធសឹង​តែមាន​សក្តានុពល​ក្នុងការ​ជំរុញ​សកម្មភាព​សេដ្ឋកិច្ច​ប៉ុន្តែ​ពួកគេ​ពុំមាន​ទ្រព្យ​ធានា ហេតុដូច្នេះ​ហើយ​ការ​អនុវត្ត​គម្រោង​ធានា​ឥណទាន​នេះ​គឺ​បាន​ជួយ​ពួកគាត់​ច្រើន​ក្នុងការ​ពង្រីក​អាជីវកម្ម​។​

​លោក សុខ វឿ​ង ​ដែលជា​អគ្គនាយក​របស់​គ្រឹះស្ថាន​មីក្រូហិរញ្ញវត្ថុ LOLC ផងដែរ​នោះបាន​ថ្លែងថា ស្ថាប័ន​របស់លោក​ក៏បានផ្តល់​កម្ចី​ប្រមាណ​ជា​ ២ ​លាន​ដុល្លារ​ផងដែរ ហើយ​លោក​នឹងធ្វើ​ការពង្រីក​ឱ្យបាន​ពី​ ៤ ​ទៅ ​៥ ​លាន​ដុល្លារ​សម្រាប់​ឆ្នាំ ​២០២៣ ​នេះ​ដើម្បី​ចូលរួមចំណែក​ផ្តល់​មូលនិធិ បន្ថែម​ដល់​ SMEs​។

​លោក តូច ចៅ​ចេក ប្រធាន​នាយក​ប្រតិបត្តិ​ធនាគារ​ប្រៃសណីយ៍​កម្ពុជា បាន​ថ្លែងប្រាប់​ភ្នំពេញ​ប៉ុស្តិ៍​នៅ​ថ្ងៃទី​ ១៣ ខែមីនា​ថា ធនាគារ​របស់លោក​ចូលរួម​ជាមួយ​គម្រោង​ធានា​ឥណ​ទាន​នេះ​មាន​ទឹកប្រាក់​ជាង​១​លាន​ដុល្លារ​រួចទៅហើយ​គិត​ត្រឹម​ដំណាច់ ឆ្នាំ ២០២២​។ លោក​បន្ថែមថា ធនា​គា​រលោក​នឹងមាន​គម្រោង​ក្នុងការ​ពង្រីក​ឱ្យបាន​ប្រមាណ​ពី​ ៥ ​ទៅ​ ១០​ លាន​ដុល្លារ​ក្នុង​ឆ្នាំ​ ២០២៣ នេះ​។​

​លោក​បាន​ថ្លែងថា​៖ «​ជាការ​ពិត ណាស់ តាមរយៈ​គម្រោង CGCC នេះ​គឺជា​គម្រោង​មួយ​ល្អ​សម្រាប់ SMEs ទាំងឡាយ​ដែល​ពួកគាត់​គ្មាន​ទ្រព្យ​ដាក់​ធានា​គឺអាច​ស្នើសុំ​ឥណទាន​តាម​គម្រោង​នេះ​គឺ​ពួកគាត់​មានឱកាស​ក្នុងការ​ស្តារ និង​ពង្រីក​អាជីវកម្ម​របស់​ពួកគាត់​ដោយ​មិន​តម្រូវឱ្យ​មានទ្រព្យ​ធានា​ទេ​»​។​

«​សម្រាប់​ឆ្នាំ​ ២០២៣ នេះ​យើង​ចង់​ពង្រីក​ឱ្យ​ធំ​ដោយ​យើង​ចង់​ពង្រីក​ទៅ​អាជីវកម្ម​ផ្សេងៗ​ឱ្យបាន​ច្រើន​ដោយ​កាលពីមុន​យើង​ផ្តោត​តែ​ទៅលើ SMEs ធំៗ​ដែលមាន​ទ្រព្យ​ធានា​ដើម្បី​ពង្រីក​អាជីវកម្ម​របស់គាត់ ហើយ​ឥឡូវនេះ​សម្រាប់ SMEs តូចៗ​ដែល​ត្រូវការ​សាច់ប្រាក់​ដើម្បី​ពង្រីក​អាជីវ​កម្ម​របស់​ពួកគាត់​ប៉ុន្តែ​មិនមាន​ទ្រព្យ​ធានា​ក៏បាន​ដែរ​ដោយ​យកតាម CGCC ហេតុ​ដូច្នេះហើយ​បានជា​ធនាគារ​របស់ខ្ញុំ​នឹងធ្វើ​ការពង្រីក​ការផ្តល់​កម្ចី​របស់​យើង​តាមរយៈ​គម្រោង CGCC នេះ​ពី​ ១​ លាន​ដុល្លារ​ ទៅ​ចន្លោះ​ពី​ ៥​ ទៅ​ ១០​ លាន​ដុល្លារ​នៅ​ឆ្នាំ​ ២០២៣ ​នេះ​» នេះ​បើតាម​លោក ចៅ​ចេក​៕

ដកស្រង់ពីសារព័ត៌មានភ្នំពេញប៉ុស្តិ៍ ចេញផ្សាយថ្ងៃទី១៤ ខែមីនា ឆ្នាំ២០២៣៖ ទឹកប្រាក់​ជាង ​១០០​ លាន​ដុល្លារ​ ត្រូវ​ផ្តល់​ដល់ SME តាម CGCC

វិទ្យាល័យកោះស្ដេច ខេត្តកោះកុង ទទួលអំណោយម៉ាស៊ីនផលិតទឹកស្អាត ពីសាជីវកម្មធានាឥណទានកម្ពុជា

(កោះកុង)៖ សាជីវកម្មធានាឥណទានកម្ពុជា (CGCC) នៅថ្ងៃទី៥ ខែកុម្ភៈ ឆ្នាំ២០២៣កន្លងទៅនេះ បាននាំយកអំណោយម‌៉ាស៊ីនផលិតទឹកស្អាត ជូនទៅវិទ្យាល័យកោះស្ដេច ខេត្តកោះកុង ក្រោមការដឹកនាំរបស់លោក Wong Keet Long អគ្គនាយក CGCC ក្រោមអធិបតីរបស់លោក សាយ ហេង មេឃុំកោះស្ដេច លោក រ៉ូវ រតនៈសម្បត្តិ ប្រធានគណៈកម្មការគ្រប់គ្រងសាលា លោក ភោគ ហឿន នាយកវិទ្យាល័យកោះស្ដេច និងវត្តមានរបស់អាណាព្យាបាល និងសិស្សានុសិស្សរបស់វិទ្យាល័យកោះស្ដេច ប្រមាណ ២០០នាក់។

ម៉ាស៊ីនផលិតទឹកស្អាតរបស់ CGCC នេះ នឹងអាចសម្រួលឱ្យសិស្សានុសិស្ស និងសហគមន៍ នៃកោះស្ដេច មានទឹកស្អាតប្រើប្រាស់ ដោយកាត់បន្ថយការប្រើប្រាស់ដបទឹកផ្លាស្ទិចនៅលើកោះស្ដេច។ ម៉ាស៊ីនផលិតទឹកស្អាតនេះ អាចផ្គត់ផ្គង់ទឹកស្អាតសម្រាប់កោះទាំងមូល ថែមទាំងអាចជួយសម្រាលបន្ទុកហិរញ្ញវត្ថុ និងបង្កើនសុខមាលភាពរបស់ប្រជាជននៃកោះស្ដេចផងដែរ។

លោក Wong Keet Loong អគ្គនាយក CGCC បានមានប្រសាសន៍ថា «នៅពេលដែលខ្ញុំបានឮពីសំណើនៃកម្មវិធីសប្បុរសធម៌នេះ ពីក្រុមការងាររបស់ខ្ញុំ អំពីតម្រូវការទឹកស្អាតសម្រាប់សិស្សានុសិស្ស និងសហគមន៍កោះស្តេច ខ្ញុំគិតថាវាជាអ្វីដែល CGCC អាចចូលរួមចំណែកក្នុងការជួយសហគមន៍នេះបាន ហើយថ្ងៃនេះ ពួកយើងបានធ្វើឱ្យការគិតរបស់យើងបានក្លាយជាការពិត តាមរយៈការឧបត្ថម្ភម៉ាស៊ីនផលិតទឹកស្អាត ជូនទៅកាន់វិទ្យាល័យកោះស្ដេច សម្រាប់សិស្សានុសិស្សនៃវិទ្យាល័យ និងប្រជាជននៃកោះស្ដេចទាំងមូលផងដែរ ដើម្បីកាត់បន្ថយការបំពុលបរិស្ថានពីការប្រើប្រាស់ដបទឹកផ្លាស្ទិច»។

លោក ភោគ ហឿន នាយកវិទ្យាល័យកោះស្ដេច ក៏បានសម្ដែងការថ្លែងអំណរអរគុណ និងបង្ហាញពីអារម្មណ៍រីករាយយ៉ាងក្រៃលែង ដែល CGCC បានផ្ដល់ម៉ាស៊ីនផលិតទឹកស្អាត ដល់សាលារៀន ដែលអាចឱ្យលោកគ្រូ អ្នកគ្រូ សិស្សានុសិស្ស ក៏ដូចជាប្រជាជនកោះស្ដេចទាំងមូល អាចប្រើប្រាស់បាន។ ម៉ាស៊ីនផលិតទឹកស្អាតនេះពិតជាផ្ដល់ប្រយោជន៍យ៉ាងច្រើនមិនត្រឹមតែសាលារៀនកោះស្ដេចនោះទេ តែសហគមន៍កោះស្ដេចទាំងមូលផងដែរ។

លោក សាយ ហេង មេឃុំកោះស្ដេច ក៏បានថ្លែងអំណរអរគុណ និងបង្ហាញពីអារម្មណ៍រីករាយដូចគ្នា ពីព្រោះម៉ាស៊ីនផលិតទឹកស្អាតនេះ អាចជួយសម្រួលដល់សាលារៀនកោះស្ដេច និងសហគមន៍កោះស្ដេច ក្នុងការកាត់បន្ថយការប្រើប្រាស់ដបទឹកផ្លាស្ទិច និងការបំពុលបរិស្ថាន ដើម្បីឱ្យបរិស្ថានកោះស្ដេចប្រែក្លាយជាបរិស្ថានបៃតង ដើម្បីទាក់ទាញភ្ញៀវទេសចរណ៍ ឱ្យមកកម្សាន្តនៅកោះស្ដេចឱ្យកាន់តែច្រើន។

តាមរយៈកម្មវិធីប្រគល់ម៉ាស៊ីនផលិតទឹកស្អាតនៅលើកោះស្តេចនេះ ក្រុមការងារ CGCC ដែលដឹកនាំដោយលោក ណូ លីដា អគ្គនាយករង CGCC នៅថ្ងៃទី៤ ខែកុម្ភៈ ឆ្នាំ២០២៣ ក៏បានជួបសម្តែងការគួរសម ជាមួយលោកមេឃុំកោះស្តេច និងលោកនាយកវិទ្យាល័យកោះស្តេច ព្រមទាំងចូលរួមជាមួយនឹងសិស្សានុសិស្សនៃវិទ្យាល័យកោះស្តេច ក្នុងការប្រមូលកាកសំណល់ផ្លាស្ទិច ដើម្បីរួមចំណែកថែរក្សាបរិស្ថាននៃកោះស្ដេចផងដែរ។

