បរិយាបន្នហិរញ្ញវត្ថុ Archives - Page 4 of 6

ធនាគារ ព្រីនស៍ សហការជាមួយ សាជីវកម្មធានាឥណទានកម្ពុជា លើគម្រោងធានាឥណទានជាកញ្ចប់សម្រាប់សហគ្រិនស្ត្រី

Posted on ខែកក្កដា 18, 2023ខែកក្កដា 25, 2023 by Sorn Chhorvyvatey

ធនាគារ ព្រីនស៍ ម.ក និងសាជីវកម្មធានាឥណទានកម្ពុជា (CGCC) នៅថ្ងៃទី ១៣ ខែកក្កដា បានចុះកិច្ចសហការគ្នាលើគម្រោងធានាឥណទានជាកញ្ចប់សម្រាប់សហគ្រិនស្ត្រី ដែលធនាគារ ព្រីនស៍ នឹងដើរតួជាស្ថាប័នផ្តល់ឥណទាន ដើម្បីផ្តល់ប្រាក់កម្ចីដល់សហគ្រាសដែលគ្រប់គ្រងដោយស្ត្រី ដោយមាន CGCC ជាសហគ្រាសសាធារណៈ ដែលផ្តល់ការធានាលើកម្ចីអាជីវកម្ម។

កិច្ចព្រមព្រៀងគម្រោងធានាឥណទានជាកញ្ចប់សម្រាប់សហគ្រិនស្រ្តីនេះ ត្រូវបានចុះហត្ថលេខារវាង លោក ហ៊ន់ សុរចនា អភិបាលគ្រប់គ្រង និងប្រធាននាយកប្រតិបត្តិនៃធនាគារ ព្រីនស៍ ម.ក និងលោក Wong Keet Loong អគ្គនាយកនៃសាជីវកម្មធានាឥណទានកម្ពុជា (CGCC) ដោយមានការចូលរួមជាសក្ខីភាពពីសំណាក់ លោកជំទាវ ឧកញ៉ា កែវ មុំ ប្រធានសមាគមសហគ្រិនស្ត្រីកម្ពុជា (CWEA) និងសមាជិកក្រុមប្រឹក្សាភិបាលចំនួនប្រាំរូបនៃសមាគមសហគ្រិនស្ត្រីកម្ពុជា ព្រមទាំងថ្នាក់ដឹកនាំជាន់ខ្ពស់នៃធនាគារ ព្រីនស៍ និងសាជីវកម្មធានាឥណទានកម្ពុជា។

ធនាគារ ព្រីនស៍ សហការជាមួយ សាជីវកម្មធានាឥណទានកម្ពុជា លើគម្រោងធានាឥណទានជាកញ្ចប់សម្រាប់សហគ្រិនស្ត្រី

នៅឆ្នាំ២០២១ ធនាគារ ព្រីនស៍ ជាក្លាយជាគ្រឹះស្ថានហិរញ្ញវត្ថុចូលរួមមួយរបស់ CGCC ដែលចូលរួមដោះស្រាយបញ្ហាប្រឈមនៃកង្វះទ្រព្យធានា សម្រាប់ប្រាក់កម្ចី របស់សហគ្រាសខ្នាតមីក្រូ តូច និងមធ្យម (MSMEs) ក្នុងអំឡុងពេលប្រតិបត្តិការអាជីវកម្មជួបជាមួយបញ្ហាប្រឈមបណ្តាលមកពី ជំងឺរាតត្បាតកូវីដ១៩។

នៅឆ្នាំនេះ ជាថ្មីម្តងទៀត យើងនៅតែខ្នះខ្នែងក្នុងការបន្តការគាំទ្ររបស់យើងចំពោះការស្តារឡើងវិញនៃសេដ្ឋកិច្ចក្នុងស្រុក តាមរយៈគម្រោងធានាឥណទានជាកញ្ចប់សម្រាប់សហគ្រិនស្ត្រី របស់ CGCC និងធនាគារព្រីសន៍ ដែលនឹងផ្តល់ប្រាក់កម្ចីដែលមានការធានាជាពិសេសដល់សហគ្រិនស្ត្រី ឬMSMEs ដែលគ្រប់គ្រងដោយស្ត្រី ដែលមានការលំបាកក្នុងការគ្រប់គ្រងលំហូរសាច់ប្រាក់ និងមានតម្រូវការទុនបន្ថែមដើម្បីពង្រីក ឬវិនិយោគ ឬទ្រទ្រង់អាជីវកម្មរបស់ពួកគេ។ នៅក្រោមគម្រោងនេះ CGCC នឹងផ្តល់ការធានាឥណទានរហូតដល់ ៨០% នៃទំហំឥណទាន ជាមួយនឹងអត្រាការប្រាក់ដ៏គួរឱ្យទាក់ទាញ និងរយៈពេលឥណទានរហូតដល់ ៦ឆ្នាំ ពីធនាគារ ព្រីនស៍។