CGCC សូមថ្លែងអំណរគុណយ៉ាងជ្រាលជ្រៅ ចំពោះការសម្របសម្រួលយ៉ាងកក់ក្តៅ ពីសំណាក់អាជ្ញាធរមូលដ្ឋាន និងប្រជាពលរដ្ឋនៃកោះស្ដេច មកកាន់ក្រុមការងារ CGCC ក្នុងការសម្រេចបេសកកម្មការងារសង្គមមួយនេះ ប្រកបដោយផ្លែផ្កា។

CGCC ផ្តល់ការធានាឥណទានលើកម្ចី ដែលបញ្ចេញដោយគ្រឹះស្ថានហិរញ្ញវត្ថុចូលរួម ដើម្បីគាំទ្រដល់ក្រុមហ៊ុនអាជីវកម្មដែលមានលទ្ធភាពសង ប៉ុន្តែខ្វះទ្រព្យបញ្ចាំពេលដាក់ស្នើកម្ចី។ CGCC ចូលរួមចំណែកអនុវត្តគោលនយោបាយរបស់រាជរដ្ឋាភិបាល ដើម្បីជំរុញបរិយាបន្នហិរញ្ញវត្ថុ និងអភិវឌ្ឍសហគ្រាសធុនតូច និងមធ្យមនៅកម្ពុជា៕

ដកស្រង់ពី Fresh News: វិទ្យាល័យកោះស្ដេច ខេត្តកោះកុង ទទួលអំណោយម៉ាស៊ីនផលិតទឹកស្អាត ពីសាជីវកម្មធានាឥណទានកម្ពុជា

វិទ្យាល័យកោះស្ដេច ខេត្តកោះកុង ទទួលអំណោយម៉ាស៊ីនផលិតទឹកស្អាត ពីសាជីវកម្មធានាឥណទានកម្ពុជា
វិទ្យាល័យកោះស្ដេច ខេត្តកោះកុង ទទួលអំណោយម៉ាស៊ីនផលិតទឹកស្អាត ពីសាជីវកម្មធានាឥណទានកម្ពុជា
វិទ្យាល័យកោះស្ដេច ខេត្តកោះកុង ទទួលអំណោយម៉ាស៊ីនផលិតទឹកស្អាត ពីសាជីវកម្មធានាឥណទានកម្ពុជា
វិទ្យាល័យកោះស្ដេច ខេត្តកោះកុង ទទួលអំណោយម៉ាស៊ីនផលិតទឹកស្អាត ពីសាជីវកម្មធានាឥណទានកម្ពុជា
វិទ្យាល័យកោះស្ដេច ខេត្តកោះកុង ទទួលអំណោយម៉ាស៊ីនផលិតទឹកស្អាត ពីសាជីវកម្មធានាឥណទានកម្ពុជា
វិទ្យាល័យកោះស្ដេច ខេត្តកោះកុង ទទួលអំណោយម៉ាស៊ីនផលិតទឹកស្អាត ពីសាជីវកម្មធានាឥណទានកម្ពុជា

 

សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា

(ភ្នំពេញ)៖ គិតមកដល់ដំណាច់ខែធ្នូ ឆ្នាំ២០២២ សាជីវកម្មធានាឥណទានកម្ពុជា (CGCC) បានផ្តល់ការធានាលើការផ្តល់កម្ចីក្នុងទំហំទឹកប្រាក់​៩២លានដុល្លារ ដល់​សហគ្រាសធុនតូច និងមធ្យម​ ចំនួន៩៨៥ ​ដែលគ្មានលទ្ធភាពដាក់ទ្រព្យបញ្ចាំ ដើម្បីទទួលបាននូវកម្ចី សម្រាប់ស្តារ និងពង្រីកអាជីវកម្មក្នុង និងក្រោយដំណាក់កាលរីករាលដាលជំងឺកូវីដ១៩។

​ថ្លែងក្នុងកម្មវិធីសន្និបាតប្រចាំឆ្នាំ របស់សាជីវកម្មធានាឥណទានកម្ពុជា ក្រោមប្រធានបទ ​«តួនាទីរបស់គម្រោងធានាឥណទាន ក្នុងការអភិវឌ្ឍសហគ្រាសខ្នាតតូច និងមធ្យមនៅកម្ពុជា និងតំបន់អាស៊ាន​» នាថ្ងៃទី១៧ ខែមករា ឆ្នាំ២០២៣នេះ លោក ម៉ី វ៉ាន់ រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ មានប្រសាសន៍ថា នេះគឺជាមោទនភាពមួយ ត្រឹមតែក្នុងរយៈពេលខ្លីប៉ុណ្ណោះ សហគ្រាសធុនតូច និងមធ្យម បានស្គាល់ពីសេវាកម្មថ្មីរបស់រាជរដ្ឋាភិបាល​ និងបានជួយធានាឥណទាន ដល់សហគ្រាសជិត១ពាន់សហគ្រាស។

លោកបន្តថា CGCC ​បានដើរតួនាទីយ៉ាងសំខាន់ ​ក្នុងបម្រើបាននូវសេចក្តីត្រូវរបស់សហគ្រាសធុនតូច និងមធ្យមនៅកម្ពុជា ដែលកំពុងតែជួបបញ្ហាលំបាក នៅក្នុងដំណាក់កាលនៃការរីករាលដាលជំងឺកូវីដ១៩ និងវិបត្តិអតិផរណា ​ហើយត្រូវការឥណទានពីធនាគារ ដើម្បីអាជីវកម្មរបស់ខ្លួន។ រាជរដ្ឋាភិបាល នឹងបន្តអនុវត្តគោលនយោបាយគាំទ្រ តាមរយៈយន្តការធានាឥណទាន ដើម្បីធានាការអភិវឌ្ឍសហគ្រាសធុនតូច និងមធ្យម។

លោកមានប្រសាសន៍ថា «យើងមានដើមទុនចំនួន ២០០លានដុល្លារ ហើយយើងទើបតែផ្តល់ការធានានៅចំនួនជាង ៩០លានទេ ហើយក្នុង ២០០លានដុល្លារនេះ យើងអាចធានាបានពីរទៅ ៣ដងឬ៤ដងទៅតាមគុណភាពនៃឥណទាន។ បើឥណទានល្អយើងពង្រីកការធានាបានច្រើន ហើយបើកម្ចីល្អ គឺយើងត្រូវគិតពីការធានាពីនិរន្តភាព និងភាពជឿទុកចិត្តបានរបស់ដៃគូរបស់យើង បើយើងមិនមានការរឹងមាំនៅក្នុងការគិតគូរទេ គឺដៃគូធនាគារយើងមិនជឿលើផលិតផលរបស់យើងទេ»

លោក​បន្ថែមថា «ខ្ញុំសូមវាយតម្លៃខ្ពស់ ចំពោះដំណើរការរបស់សាជីវកម្មធានាឥណទានកម្ពុជា ក្នុងរយៈពេល២ឆ្នាំកន្លងមក និងសូមថ្លែងអំណរគុណដល់ថ្នាក់ដឹកនាំ និងបុគ្គលិករបស់សាជីវកម្មធានាឥណទានកម្ពុជា ដែលបានខិតខំបំពេញការងារ ប្រកបដោយស្មារតីបុរេសកម្ម និងការទទួលខុសត្រូវខ្ពស់»

លោក Wong Keet Loong អគ្គនាយកសាជីវកម្មធានាឥណទានកម្ពុជា (CGCC) បានថ្លែងថា CGCC បានចាប់ផ្តើមផ្តល់ការធានាឥណទានដំបូង នៅក្នុងខែមីនា ឆ្នាំ២០២១។ ក្នុងចំណោមធានាកម្ចីប្រមាណ ៩២លានដុល្លារនេះ ២៥%ជាសហគ្រិនស្រី្ត ៦៥% កម្ចីគ្មានទ្រព្យធានា និង៩៦% ជាកម្ចីរបស់សហគ្រាសធុនតូច និងមធ្យម រួមទាំងកម្ចីខ្នាតតូច។

លោកបន្តថា ថ្វីត្បិតតែក្នុងរយៈពេល២ឆ្នាំនេះ CGCC មាន​វឌ្ឍនភាពល្អ តែ​ក៏នៅមានប្រឈមនឹងបញ្ហាមួយចំនួនផងដែរ ​ដូចជា​មិនអាចផ្តល់ការធានាឥណទាន ដល់អាជីវកម្មក្រៅប្រព័ន្ធ និងត្រូវធ្វើការងារជាច្រើនទៀតជាមួយស្ថាប័នមីក្រូហិរញ្ញវត្ថុ និងដូរនូវគោលនយោបាយផ្ទៃក្នុង របស់ស្ថាប័នមីក្រូហិរញ្ញវត្ថុ​ទាំងនោះ​ ក្នុងការផ្តល់ការធានាឥណទាន ​តាមរយៈសាជីវកម្មធានាឥណទានកម្ពុជា​។

លោកបន្ថែមថា នាពេលខាងមុខ CGCC មានបំណងចូលគាំទ្រការធានាឥណទាន ដល់វិស័យកសិកម្ម និងហិរញ្ញប្បទានបៃតងផងដែរ។ ទន្ទឹមគ្នានេះ CGCC នឹងបន្តពង្រីកក្នុងភាពជាដៃគូជាមួយគ្រឹះស្ថានហិរញ្ញវត្ថុចូលរួម ដើម្បីសម្រេចបាននូវបរិយាបន្នហិរញ្ញវត្ថុ។

សូមជម្រាបថា សាជីវកម្មធានាឥណទានកម្ពុជា គឺជាស្ថាប័នធានាឥណទានដំបូងបង្អស់នៅកម្ពុជា ដែលត្រូវបានបង្កើតឡើង នៅខែសីហា ឆ្នាំ២០២០ នៅក្នុងអំឡុងពេលវិបត្តិជំងឺកូវីដ១៩ កំពុងវាយលុកយ៉ាងខ្លាំងលើកម្ពុជា ក្រោមការប្តេជ្ញាខ្ពស់របស់រាជរដ្ឋាភិបាល​ ក្នុងការដាក់ឱ្យដំណើរការគម្រោងធានាឥណទានឱ្យបានទាន់ពេលវេលា ដើម្បីគាំទ្រដល់ការស្តារ និងការធានានិរន្តភាពរបស់ក្រុមហ៊ុនអាជីវកម្មក្នុងស្រុក​៕

សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា
សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា
សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា
សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា
សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា
សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា
សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា
សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា
សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា
សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា
សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា
សាជីវកម្មធានាឥណទានកម្ពុជា ផ្តល់ការធានាកម្ចីដល់សហគ្រាសជិត១ពាន់ ក្នុងទំហំទឹកប្រាក់ជាង ៩០លានដុល្លា

Credit to: Fresh News, Publish on 17 January 2023

 

CGCC បានចេញ​លិខិតធានា ​(LG) ៩៨៥ ច្បាប់ ជាមួយនឹង​ចំនួន​ប្រាក់កម្ចី​សរុប ៩២,៧​ លាន​ដុល្លារ

ភ្នំពេញៈ សាជីវកម្ម​ធានា​ឥណ​ទាន​កម្ពុជា ភីអិលស៊ី​​ (CGCC) ដែល​គ្រប់គ្រង​ដោយ​រដ្ឋ បានចេញ​លិខិតធានា ​(LG) ចំនួន ៩៨៥​ ច្បាប់​ជាមួយនឹង​ប្រាក់កម្ចី​សរុប ៩២,៧ ​លាន​ដុល្លារ គិត​ត្រឹម​ថ្ងៃទី​៣១ ខែធ្នូ ឆ្នាំ​ ២០២២ ចាប់តាំងពី​ក្រុមហ៊ុន​នេះ​ដំណើរ​ការ​នៅក្នុង​រយៈពេល​ ២ ​ឆ្នាំ​ចុង​ក្រោយ ដើម្បី​ជំរុញ​សេដ្ឋកិច្ច​ឱ្យ​ងើបឡើង​វិញ ជាពិសេស​សហ​គ្រាស​ធុន​តូច និង​មធ្យម ពី​វិបត្តិ​សុខភាព​។​

​អគ្គនាយក CGCC លោក Wong Keet Loong បានឱ្យដឹង​នៅក្នុង​សិក្ខាសាលា​ប្រចាំឆ្នាំ​របស់ CGCC ស្តីពី​ «​តួនាទី​នៃ​គម្រោងការ​ធានា​ឥណទាន​ក្នុងការ​អភិវឌ្ឍ​សហ​​គ្រាស​ធុន​តូច និង​មធ្យម នៅ​កម្ពុជា និង​អាស៊ាន​»​នា​ថ្ងៃទី​ ១៧ ខែមករា​ថា គិត​ត្រឹម​ថ្ងៃទី​ ៣១ ខែធ្នូ ឆ្នាំ​ ២០២២​ ស្ថាប័ន​លោក​បានទទួល​លិខិតធានា​សរុប ​(LG) និង​ចំនួន​ប្រាក់កម្ចី​សរុប ៩២,៧​ លាន​ដុល្លារ ខណៈ​ប្រាក់កម្ចី​ដែលមាន​ការធានា​មាន​ចំនួន ៧០,៩​ លាន​ដុល្លារ គិត​ត្រឹម​ថ្ងៃទី​ ៣០ ខែវិច្ឆិកា ឆ្នាំ​ ២០២២​។ ទឹកប្រាក់​ធានា​ចំនួន ៥១,២​ លាន​ដុល្លារ គិត​ត្រឹម​ថ្ងៃទី​ ៣០ ខែវិច្ឆិកា ឆ្នាំ​ ២០២២​។​

​លោក​បន្ថែមថា កម្ចី​ដែល​ធានា​ភាគ​ច្រើន គឺ​ក្នុង​វិស័យ​កសិកម្ម​មាន​ចំនួន ២,៦ ​ភាគរយ ឧស្សាហកម្ម ៨,៣​ភាគ​រយ សេវាកម្ម ១១,៦ ភាគរយ ពា​ណិ​​ជ្ជ​កម្ម​លក់រាយ ២៩ ​ភាគរយ និង​ផ្សេងទៀត ៤៨,៤​ ភាគរយ​។ ប្រភេទ​អ្នក​ខ្ចី ក្រុមហ៊ុន​ធំ​មាន​ចំនួន​ ៣៥ និង​សហ​គ្រាស​ធុន​តូច និង​មធ្យម ៩៥០ ខណៈ​ប្រភេទ​ប្រាក់កម្ចី​មាន​ធានា​ចំនួន ៣២៨ ប្រាក់កម្ចី​គ្មាន​ធានា​ចំនួន ៦៥៧​។​

​លោក ម៉ី វ៉ាន់ រដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ បានឱ្យដឹង​ក្នុង​សិក្ខាសាលា​ខាងលើ​ថា សហគ្រាស​ធុន​តូច និង​មធ្យម បាន​ដើរតួ​យ៉ាងសំខាន់​នៅ​ក្នុងការ​ទ្រទ្រង់​ការអភិវឌ្ឍ​សង្គម​សេដ្ឋកិច្ចកម្ពុជា ដោយបាន​រួមចំណែក​កាត់បន្ថយ​ភាពក្រីក្រ​គួរឱ្យ​កត់​​សម្គាល់​ពី​អត្រា ៥០,២ ភាគរយ​ក្នុង​ឆ្នាំ​ ២០០៣ មក​ត្រឹម ១៧,៨​ ភាគរយ​ក្នុង​ឆ្នាំ​ ២០២០ តាមរយៈ​ការបង្កើន​ការងារ និង​ប្រាក់ចំណូល​ជូន​ប្រជា​ពលរដ្ឋ​កម្ពុជា​។​

​លោក​បន្តថា ការអភិវឌ្ឍ​សហគ្រាស​ធុន​តូច និង​មធ្យម គឺជា​ការងារ​អាទិ​ភាព​របស់​រដ្ឋាភិបាល ដែល​ឆ្លុះបញ្ចាំង​តាមរយៈ​យុទ្ធសាស្ត្រ និង​គោ​លន​យោ​បាយ​សំខាន់ៗ​ដែល​ត្រូវបាន​ដាក់ចេញ​ដោយ​រដ្ឋាភិបាល និង​បាន​បង្កើត​ស្ថា​ប័ន​ពាក់ព័ន្ធ​ដើម្បី​គាំទ្រ​ដល់​ការអភិវឌ្ឍ​សហគ្រាស​ធុន​តូច និង​មធ្យម រួមទាំង​ការបង្កើត​សាជីវកម្ម​ធានា​ឥណទាន​កម្ពុជា​ផងដែរ ដើម្បី​ចែករំលែក​ហា​និ​​ភ័យ​ជាមួយ​គ្រឹះស្ថាន​ហិរញ្ញវត្ថុ​ក្នុងការ​ផ្តល់​កម្ចី​សំដៅ​បង្កើន​លទ្ធភាព​ទទួល​បាន​កម្ចី​របស់​ក្រុមហ៊ុន​អាជីវកម្ម ពិ​សេស​សហគ្រាស​ធុន​តូច និង​មធ្យម​។​

​លោក​បាន​ថ្លែងថា​៖ «​រាជរដ្ឋាភិបាល​ពិនិត្យឃើញថា ការប្រើប្រាស់​ថវិការដ្ឋ ដើម្បី​គាំទ្រ​ផ្នែក​ហិរញ្ញប្បទាន​តាមរយៈ​យន្តការ​ធានា​ឥណទាន គឺមាន​គុណ​សម្បត្តិ​សំខាន់​ទី​១ «Leverage Effect» ដោយ​ការប្រើប្រាស់​ដើមទុន​របស់​សាជីវកម្ម​ធានា​ឥណទាន​កម្ពុជា ដើម្បី​ធានា​លើ​កម្ចី​សាចុះសាឡើង ព្រោះ​ទុន​នេះ​ត្រូវបាន​ប្រើប្រាស់​នៅពេល​កម្ចី​ដែលមាន​ការធានា​ត្រូវបាន​បាត់បង់​តែប៉ុណ្ណោះ​។ ដូច្នេះ​ថវិការដ្ឋ​ចំនួន ២០០​ លាន​ដុល្លារ​ដែល​ត្រូវបាន​ផ្តល់ជូន​សាជីវកម្ម​ធានា​ឥណទាន​ជា​​ដើមទុន នឹងមាន​លទ្ធភាព​គាំទ្រ​ដល់​ការបញ្ចេញ​កម្ចី​ថ្មីៗ ដែលមាន​ការ​ធានា​លើសពី ២០០​ លាន​ដុល្លារ ទី​២ «Countercyclical Crisis Tool» ដោយ​រក្សា​ទំនុកចិត្ត​លើ​ទីផ្សារ ជា​ពិ​សេស​ក្នុងអំឡុងពេល​វិបត្តិ​ដើម្បី​រក្សា​លំនឹង​សកម្មភាព​សេដ្ឋកិច្ច​»​។​

​លោក​បញ្ជាក់ថា ជាមួយ​ប្រសិទ្ធភាព​នៃ​គោលនយោបាយ​ដែល​បានដាក់​ចេញ សេដ្ឋកិច្ចកម្ពុជា​ត្រូវបាន​ងាក​មករក​កំណើន​ជា​វិជ្ជមាន​ឡើងវិញ បន្ទាប់​ពី​កំណើន​អវិជ្ជមាន​កាលពី​ឆ្នាំ​ ២០២០ ដែល​ក្នុងនោះ​សេដ្ឋកិច្ចកម្ពុជា​ត្រូវបាន​រំពឹងថា កើនឡើង​ក្នុង​អត្រា​ប្រមាណ ៥ ​ភាគរយ​ក្នុង​ឆ្នាំ​ ២០២២ និង​ប្រមាណ​ ៦ ភាគរយ​នៅ​ឆ្នាំ​ ២០២៣​ ខាងមុខ​។ យ៉ាងណាក៏ដោយ បញ្ហា​ប្រឈម​នៅតែ​បន្ត​ដែល​អាច​ជះឥទ្ធិពល​អវិជ្ជមាន ដល់​កំណើន​សេដ្ឋកិច្ចកម្ពុជា ដូចជា​ការអូសបន្លាយ​សង្គ្រាម​រុស្ស៊ី​-​អ៊ុយ​ក្រែ​ន ការកើនឡើង​នៃ​សម្ពាធ​អតិផរណា​និង​ការប្រកួតប្រជែង​ផ្នែក​ភូមិសាស្ត្រ​​នយោបាយ​ក្នុង​តំបន់​។​

​លោក​លើកឡើងថា​៖ «​ក្នុង​បរិបទ​នេះ សហគ្រាស​ធុន​តូច និង​មធ្យម គឺជា​កម្លាំងចលក​រដែ​ល​មិនអាច​ខ្វះ​បាន ដើម្បី​ធានា​ការអភិវឌ្ឍ​សេដ្ឋកិច្ចកម្ពុជា​ប្រកបដោយ​ចីរភាព បរិ​យា​ប័ន្ន និង​ភាព​ធន់​។ ដូច្នេះ​រដ្ឋាភិបាល​នឹង​បន្ត​អនុវត្ត​គោលនយោបាយ​គាំទ្រ​តាម​​រយៈ​យន្ត​ការធានា​ឥណទាន ដើម្បី​ធានា​ការអភិវឌ្ឍ​សហគ្រាស​ធុន​តូច និង​មធ្យម​»​។

​លោក​បន្ថែមថា​៖ «​សាជីវកម្ម​ធានា​ឥណទាន​កម្ពុជា គឺជា​ស្ថាប័ន​ធានា​​ឥណទាន​ដំបូងបង្អស់​នៅ​កម្ពុជា​ដែល​ត្រូវបាន​បង្កើតឡើង ដោយ​ប្រើប្រាស់​រយៈពេល​ខ្លី​ក្នុងអំឡុងពេល​វិបត្តិ​ជំងឺ​​កូ​វីដ​ ១៩ កំពុង​វាយលុក​យ៉ាងខ្លាំង​លើ​កម្ពុជា ក្រោម​ការប្តេជ្ញា​ខ្ពស់​របស់​រដ្ឋា​ភិ​បាល​ដើម្បី​ដាក់ឱ្យ​ដំណើរការ​គម្រោង​ធានា​ឥណទាន​ឱ្យបាន​ទាន់ពេលវេលា ដើម្បី​គាំទ្រ​ដល់​ការស្តារ និង​ការធានា​និរន្តរភាព​របស់​ក្រុមហ៊ុន​អាជីវកម្ម​ក្នុងស្រុក​។ ខ្ញុំ​សូម​វាយតម្លៃ​ខ្ពស់​ចំពោះ​ដំ​ណើ​រការ​របស់​សាជីវកម្ម​ធានា​ឥណ​ទាន​កម្ពុជា​រយៈពេល​ ២ ឆ្នាំកន្លងមក​»​។​

​កាលពីដើម​ខែមករា ក្រសួង​សេដ្ឋកិច្ច និង​ហិរញ្ញវត្ថុ បានប្រកាស​អំពី​ការបន្ត​ដាក់ឱ្យ​ដំណើរការ​គម្រោង​ធានា​ឥណ​ទាន​ដើម្បី​ស្ដារ​អាជីវកម្ម (BRGS) នៃ (CGCC) ដើម្បី​គាំទ្រ​អាជីវកម្ម ទាំង​អាជីវកម្ម​ខ្នាត​មីក្រូ សហគ្រាស​ខ្នាត​​តូច និង​មធ្យម ​(MSMEs) និង​សហ​​គ្រាស​ខ្នាត​ធំ ក្នុងការ​បង្កើន​លទ្ធភាព​ទទួលបាន​ហិរញ្ញប្បទាន​ពី​គ្រឹះស្ថាន​ហិរញ្ញវត្ថុ​ចូលរួម ​(PFIs)​ សម្រាប់​ធ្វើជា​ទុន​បង្វិល​, ការវិនិយោគ​, និង​ការ​​ពង្រីក​អាជីវកម្ម​។​

​បើ​យោងតាម​ការប្រកាស​ពី CGCC ការប្រកាស​បន្ត​ដាក់ឱ្យ​ដំណើរការ ​«​គម្រោង​ធានា​ឥណទាន​ដើម្បី​ស្តារ​អាជីវកម្ម (Business Recovery Guarantee Scheme, BRGS)» ចាប់ពី​ថ្ងៃទី​១ ខែមករា ឆ្នាំ​២០២៣ តទៅ រហូតដល់​គម្រោង​នេះ​ត្រូវបាន​ប្រើប្រាស់​អស់​៕

Credit to: ភ្នំពេញប៉ុស្តិ៍, 17 January 2023

ក្រសួងសេដ្ឋកិច្ច សម្រេចឱ្យបន្តគម្រោងធានាឥណទានដើម្បីស្តារអាជីវកម្ម មានទឹកប្រាក់សរុប ២០០លានដុល្លារ, គិតត្រឹមចុងឆ្នាំ២០២២ បានធានាលើកម្ចី ៨៩លានដុល្លាររួចមកហើយ

(ភ្នំពេញ)៖ អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានឯកភាពឲ្យសាជីវកម្មធានាឥណទានកម្ពុជា (CGCC) បន្តដាក់ឱ្យដំណើរការ «គម្រោងធានាឥណទានដើម្បីស្តារអាជីវកម្ម (Business Recovery Guarantee Scheme, BRGS)» ដើម្បីជួយស្តារអាជីវកម្ម តាមរយៈការបង្កើនលទ្ធភាពទទួលបានហិរញ្ញប្បទាន ទោះបីខ្វះទ្រព្យធានាក្តី។

សេចក្តីប្រកាសព័ត៌មានរបស់ សាជីវកម្មធានាឥណទានកម្ពុជា (CGCC) ដែលបណ្តាញព័ត៌មាន Fresh News ទទួលបាននៅថ្ងៃទី៤ ខែមករា ឆ្នាំ២០២៣នេះបានប្រកាសបន្តដាក់ឱ្យដំណើរការ «គម្រោងធានាឥណទានដើម្បីស្តារអាជីវកម្ម» ចាប់ពីថ្ងៃទី១ ខែមករា ឆ្នាំ២០២៣ តទៅ រហូតដល់គម្រោងនេះ ត្រូវបានប្រើប្រាស់អស់។

គម្រោងធានាឥណទានដើម្បីស្តារអាជីវកម្ម ជាគម្រោងធានាឥណទាន ដែលមានគោលដៅគាំទ្រអាជីវកម្ម ទាំងអាជីវកម្មខ្នាតមីក្រូ សហគ្រាសខ្នាតតូច និងមធ្យម និងសហគ្រាសខ្នាតធំ ក្នុងការបង្កើនលទ្ធភាពទទួលបានហិរញ្ញប្បទាន ពីគ្រឹះស្ថានហិរញ្ញវត្ថុចូលរួម (PFIs) សម្រាប់ធ្វើជាទុនបង្វិល, ការវិនិយោគ, និងការពង្រីកអាជីវកម្ម។

គម្រោងធានាឥណទានដើម្បីស្តារអាជីវកម្ម មានទំហំទឹកប្រាក់ ២០០លានដុល្លារ ត្រូវបានដាក់ឱ្យដំណើរការជាលើកដំបូង ចាប់ពីថ្ងៃទី២៩ ខែមីនា ឆ្នាំ២០២១ រហូតដល់ថ្ងៃទី៣១ ខែធ្នូ ឆ្នាំ២០២២។ គិតត្រឹមថ្ងៃទី៣១ ខែធ្នូ ឆ្នាំ២០២២ កន្លងទៅ កម្ចីទំហំប្រមាណ ៨៩លានដុល្លារ ដែលភាគច្រើនជាកម្ចីដែលខ្វះទ្រព្យធានា ត្រូវបានធានាដោយ CGCC ក្រោមគម្រោងគម្រោងធានាឥណទានដើម្បីស្តារអាជីវកម្ម។

សេចក្តីប្រកាសព័ត៌មានបញ្ជាក់ថា «CGCC បានទទួលការឯកភាពដ៏ខ្ពង់ខ្ពស់បំផុតពី ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដើម្បីបន្តដាក់ឱ្យដំណើរការគម្រោង BRGS នេះ ដោយកែសម្រួលលក្ខខណ្ឌមួយចំនួន ឱ្យមានភាពប្រសើរឡើង ដូចជា សុពលភាពនៃគម្រោង, ការកំណត់និយមន័យនៃអាជីវកម្មខ្នាតមីក្រូ សហគ្រាសខ្នាតតូច និងមធ្យម និងសហគ្រាសខ្នាតធំ, និងការកំណត់ទំហំជាអតិបរមាសម្រាប់កម្ចីនីមួយៗ»

ការធានាឥណទានរបស់សាជីវកម្មធានាឥណទានកម្ពុជា ក្រោមគម្រោង BRGS នឹងបន្តដើរតួជាទ្រព្យធានាចាប់ពី ៧០%ដល់ ៨០% នៃទំហំឥណទានដែលផ្តល់ដោយ PFIs ដូច្នេះនឹងជួយកាត់បន្ថយតម្រូវការទ្រព្យធានាពីអាជីវកម្មដែលស្នើកម្ចី។ សាជីវកម្មធានាឥណទានកម្ពុជា ស្វាគមន៍នូវកិច្ចសហការជិតស្និតជាមួយគ្រប់ស្ថាប័នពាក់ព័ន្ធ ដើម្បីជំរុញការអនុវត្តគម្រោង BRGS៕

ក្រសួងសេដ្ឋកិច្ច សម្រេចឱ្យបន្តគម្រោងធានាឥណទានដើម្បីស្តារអាជីវកម្ម មានទឹកប្រាក់សរុប ២០០លានដុល្លារ, គិតត្រឹមចុងឆ្នាំ២០២២ បានធានាលើកម្ចី ៨៩លានដុល្លាររួចមកហើយ
ក្រសួងសេដ្ឋកិច្ច សម្រេចឱ្យបន្តគម្រោងធានាឥណទានដើម្បីស្តារអាជីវកម្ម មានទឹកប្រាក់សរុប ២០០លានដុល្លារ, គិតត្រឹមចុងឆ្នាំ២០២២ បានធានាលើកម្ចី ៨៩លានដុល្លាររួចមកហើយ
ក្រសួងសេដ្ឋកិច្ច សម្រេចឱ្យបន្តគម្រោងធានាឥណទានដើម្បីស្តារអាជីវកម្ម មានទឹកប្រាក់សរុប ២០០លានដុល្លារ, គិតត្រឹមចុងឆ្នាំ២០២២ បានធានាលើកម្ចី ៨៩លានដុល្លាររួចមកហើយ
ក្រសួងសេដ្ឋកិច្ច សម្រេចឱ្យបន្តគម្រោងធានាឥណទានដើម្បីស្តារអាជីវកម្ម មានទឹកប្រាក់សរុប ២០០លានដុល្លារ, គិតត្រឹមចុងឆ្នាំ២០២២ បានធានាលើកម្ចី ៨៩លានដុល្លាររួចមកហើយ

Credit to : Fresh News, Published on 04 January 2023

ចុចទីនេះស្វែងយល់បន្ថែមពី: ៥ចំណុច សហគ្រិនគួរត្រៀមខ្លួន ដើម្បីទទួលបាននូវឥណទានដែលមានការធានា

ធនាគារ CIMB និង សាជីវកម្មធានាឥណទានកម្ពុជា ចាប់ដៃគូសហការផ្តល់កម្ចីមានការធានា ដល់អាជីវកម្មដែលខ្វះទ្រព្យធានា

សាជីវកម្មធានាឥណទានកម្ពុជា (CGCC) និងធនាគារ CIMB បានប្រកាសជាផ្លូវការនូវភាពជាដៃគូ ក្នុងពិធីចុះហត្ថលេខាលើកិច្ចព្រមព្រៀងធានាឥណទាន ដើម្បីផ្តល់កម្ចីដែលមានការធានាគាំទ្រដល់សហគ្រាសធុនតូចនិងមធ្យម ក៏ដូចជាក្រុមហ៊ុនអាជីវកម្មនានានៅក្នុងប្រទេសកម្ពុជា ឱ្យមានលទ្ធភាពទទួលបានកម្ចីអាជីវកម្មកាន់តែច្រើន ក្នុងការពង្រីកអាជីវកម្ម វិនិយោគ និងទុនបង្វិល។

ភាពជាដៃគូរវាង CGCC ដែលជាសហគ្រាសសាធារណៈ ស្ថិតក្រោមអាណាព្យាបាលបច្ចេកទេស និង ហិរញ្ញវត្ថុពីក្រសួងសេដ្ឋកិច្ចនិងហិរញ្ញវត្ថុ ជាមួយនិងធនាគារ CIMB ដែលជាធនាគារពាណិជ្ជមានបណ្តាញសាខាជាច្រើននៅកម្ពុជា នឹងបង្កើនការគាំទ្រដល់ក្រុមហ៊ុនអាជីវកម្មដែលមានតម្រូវការហិរញ្ញវត្ថុ ប៉ុន្តែខ្វះទ្រព្យធានាដើម្បីដាក់តម្កល់នៅពេលស្នើសុំកម្ចី ឱ្យទទួលបានកម្ចីដែលមានការធានាក្នុងការអភិវឌ្ឍនិងទ្រទ្រង់អាជីវកម្ម។

លោក Wong Keet Loong អគ្គនាយក CGCC បានលើកឡើងថា “ភាពជាដៃគូជាមួយ ធនាគារ CIMB កម្ពុជា នឹងបង្កើនចំនួនគ្រឹះស្ថានហិរញ្ញវត្ថុចូលរួមរបស់ CGCC ដល់ទៅ២៥ស្ថាប័ន ក្នុងការផ្តល់កម្ចីដែលមានការធានា ដើម្បីគាំទ្រដល់សហគ្រាសខ្នាតមីក្រូ តូច និងមធ្យម (MSMEs) ដើម្បីភាពរីកចម្រើននៃអាជីវកម្ម”។

លោកបានបន្តទៀតថា ៖ “គិតមកត្រឹមថ្ងៃទី ៣០ ខែវិច្ឆិកា ឆ្នាំ២០២២ នេះ CGCC បានផ្តល់ធានាឥណទានដល់ទៅជិត ៩០០ ក្រុមហ៊ុន/អាជីវកម្មក្នុងរង្វង់ទឹកប្រាក់ប្រហាក់ប្រហែល ៨៥ លានដុល្លារសហរដ្ឋអាមេរិក។ យើងមានសុទិដ្ឋិនិយមថា ការធានាឥណទាននឹងត្រូវបានប្រើប្រាស់ជាយន្តការចែករំលែកហានិភ័យដ៏ប្រសើរមួយ សម្រាប់ការផ្តល់ប្រាក់កម្ចីទៅកាន់ MSMEs ក្នុងដំណាក់កាលស្តារឡើងវិញនៃសេដ្ឋកិច្ចជាតិ។ កម្ចីដែលធានាពី CGCC នឹងបង្កើនទំនុកចិត្តដល់គ្រិះស្ថានហិរញ្ញវត្ថុក្នុងការផ្តល់កម្ចី ដើម្បីគាំទ្រដល់កំណើននៃMSMEs នៅកម្ពុជា”។

លោក ប៊ុន យីន ប្រធាននាយកប្រតិបត្តិ នៃធនាគារ CIMB  មានប្រសាសន៍ថា៖ «ការចុះកិច្ចព្រមព្រៀងធានាឥណទាននេះ បានផ្តល់ឱកាសដ៏ល្អប្រសើរ ដល់ធនាគារ CIMB ក្នុងការគាំទ្រយ៉ាងពេញទំហឹង ដល់ភាពរីកចម្រើន ប្រកបដោយនិរន្តរភាព នៃសហគ្រាសធុនតូច និងមធ្យម ក្នុងប្រទេសកម្ពុជា តាមរយៈផលិតផលដ៏សម្បូរបែបរបស់ធនាគារ។ ការបង្កើតកិច្ចសហការ ជាមួយសាជីវកម្មធានាឥណទានកម្ពុជា ផ្តល់លទ្ធភាពឲ្យម្ចាស់អាជីវកម្មធុនតូច និងមធ្យម ដែលមិនមានទ្រព្យបញ្ចាំ អាចទទួលបានសាច់ប្រាក់ចាំបាច់ សម្រាប់ជាទុនបង្វិល និងពង្រីកអាជីវកម្ម ជាមួយអត្រាការប្រាក់ប្រកួតប្រជែង»។

CGCC and CIMB Bank Joint Hands to Provide Guaranteed Loans for Businesses that Lack Collaterals

លោក ប៊ុន យីន បានបន្តទៀតថា៖ «ការផ្តល់ជូនថ្មីនេះ សបញ្ជាក់ពីការបន្តប្តេជ្ញាចិត្តរបស់ធនាគារ CIMB ក្នុងការគាំទ្រដល់ការអភិវឌ្ឍន៍អាជីវកម្មខ្នាតតូច និងមធ្យម ដែលជាឆ្អឹងខ្នងនៃសេដ្ឋកិច្ចប្រទេសកម្ពុជា»។

ក្រោមកិច្ចព្រមព្រៀងធានាឥណទាននេះ ធនាគារ CIMB បានក្លាយជាគ្រឹះស្ថានហិរញ្ញវត្ថុចូលរួម (PFIs) មួយ ក្នុងចំណោម PFIs សរុប២៥ ស្ថាប័នរបស់ CGCC ក្នុងការប្តេជ្ញាចិត្តគាំទ្រដល់ក្រុមហ៊ុនអាជីវកម្មក្នុងការទទួលបានហិរញ្ញប្បទានស្របទៅនឹងយុទ្ធសាស្ត្ររបស់រាជរដ្ឋាភិបាលក្នុងការគាំទ្រ MSMEs ដែលជាឆ្អឹងខ្នងនៃសេដ្ឋកិច្ច តាមរយៈយន្តការធានាឥណទាន។

កិច្ចសហប្រតិបត្តិការ រវាង CGCC និង ធនាគារ CIMB នឹងបង្កើនលទ្ធភាពទទួលបានកម្ចីរបស់ក្រុមហ៊ុន/អាជីវកម្ម ឱ្យទទួលបានកម្ចី ទោះបីគ្មានទ្រព្យធានា និងជួយឱ្យទទួលបានកម្ចីច្រើនជាងមុន ជាងការខ្ចីដោយគ្មានការធានាឥណទាន។

 

អំពី CGCC

CGCC គឺជាសហគ្រាសសាធារណៈដែលបង្កើតឡើងដោយអនុក្រឹត្យរបស់រាជរដ្ឋាភិបាលចុះថ្ងៃទី០១ ខែកញ្ញា ឆ្នាំ២០២០។ CGCC ស្ថិតក្រោមអាណាព្យាបាលបច្ចេកទេសនិងហិរញ្ញវត្ថុពីក្រសួងសេដ្ឋកិច្ចនិងហិរញ្ញវត្ថុ ជាមួយនឹងបេសកកម្មផ្តល់ការធានាឥណទានលើកម្ចីដែលផ្តល់ឱ្យអាជីវកម្ម ដើម្បីចែករំលែកហានិភ័យជាមួយស្ថាប័នផ្តល់កម្ចី និងបង្កើនបរិយាបន្នហិរញ្ញវត្ថុ។

គិតត្រឹមចុងខែវិច្ឆិកា ឆ្នាំ២០២២ CGCC បានផ្តល់ការធានាឥណទាន ដល់ក្រុមហ៊ុន/អាជីវកម្ម សរុបចំនួន៨៩៩ ក្នុងរង្វង់ទឹកប្រាក់ប្រហាក់ប្រហែល៨៥.៧៣ លានដុល្លារ ដែលក្នុងនោះ ៩៥% នៃចំនួនក្រុមហ៊ុន/អាជីវកម្មដែលទទួលការធានាសរុប បានផ្តល់ជូនទៅសហគ្រាសធុនតូចនិងមធ្យម (SMEs)។

 

អំពីធនាគារ CIMB

ធនាគារ ស៊ីអាយអិមប៊ី ភីអិលស៊ី ជាផ្នែកមួយនៃស៊ីអាយអិមប៊ី គ្រុប ដែលបានចាប់ផ្តើមប្រតិបត្តិការ នៅថ្ងៃទី១៩ ខែវិច្ឆិកា ឆ្នាំ២០១០ ដោយបានបើកសាខាពាណិជ្ជទី១ នៅចំកណ្តាលរាជធានីភ្នំពេញ។ បច្ចុប្បន្ន ធនាគារមានសាខាចំនួន ១៤កន្លែង នៅក្នុងខេត្តរាជធានីសំខាន់ៗទាំង៥ រួមមានរាជធានីភ្នំពេញ ខេត្តសៀមរាប ខេត្តព្រះសីហនុ ខេត្តកំពង់ចាម និងខេត្តបាត់ដំបង។ ជាមួយនឹងអតិថិជនទាំងបុគ្គលសរុបប្រមាណ ៣៥,០០០នាក់ ធនាគារ ស៊ីអាយអិមប៊ី មានផ្តល់ជូនសេវាកម្ម និងផលិតផលធនាគារដ៏ទូលំទូលាយ រួមមានសេវាកម្មហិរញ្ញវត្ថុបុគ្គល សេវាកម្មហិរញ្ញពាណិជ្ជកម្ម ព្រមទាំងសេវាកម្មហិរញ្ញវត្ថុសាជីវកម្ម សេវាប្រតិបត្តិការ និងគ្រឹះស្ថានហិរញ្ញវត្ថុផងដែរ។

ស៊ីអាយអិមប៊ី គ្រុប គឺជាស្ថាប័នហិរញ្ញវត្ថុដ៏ធំបំផុតទីពីររបស់ប្រទេសម៉ាឡេស៊ី និងជាធនាគារសាកលនាំមុខគេមួយក្នុងតំបន់អាស៊ាន។

ធនាគារ​ មេយប៊ែង និងសាជីវកម្មធានាឥណទានកម្ពុជា បណ្ដុះបណ្ដាលជំនាញ​ និងការកសាងសមត្ថភាព សម្រាប់សហគ្រាសធុនតូច​ និងមធ្យម

ភ្នំពេញ)៖​ ធនាគារ មេយប៊ែង និងសាជីវកម្មធានាឥណទានកម្ពុជា​ (CGCC) បានរៀបចំសិក្ខាសាលាចំនួន២​ ជាផ្នែកនៃការខិតខំប្រឹងប្រែង​ និងពង្រឹងសមត្តភាព និងជំនាញរបស់សហគ្រាសធុនតូច និងមធ្យម និងអ្នកប្រឹក្សាផ្នែកហិរញ្ញវត្ថុជាង១០០នាក់​ ដោយផ្ដល់ចំណេះដឹងផ្នែកអាជីវកម្ម និងចំណេះដឹង ព្រមទាំងជំនាញ បច្ចេកទេស និងបច្ចេកវិទ្យាថ្មី​ៗ ធ្វើឱ្យប្រតិបត្តិការ​អាជីវកម្ម​ កាន់តែល្អប្រសើរ។

សិក្ខាសាលាស្តីពី ការកសាងសមត្ថភាព និងជំនាញសម្រាប់សហគ្រាសធុន់តូច និងមធ្យម ធ្វើឡើងនៅគារមេយប៊ែង ថៅវើ នៅថ្ងៃទី១៩​ ខែវិច្ឆិកា​ ឆ្នាំ២០២២​ ដោយផ្តល់ឱកាសឱ្យសហគ្រាសធុនតូច និងមធ្យម ផ្សារភ្ជាប់ទំនាក់ទំនង​ ជាមួយម្ចាស់អាជីវកម្មមកពីគ្រប់វិស័យ ដើម្បីបង្កើនការយល់ដឹងថ្មីៗ ក្នុងការកសាង និងពង្រឹងអាជីវកម្ម។

លោក រ័ត្ន សោភ័ណ នាយកប្រតិបត្តិនៃធនាគារ មេយប៊ែង​ ថ្លែងថា ធនាគារ មេយប៊ែង យល់ឃើញថា សហគ្រាសធុនតូច និងមធ្យម​ បានប្រឈមមុខ​ និងការលំបាក និងបញ្ហាជាច្រើន បន្ទាប់ពីការរីករាលដាលនៃជំងឺរាតត្បាតកូវីដ១៩​ ហើយពពួកគេក៏ពុំទទួលបានពត៌មានត្រឹមត្រូវ​ និងទាន់ពេលវេលា ក៏ដូចជាចំណេះជំនាញ​ មានសារៈសំខាន់ ក្នុងការបំពេញតម្រូវការទីផ្សារ ដើម្បីមានលទ្ធភាព​ អាចប្រកួតប្រជែង​ និងបន្តភាពរឹងមាំ។

លោកបានបន្ថែមទៀតថា​ «ហេតុដូចនេះបានជាយើងបង្កើតកម្មវិធីនេះ ដើម្បីជួយសហគ្រាសធុនតូច និងមធ្យម​ ជា​គំនិតផ្ដួចផ្តើមយុទ្ធសាស្ត្រ និងរួមគ្នាបន្ថែម​ ពីលើការខិតខំប្រឹងប្រែង​ ជាបន្តបន្ទាប់ ដើម្បីធានាឱ្យបានថា​ សហគ្រាសធុនតូច និងមធ្យមទាំងអស់​ ទទួលបានជំនួយផ្នែកហិរញ្ញវត្ថុ​ ស្របតាមបេសកកម្មហិរញ្ញវត្ថុប្រកបដោយអរិយ្យភាព រួមជាមួយការរៀបចំសិក្ខាសាលា ប្រកបដោយភាពជោគជ័យ​ ធនាគារមេយប៊ែង​ នឹងរៀបចំសិក្ខាសាលាបែបនេះបន្ថែមទៀត​ នាពេលអនាគត​ កម្មវិធីនេះបានផ្តល់ជូនសហគ្រាសធុនតូច​ និងមធ្យម និងជាផ្នែកមួយនៃការរួមចំណែក​ ដើម្បីពង្រឹងសេដ្ឋកិច្ចរបស់ប្រទេសឹកម្ពុជា»

ក្រោយពីបានចូលរួមកម្មវិធីទាំងនេះ ម្ចាស់អាជីវកម្មទាំងអស់ ទទួលបានការយល់ដឹងពី​ ប្រធានបទជាច្រើនដូចជា៖​ ការចុះបញ្ជីពាណិជ្ជកម្មនៅកម្ពុជា គោលការណ៍នៃការគ្រប់គ្រងហិរញ្ញវត្ថុ ផ្នែកពាណិជ្ជសញ្ញា​ និងទីផ្សារឌីជីថល ព្រមទាំងវិធីសាស្រ្តដ៏ល្អ​ ក្នុងការគ្រប់គ្រងធនធានមនុស្ស។

ក្នុងនោះក៏មានវាគ្មិន​ជំនាញមកពីស្ថាប័ន​ ប្រកបដោយវិជ្ជាជីវៈដូចជា៖ ការិយាល័យមេធាវី អ្នកប្រឹក្សាផ្នែកអាជីវកម្ម ភ្នាក់ងារផ្សព្វផ្សាយពាណិជ្ជកម្ម និងទីផ្សារឌីជីថល​ រួមជាមួយគ្រឹះស្ថានហិរញ្ញវត្ថុ។

លោក Wong Keet Loong អគ្គនាយកសាជីវកម្មធានាឥណទានកម្ពុជា បានគូសបញ្ជាក់ឱ្យដឹងថា​ «កិច្ចសហការរវាង CGCC ជាមួយធនាគារ មេយប៊ែង បានផ្តល់ឱកាស​ឱ្យស្ថាប័នទាំងពីរ រួមគ្នាលើកស្ទួយចំណេះដឹងផ្នែក
ហិរញ្ញវត្ថុ ក្នុងការពង្រឹងប្រតិបត្តិការអាជីវកម្ម​ របស់សហគ្រាសធុនតូច និងម៏ធ្យម ក៏ដូចជាបង្កើនជំនាញ និងឱកាសក្នុងការរីកចម្រើន របស់ម្ចាស់អាជីវកម្មទាំងអស់»។

លោកបានបន្ដថា​ សិក្ខាសាលាទាំងនេះ នឹងក្លាយជាវេទិកាដ៏សំខាន់ ឆ្ពោះទៅបន្តជំរុញឱ្យមានការរីកចម្រើន
របស់សហគ្រាសធុនតូច និងមធ្យមនៅក្នុងប្រទេសកម្ពុជា។

លោកក៏បានបន្ថែមទៀតថា CGCC និងធនាគារ មេយប៊ែ​ នៅតែបន្ត​ការរួមចំណែកគាំទ្រ សហគ្រាសធុនតូច និងមធ្យមនៅកម្ពុជា តាមរយៈកម្មវិធី​ ឬមធ្យោបាយផ្សេងៗរួមមាន​ ការផ្តល់សេវាជំនួយហិរញ្ញវត្ថុ ការគាំទ្រ និងផ្ដល់ការ​ប្រឹក្សាបច្ចេកទេស ដោយផ្អែកលើការអនុវត្តអន្តរជាតិដ៏ល្អបំផុត ដើម្បីជួយគាំទ្រដល់ការរីកចម្រើន​ ផលិតភាពការងារនិងភាពច្នៃប្រឌិត​ ក៏ដូចជាការពង្រឹងការប្រកួតប្រជែងរបស់សហគ្រាសធុនតូច និងមធ្យម៕

Credit to: Fresh News, ២១ វិច្ឆិកា ២០២២

កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ

ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ និងសាជីវកម្មធានាឥណទានកម្ពុជា (CGCC) បានសហការរៀបចំសិក្ខាសាលាស្តីពី “សក្តានុពលនៃគម្រោងធានាឥណទាន ក្នុងការលើកស្ទួយបរិយាបន្នហិរញ្ញវត្ថុសម្រាប់សហគ្រាសធុនតូច និងមធ្យមនៅកម្ពុជា” នាថ្ងៃទី១៨ ខែសីហា ឆ្នាំ២០២២ នៅសណ្ឋាគារ Hyatt Regency រាជធានីភ្នំពេញ។
តំណាងស្ថាប័នរដ្ឋ ដៃគូអភិវឌ្ឍន៍ គ្រឹះស្ថានធនាគារ និងហិរញ្ញវត្ថុ សមាគមអាជីវកម្ម និងម្ចាស់អាជីវកម្ម ជាពិសេសសហគ្រាសធុនតូច និងមធ្យមបានចូលរួមក្នុងសិក្ខាសាលានេះ។
គោលបំណងនៃសិក្ខាសាលានេះគឺដើម្បីពិភាក្សាអំពីការជំរុញការប្រើប្រាស់គម្រោងធានាឥណទានក្នុងការលើកស្ទួយបរិយាបន្នហិរញ្ញវត្ថុ សម្រាប់សហគ្រាសធុនតូច និងមធ្យមនិងចែករំលែកអំពីការផ្តល់កម្ចីដែលមានការធានានិងបទពិសោធន៍របស់ម្ចាស់អាជីវកម្មក្នុងការទទួលបានកម្ចីដែលមានការធានាផងដែរ។

កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ
កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ

ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាល CGCC បានថ្លែងថា៖ សិក្ខាសាលានាថ្ងៃនេះ មានសារៈសំខាន់ក្នុងការចូលរួមលើកកម្ពស់ការយល់ដឹងអំពីយន្តការធានាឥណទាន តាមរយៈការចែករំលែកបទពិសោធន៍ល្អៗ និងបំផុសគំនិតថ្មីៗពីភាគីពាក់ព័ន្ធ។
លោករដ្ឋលេខាធិការបានមានប្រសាសន៍ថា ៖ “រាជរដ្ឋាភិបាលបានដាក់ឱ្យដំណើរការគម្រោងធានាឥណទាន តាមរយៈសាជីវកម្មធានាឥណទានកម្ពុជាដែលមាន រយៈពេលជាងមួយឆ្នាំហើយ ដោយគិតមកត្រឹមដំណាច់ខែកក្កដា ឆ្នាំ២០២២នេះ សាជីវកម្មធានាឥណទានកម្ពុជាបានគាំទ្រលើការបញ្ចេញកម្ចីថ្មីៗចំនួនប្រមាណ៥៧លានដុល្លារ ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ តាមរយៈគ្រឹះស្ថានហិរញ្ញវត្ថុចូលរួម។ ទោះបីជា ៥៧លានដុល្លារនេះ គឺជាចំនួនតិចតួចនៅឡើយ ប៉ុន្តែវាជាការចាប់ផ្តើមនៃការផ្លាស់ប្តូរទម្លាប់នៃការផ្តល់កម្ចី ដោយមិនផ្អែកលើទ្រព្យបញ្ចាំ នៅក្នុងទីផ្សារឥណទានរបស់ប្រទេសកម្ពុជា។”

កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ
កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ

លោក Wong Keet Loong អគ្គនាយក CGCC បានថ្លែងអំណរគុណដល់រាជរដ្ឋាភិបាលតាមរយៈក្រសួងសេដ្ឋកិច្ច និងហិរញ្ញវត្ថុ ដែលជាអាណាព្យាបាលបច្ចេកទេស និងហិរញ្ញវត្ថុរបស់ CGCC ដែលតែងតែផ្តល់នូវអនុសាសន៍ជាយុទ្ធសាស្ត្រដល់ CGCC ក្នុងការបង្កើនការធានាឥណទាន ដើម្បីចូលរួមគាំទ្រដល់គោលនយោបាយអន្តរាគមន៍ហិរញ្ញប្បទានរបស់រាជរដ្ឋាភិបាល។
លោកអគ្គនាយក បានមានប្រសាសន៍ថា៖ “ចាប់ពីដើមត្រីមាសទី៣ឆ្នាំ២០២២ នេះ CGCC បានពង្រីកការធានាឥណទានទៅកាន់ទូទាំងប្រទេសសូម្បីតែនៅក្នុងខេត្តដាច់ស្រយាលក៏ដោយ ដោយសារតែមានបណ្តាញសាខាដ៏ទូលំទូលាយរបស់គ្រឹះស្ថានហិរញ្ញវត្ថុចូលរួម (PFIs) របស់ CGCC នៅទូទាំងប្រទេស។ ទោះជាយ៉ាងណាក៏ដោយ ក៏ CGCC នៅតែត្រូវធ្វើបន្ថែមទៀតដើម្បីធានាថាបរិយាបន្នហិរញ្ញវត្ថុកាន់តែត្រូវបានលើកកម្ពស់សម្រាប់ជាប្រយោជន៍ដល់ក្រុមហ៊ុនអាជីវកម្មពាសពេញប្រទេស”។

កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ
កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ

តាមរយៈសិក្ខាសាលានេះ តំណាងគ្រឹះស្ថានហិរញ្ញវត្ថុចូលរួមរបស់ CGCC រួមមាន ធនាគារកាណាឌីយ៉ា និងធនាគារស្ថាបនា បានបង្ហាញអំពីការយល់ឃើញដូចគ្នាអំពីភាពចាំបាច់នៃការធានាឥណទានដែលអាចគាំទ្រដល់ធនាគារ ក្នុងការផ្តល់កម្ចីច្រើនជាងមុនដល់ក្រុមហ៊ុនអាជីវកម្ម ជាពិសេសអាជីវកម្មដែលខ្វះទ្រព្យបញ្ចាំ។
CGCC ផ្តល់ការធានាឥណទានលើកម្ចីអាជីវកម្មដែលផ្តល់ដោយគ្រឹះស្ថានធនាគារ និងហិរញ្ញវត្ថុចូលរួម ដើម្បីគាំទ្រដល់ក្រុមហ៊ុន ឬអាជីវកម្មដែលមានលទ្ធភាពសង ប៉ុន្តែខ្វះទ្រព្យបញ្ចាំពេលដាក់ស្នើកម្ចី។ CGCC ចូលរួមចំណែកអនុវត្តគោលនយោបាយរបស់រាជរដ្ឋាភិបាល ដើម្បីជំរុញបរិយាបន្នហិរញ្ញវត្ថុ និងអភិវឌ្ឍសហគ្រាសធុនតូចនិងមធ្យមនៅកម្ពុជា៕

កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ
កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ
កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ
កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ
កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ
កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ
កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ
កម្ចីថ្មីៗចំនួនប្រមាណ៥៧លានដុល្លារ ត្រូវបានផ្តល់ជូនដល់ក្រុមហ៊ុនអាជីវកម្មដែលខ្វះទ្រព្យបញ្ចាំ

Credit to: Cambodia Flash News, August 18, 2022

សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ

(ភ្នំពេញ)៖ គិតមកត្រឹមបំណាច់ខែកក្កដា ឆ្នាំ២០២២នេះ សាជីវកម្មធានាឥណទានកម្ពុជា (CGCC) បានគាំទ្រលើការបញ្ចេញកម្ចីថ្មីៗប្រមាណ ៥៧លានដុល្លារ ជូនដល់ក្រុមហ៊ុនអាជីវកម្ម ដែលខ្វះទ្រព្យបញ្ចាំ តាមរយៈគ្រឹះស្ថានហិរញ្ញវត្ថុចូលរួម ដើម្បីឱ្យម្ចាស់អាជីវកម្ម ដែលពិបាកទទួលបានឥណទាន ដោយសារតែគ្មានទ្រព្យបញ្ចាំ ទទួលបានទុនទៅពង្រីក និងស្តារអាជីវកម្មរបស់ខ្លួន។

ថ្លែងក្នុងកម្មវិធីនៅក្នុង សិក្ខាសាលាស្តីពី “សក្តានុពលនៃគម្រោងធានាឥណទាន ក្នុងការលើកស្ទួយបរិយាបន្នហិរញ្ញវត្ថុ សម្រាប់សហគ្រាសធុនតូច និងមធ្យមនៅកម្ពុជា” លោក រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាល នៃសាជីវកម្មធានាឥណទានកម្ពុជា បានថ្លែងថា កម្ចីថ្មីចំនួន៥៧លានដុល្លារនេះ គឺជាចំនួនតិចតួចនៅឡើយ ប៉ុន្តែវាជាការចាប់ផ្តើមនៃការផ្លាស់ប្តូរទម្លាប់នៃការផ្តល់កម្ចី ដោយមិនផ្អែកលើទ្រព្យបញ្ចាំ នៅក្នុងទីផ្សារឥណទានរបស់ប្រទេសកម្ពុជា ក្រោយពេលដែលរាជរដ្ឋាភិបាល បានដាក់ដំណើរការគម្រោងធានាឥណទាន តាមរយៈសាជីវកម្មធានាឥណទានកម្ពុជា ជាងមួយឆ្នាំ មកនេះ។

លោកបន្តថា «ខ្ញុំសង្ឃឹមថា ធនាគារជាតិនៃកម្ពុជានឹងដាក់ចេញនូវក្របខ័ណ្ឌបទបញ្ញត្តិ និងគោលនយោបាយពាក់ព័ន្ធ ក្នុងការជំរុញ និងលើកទឹកចិត្តឱ្យធនាគារ និងគ្រឹះស្ថានមីក្រូហិរញ្ញវត្ថុ ប្រើប្រាស់យន្តការធានាឥណទាន ដើម្បីជំរុញបរិយាបន្នហិរញ្ញវត្ថុ និងអភិវឌ្ឍសហគ្រាសធុនតូច និងមធ្យម។ ខ្ញុំសូមថ្លែងអំណរគុណយ៉ាងជ្រាលជ្រៅជូ នចំពោះធនាគារ និងគ្រឹះស្ថានមីក្រូហិរញ្ញវត្ថុ ដែលបានគាំទ្រយ៉ាងសកម្ម ដល់គោលនយោបាយរបស់រាជរដ្ឋាភិបាល តាមរយៈការប្រើប្រាស់គម្រោងធានាឥណទាន របស់សាជីវកម្មធានាឥណទាននៅកម្ពុជា ក្នុងការផ្តល់កម្ចីដែលមានការធានា ដល់បណ្តាក្រុមហ៊ុនអាជីវកម្ម នាពេលកន្លងមក។ ដូច្នេះ ខ្ញុំសង្ឃឹមយ៉ាងមុតមាំថា ធនាគារ និងគ្រឹះស្ថានមីក្រូហិរញ្ញវត្ថុ ក៏ដូចជាភាគីពាក់ព័ន្ធ នឹងចូលរួមគាំទ្រគោលនយោបាយហិរញ្ញប្បទាន របស់រាជរដ្ឋាភិបាល ដើម្បីគាំទ្រដល់ការស្តារសេដ្ឋកិច្ច ឱ្យកាន់តែសកម្មបន្ថែមទៀត»

លោកស្រី សុង ខេងឡាយ នាយិកាប្រតិបត្តិការនៃធនាគារ កាណា ឌីយ៉ា បានឱ្យដឹងថា គិតត្រឹមដំណាច់កក្កដានេះ ធនាគារកាណាឌីយ៉ា បានផ្តល់ឥណទានដោយមានការធានាពី CGCC ទៅដល់អតិថិជនចំនួន២៤៩នាក់ មានទឹកប្រាក់សរុប ចំនួន២១លានដុល្លារ និងមកទាល់ខែសីហានេះ មានកំណើនរហូតដល់២២លានដុល្លារ និងអតិថិជនកើនឡើងដល់២៦៦នាក់។ ភាគច្រើននៃអ្នកដែលទទួលបានឥណទាន ដោយមានការធានានេះ គឺជាម្ចាស់សហគ្រាសធុនតួច និងមធ្យម ដែលមានរហូតដល់៨៣%។

លោកស្រីបានកត់សម្គាល់ថា កន្លងមកម្ចាស់អាជីវកម្មមួយចំនួន ដែលមានអាជីវកម្មល្អ មានលំហូរសាច់ប្រាក់ល្អ និងលទ្ធភាពសងគ្រប់គ្រាន់ ប៉ុន្តែ លទ្ធភាពទទួលបានឥណទានរបស់ពួកគេមានកម្រិត ដោយសារតែរបៀបគណនារបស់ធនាគារ ទៅការវាយតម្លៃទ្រព្យធានា តែយ៉ាងណា តាមរយៈគម្រោងធានាឥណទាននេះ បានធ្វើឱ្យធនាគារផ្តល់នូវឥណទានឱ្យពួគគេ ទៅតាមលទ្ធភាព និងតម្រូវការនៃអាជីវកម្មរបស់ខ្លួន។

លោកស្រីបន្តថា «គម្រោងឥណទាននេះ អាចជួយទៅដល់អតិថិជនយើង បានច្រើនជាពិសេសម្ចាស់សហគ្រាសខ្នាតតូច និងមធ្យម ដែលគាត់មានបញ្ហាប្រឈមជាច្រើន ក្នុងចំណោមនោះ គឺការដែលគ្មានទ្រព្យធានា។ ជាមួយនឹងគម្រោងធានាឥណទាន យើងឃើញថា អតិថិជនរបស់យើងទទួលបានឥណទាន នៅពេលទ្រព្យធានារបស់គាត់អាចមានមិនគ្រប់់គ្រាន់ ឬករណីខ្លះគាត់មិនមានទ្រព្យធានាតែម្តង»

លោកស្រីបានឱ្យដឹងថា ចំពោះអតិថិជន ដែលជាម្ចាស់អាជីវកម្ម ម្ចាស់សហគ្រាសធុនតូច និងមធ្យម មានបំណងស្នើសុំឥណទាន ដោយមានការធានាពីធនាគារកាណាឌីយ៉ា គឺត្រូវចុះបញ្ជីអាជីវកម្មឱ្យបានត្រឹមត្រូវ មានឯកសារគាំទ្រសកម្មភាពអាជីវកម្មរបស់ខ្លួន មានប្រតិបត្តិការតាមប្រព័ន្ធធនាគារ និងត្រូវមានផែនការអាជីវកម្មឱ្យបានច្បាស់លាស់។

លោកស្រី ជា សិរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃកម្ពុជា បានថ្លែងថា សហគ្រាសធុនតូច និងមធ្យម នៅតែមានបញ្ហាប្រឈមជាមួយនឹងលទ្ធភាព ក្នុងការទទួលបានហិរញ្ញប្បទាន ឬទុនវិនិយោគតាមរយៈកម្ចីពីធនាគារ ជាពិសេស SME ស្ថិតនៅក្រៅប្រព័ន្ធ ឬមិនទាន់ចុះបញ្ជីត្រឹមត្រូវ។

លោកស្រីលើកឡើងថា គម្រោងសាជីវកម្មធានាឥណទានកម្ពុជា គឺជាដំណោះស្រាយបង្កើតឡើងទាន់ពេលវេលា។ ប៉ុន្តែបើទោះបីជា គម្រោងធានាឥណទាន ផ្តល់ភាពងាយស្រួលដល់ពួកគេ ក្នុងការទទួលបានឥណទានក៏ដោយ តែម្ចាស់អាជីវកម្មមិនត្រូវជិះសេះលែងដៃនោះទេ ម្ចាស់អាជីវកម្មដែលចង់កម្ចី ត្រូវរៀបចំអាជីវកម្មរបស់ខ្លួនឱ្យបានល្អ ចុះបញ្ជីឱ្យបានត្រឹមត្រូវ និងមានបញ្ជីគណនី ឱ្យបានច្បាស់លាស់ផងដែរ។

លោក Wong Keet Loong អគ្គនាយកសាជីវកម្មធានាឥណទានកម្ពុជា (CGCC) បានឲ្យដឹងថា ចាប់ពីដើមត្រីមាសទី៣ ឆ្នាំ២០២២នេះ CGCC បានពង្រីកការធានាឥណទាន ទៅកាន់ទូទាំងប្រទេស សូម្បីតែនៅក្នុងខេត្តដាច់ស្រយាលក៏ដោយ ដោយសារតែមានបណ្តាញសាខា ដ៏ទូលំទូលាយរបស់គ្រឹះស្ថានហិរញ្ញវត្ថុចូលរួម (PFIs) របស់ CGCC នៅទូទាំងប្រទេស។ ទោះជាយ៉ាងណាក៏ដោយ ក៏ CGCC នៅតែត្រូវធ្វើបន្ថែមទៀត ដើម្បីធានាថាបរិយាបន្នហិរញ្ញវត្ថុ កាន់តែត្រូវបានលើកកម្ពស់ សម្រាប់ជាប្រយោជន៍ដល់ក្រុមហ៊ុនអាជីវកម្ម ពាសពេញប្រទេស ។

CGCC ដែលជាសហគ្រាសសាធារណៈ ស្ថិតនៅក្រោមអាណាព្យាបាលបច្ចេកទេស និងហិរញ្ញវត្ថុ របស់ក្រសួងសេដ្ឋកិច្ច និងហិរញ្ញវត្ថុ ផ្តល់ការធានាឥណទាន លើកម្ចីអាជីវកម្មដែលផ្តល់ដោយគ្រឹះស្ថានធនាគារ និងហិរញ្ញវត្ថុចូលរួម ដើម្បីគាំទ្រដល់ក្រុមហ៊ុន ឬអាជីវកម្មដែលមានលទ្ធភាពសង ប៉ុន្តែខ្វះទ្រព្យបញ្ចាំពេលដាក់ស្នើកម្ចី។ CGCC ចូលរួមចំណែកអនុវត្តគោលនយោបាយរបស់រាជរដ្ឋាភិបាល ដើម្បីជំរុញបរិយាបន្នហិរញ្ញវត្ថុ និងអភិវឌ្ឍសហគ្រាសធុនតូច និងមធ្យមនៅកម្ពុជា៕

(ភ្នំពេញ)៖ គិតមកត្រឹមបំណាច់ខែកក្កដា ឆ្នាំ២០២២នេះ សាជីវកម្មធានាឥណទានកម្ពុជា (CGCC) បានគាំទ្រលើការបញ្ចេញកម្ចីថ្មីៗប្រមាណ ៥៧លានដុល្លារ ជូនដល់ក្រុមហ៊ុនអាជីវកម្ម ដែលខ្វះទ្រព្យបញ្ចាំ តាមរយៈគ្រឹះស្ថានហិរញ្ញវត្ថុចូលរួម ដើម្បីឱ្យម្ចាស់អាជីវកម្ម ដែលពិបាកទទួលបានឥណទាន ដោយសារតែគ្មានទ្រព្យបញ្ចាំ ទទួលបានទុនទៅពង្រីក និងស្តារអាជីវកម្មរបស់ខ្លួន។
ថ្លែងក្នុងកម្មវិធីនៅក្នុង សិក្ខាសាលា ស្តីពីសក្តានុពលនៃគម្រោងធានាឥណទាន ក្នុងការលើកស្ទួយបរិយាបន្នហិរញ្ញវត្ថុ សម្រាប់សហគ្រាសធុនតូច និងមធ្យមនៅកម្ពុជា លោក រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាល នៃសាជីវកម្មធានាឥណទានកម្ពុជា មានថ្លែងថា កម្ចីថ្មីចំនួន៥៧លានដុល្លារនេះ គឺជាចំនួនតិចតួចនៅឡើយ ប៉ុន្តែវាជាការចាប់ផ្តើមនៃការផ្លាស់ប្តូរទម្លាប់នៃការផ្តល់កម្ចី ដោយមិនផ្អែកលើទ្រព្យបញ្ចាំ នៅក្នុងទីផ្សារឥណទានរបស់ប្រទេសកម្ពុជា ក្រោយពេលដែលរាជរដ្ឋាភិបាល បានដាក់ដំណើរការគម្រោងធានាឥណទាន តាមរយៈសាជីវកម្មធានាឥណទានកម្ពុជា ជាងមួយឆ្នាំ មកនេះ។
លោកបន្តថា «ខ្ញុំសង្ឃឹមថា ធនាគារជាតិនៃកម្ពុជានឹងដាក់ចេញនូវក្របខ័ណ្ឌបទបញ្ញត្តិ និងគោលនយោបាយពាក់ព័ន្ធ ក្នុងការជំរុញ និងលើកទឹកចិត្តឱ្យធនាគារ និងគ្រឹះស្ថានមីក្រូហិរញ្ញវត្ថុ ប្រើប្រាស់យន្តការធានាឥណទាន ដើម្បីជំរុញបរិយាបន្នហិរញ្ញវត្ថុ និងអភិវឌ្ឍសហគ្រាសធុនតូច និងមធ្យម។ ខ្ញុំសូមថ្លែងអំណរគុណយ៉ាងជ្រាលជ្រៅជូ នចំពោះធនាគារ និងគ្រឹះស្ថានមីក្រូហិរញ្ញវត្ថុ ដែលបានគាំទ្រយ៉ាងសកម្ម ដល់គោលនយោបាយរបស់រាជរដ្ឋាភិបាល តាមរយៈការប្រើប្រាស់គម្រោងធានាឥណទាន របស់សាជីវកម្មធានាឥណទាននៅកម្ពុជា ក្នុងការផ្តល់កម្ចីដែលមានការធានា ដល់បណ្តាក្រុមហ៊ុនអាជីវកម្ម នាពេលកន្លងមក។ ដូច្នេះ ខ្ញុំសង្ឃឹមយ៉ាងមុតមាំថា ធនាគារ និងគ្រឹះស្ថានមីក្រូហិរញ្ញវត្ថុ ក៏ដូចជាភាគីពាក់ព័ន្ធ នឹងចូលរួមគាំទ្រគោលនយោបាយហិរញ្ញប្បទាន របស់រាជរដ្ឋាភិបាល ដើម្បីគាំទ្រដល់ការស្តារសេដ្ឋកិច្ច ឱ្យកាន់តែសកម្មបន្ថែមទៀត»។
លោកស្រី សុង ខេងឡាយ នាយិកាប្រតិបត្តិការនៃធនាគារ កាណា ឌីយ៉ា បានឱ្យដឹងថា គិតត្រឹមដំណាច់កក្កដានេះ ធនាគារកាណាឌីយ៉ា បានផ្តល់ឥណទានដោយមានការធានាពី CGCC ទៅដល់អតិថិជនចំនួន២៤៩នាក់ មានទឹកប្រាក់សរុប ចំនួន២១លានដុល្លារ និងមកទាល់ខែសីហានេះ មានកំណើនរហូតដល់២២លានដុល្លារ និងអតិថិជនកើនឡើងដល់២៦៦នាក់។ ភាគច្រើននៃអ្នកដែលទទួលបានឥណទាន ដោយមានការធានានេះ គឺជាម្ចាស់សហគ្រាសធុនតួច និងមធ្យម ដែលមានរហូតដល់៨៣%។
លោកស្រីបានកត់សម្គាល់ថា កន្លងមកម្ចាស់អាជីវកម្មមួយចំនួន ដែលមានអាជីវកម្មល្អ មានលំហូរសាច់ប្រាក់ល្អ និងលទ្ធភាពសងគ្រប់គ្រាន់ ប៉ុន្តែ លទ្ធភាពទទួលបានឥណទានរបស់ពួកគេមានកម្រិត ដោយសារតែរបៀបគណនារបស់ធនាគារ ទៅការវាយតម្លៃទ្រព្យធានា តែយ៉ាងណា តាមរយៈគម្រោងធានាឥណទាននេះ បានធ្វើឱ្យធនាគារផ្តល់នូវឥណទានឱ្យពួគគេ ទៅតាមលទ្ធភាព និងតម្រូវការនៃអាជីវកម្មរបស់ខ្លួន។
លោកស្រីបន្តថា «គម្រោងឥណទាននេះ អាចជួយទៅដល់អតិថិជនយើង បានច្រើនជាពិសេសម្ចាស់សហគ្រាសខ្នាតតូច និងមធ្យម ដែលគាត់មានបញ្ហាប្រឈមជាច្រើន ក្នុងចំណោមនោះ គឺការដែលគ្មានទ្រព្យធានា។ ជាមួយនឹងគម្រោងធានាឥណទាន យើងឃើញថា អតិថិជនរបស់យើងទទួលបានឥណទាន នៅពេលទ្រព្យធានារបស់គាត់អាចមានមិនគ្រប់់គ្រាន់ ឬករណីខ្លះគាត់មិនមានទ្រព្យធានាតែម្តង»។
លោកស្រីបានឱ្យដឹងថា ចំពោះអតិថិជន ដែលជាម្ចាស់អាជីវកម្ម ម្ចាស់សហគ្រាសធុនតូច និងមធ្យម មានបំណងស្នើសុំឥណទាន ដោយមានការធានាពីធនាគារកាណាឌីយ៉ា គឺត្រូវចុះបញ្ជីអាជីវកម្មឱ្យបានត្រឹមត្រូវ មានឯកសារគាំទ្រសកម្មភាពអាជីវកម្មរបស់ខ្លួន មានប្រតិបត្តិការតាមប្រព័ន្ធធនាគារ និងត្រូវមានផែនការអាជីវកម្មឱ្យបានច្បាស់លាស់។
លោកស្រី ជា សិរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃកម្ពុជា បានថ្លែងថា សហគ្រាសធុនតូច និងមធ្យម នៅតែមានបញ្ហាប្រឈមជាមួយនឹងលទ្ធភាព ក្នុងការទទួលបានហិរញ្ញប្បទាន ឬទុនវិនិយោគតាមរយៈកម្ចីពីធនាគារ ជាពិសេស SME ស្ថិតនៅក្រៅប្រព័ន្ធ ឬមិនទាន់ចុះបញ្ជីត្រឹមត្រូវ។
លោកស្រីលើកឡើងថា គម្រោងសាជីវកម្មធានាឥណទានកម្ពុជា គឺជាដំណោះស្រាយបង្កើតឡើងទាន់ពេលវេលា។ ប៉ុន្តែបើទោះបីជា គម្រោងធានាឥណទាន ផ្តល់ភាពងាយស្រួលដល់ពួកគេ ក្នុងការទទួលបានឥណទានក៏ដោយ តែម្ចាស់អាជីវកម្មមិនត្រូវជិះសេះលែងដៃនោះទេ ម្ចាស់អាជីវកម្មដែលចង់កម្ចី ត្រូវរៀបចំអាជីវកម្មរបស់ខ្លួនឱ្យបានល្អ ចុះបញ្ជីឱ្យបានត្រឹមត្រូវ និងមានបញ្ជីគណនី ឱ្យបានច្បាស់លាស់ផងដែរ។
លោក Wong Keet Loong អគ្គនាយកសាជីវកម្មធានាឥណទានកម្ពុជា (CGCC) បានឲ្យដឹងថា ចាប់ពីដើមត្រីមាសទី៣ ឆ្នាំ២០២២នេះ CGCC បានពង្រីកការធានាឥណទាន ទៅកាន់ទូទាំងប្រទេស សូម្បីតែនៅក្នុងខេត្តដាច់ស្រយាលក៏ដោយ ដោយសារតែមានបណ្តាញសាខា ដ៏ទូលំទូលាយរបស់គ្រឹះស្ថានហិរញ្ញវត្ថុចូលរួម (PFIs) របស់ CGCC នៅទូទាំងប្រទេស។ ទោះជាយ៉ាងណាក៏ដោយ ក៏ CGCC នៅតែត្រូវធ្វើបន្ថែមទៀត ដើម្បីធានាថាបរិយាបន្នហិរញ្ញវត្ថុ កាន់តែត្រូវបានលើកកម្ពស់ សម្រាប់ជាប្រយោជន៍ដល់ក្រុមហ៊ុនអាជីវកម្ម ពាសពេញប្រទេស ។
CGCC ដែលជាសហគ្រាសសាធារណៈ ស្ថិតនៅក្រោមអាណាព្យាបាលបច្ចេកទេស និងហិរញ្ញវត្ថុ របស់ក្រសួងសេដ្ឋកិច្ច និងហិរញ្ញវត្ថុ ផ្តល់ការធានាឥណទាន លើកម្ចីអាជីវកម្មដែលផ្តល់ដោយគ្រឹះស្ថានធនាគារ និងហិរញ្ញវត្ថុចូលរួម ដើម្បីគាំទ្រដល់ក្រុមហ៊ុន ឬអាជីវកម្មដែលមានលទ្ធភាពសង ប៉ុន្តែខ្វះទ្រព្យបញ្ចាំពេលដាក់ស្នើកម្ចី។ CGCC ចូលរួមចំណែកអនុវត្តគោលនយោបាយរបស់រាជរដ្ឋាភិបាល ដើម្បីជំរុញបរិយាបន្នហិរញ្ញវត្ថុ និងអភិវឌ្ឍសហគ្រាសធុនតូច និងមធ្យមនៅកម្ពុជា៕

សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ
សាជីវកម្មធានាឥណទានកម្ពុជា ផ្តល់ការធានាកម្ចីថ្មីៗប្រមាណ៥៧លានដុល្លារ ដល់ម្ចាស់អាជីវកម្មដែលខ្វះទ្រព្យបញ្ចាំ

Credit to: Fresh News, August 18, 2022

Click here to know more about:  កិច្ចប្រជុំក្រុមប្រឹក្សាភិបាល សាជីវកម្មធានាឥណទានកម្ពុជា អាណត្តិទី១ លើកទី១២