លោក ហ៊ន់ សុរចនា អភិបាលគ្រប់គ្រង និងប្រធាននាយកប្រតិបត្តិនៃធនាគារ ព្រីនស៍ ម.ក បានថ្លែងថា “យើងមានកិត្តិយស និងសេចក្តីសោមនស្សរីករាយ ដែលបានចូលរួមជាមួយ CGCC ក្នុងការជំរុញសេដ្ឋកិច្ចក្នុងស្រុក ដោយ គាំទ្រដល់មីក្រូសហគ្រាស សហគ្រាសខ្នាតតូច និងមធ្យម ជាពិសេសសហគ្រាសដែលគ្រប់គ្រងដោយស្ត្រី។ ស្ត្រី គឺជាមូលដ្ឋានគ្រឹះដ៏រឹងមាំ សម្រាប់គ្រួសារ និងសហគមន៍ទាំងមូល។ ស្ត្រី គឺជាមូលដ្ឋានគ្រឹះមួយដ៏រឹងមាំ សម្រាប់គ្រួសារ និងសហគមន៍។ ការចូលរួម និងការរួមចំណែករបស់ស្រ្តីម្នាក់ៗ មានសារៈសំខាន់ណាស់នៅក្នុងវិស័យពាណិជ្ជកម្ម និងសេដ្ឋកិច្ចទាំងមូល ហើយសមត្ថភាព និងការតាំងចិត្តដ៏មុតមាំរបស់ពួកគាត់គួរទទួលបានការកោតសរសើរ និងការគោរព ព្រមទាំងគួរទទួលបានការគាំទ្រ និងការលើកទឹកចិត្តយ៉ាងពេញទំហឹង សម្រាប់ការបន្តអភិវឌ្ឍឆ្ពោះទៅរកភាពជោគជ័យ។ នៅក្រោមគម្រោងធានាឥណទានជាកញ្ចប់ សម្រាប់សហគ្រិនស្រ្តីនេះ យើងមានគោលបំណងផ្តល់នូវលំហូរសាច់ប្រាក់ដែលមានភាពងាយស្រួល និងកាន់តែប្រសើរ ជាមួយនឹងលក្ខខណ្ឌពិសេសដល់មីក្រូសហគ្រាស សហគ្រាសខ្នាតតូច និងមធ្យមដែលគ្រប់គ្រងដោយស្ត្រី ដើម្បីផ្តល់នូវការគាំទ្របន្ថែម លើការទទួលបានដើមទុន សម្រាប់ការវិនិយោគ និងការទ្រទ្រង់និរន្តរភាពអាជីវកម្មរបស់ពួកគាត់។ វាតែងតែជាអាទិភាពចម្បងរបស់ធនាគារ ក្នុងការគាំទ្រដល់បុគ្គល និងអាជីវកម្មកម្ពុជាលើតម្រូវការហិរញ្ញវត្ថុរបស់ពួកគេ។ យើងកំពុងបន្តខិតខំប្រឹងប្រែងកាន់តែខ្លាំងក្នុងការលើកកម្ពស់ផលិតផល និងសេវាកម្មរបស់យើង ឲ្យកាន់តែមានភាពងាយស្រួលសម្រាប់ប្រជាជនកម្ពុជាក្នុងការប្រើប្រាស់។”

លោក Wong Keet Loong អគ្គនាយកនៃCGCC បានមានប្រសាសន៍ឱ្យដឹងថា “គម្រោងធានាឥណទានជាកញ្ចប់ ជាមួយធនាគារព្រីនស៍នេះ បានបង្កើតឡើងជាពិសេស សម្រាប់គាំទ្រដល់សហគ្រិនស្រ្តី តាមរយៈកម្ចីដែលមានការធានា។ យើងសង្ឃឹមថា ជាមួយនឹងបណ្តាញដ៏រឹងមាំរបស់ធនាគារព្រីនស៍ យើងនឹងអាចបង្កើនការធានាឥណទានទៅកាន់អាជីវកម្មដែលគ្រប់គ្រងដោយស្រ្តីជាច្រើនទៀត។ មកដល់បច្ចុបន្ននេះ CGCC បានផ្តល់ការធានាប្រមាណ ៤០% នៃទំហំកម្ចីសរុបដែលមានការធានាប្រមាណ ១៣០លានដុល្លារ ដែលស្មើនឹង៥០លានដុល្លារទៅកាន់សហគ្រិនស្រ្តីខ្នាតមីក្រូ តូច និងមធ្យម (MSMEs)”។ លោកអគ្គនាយកក៏បានបន្ថែមទៀតថា “គម្រោងធានាឥណទានជាកញ្ចប់សម្រាប់សហគ្រិនស្រ្តីនេះ ក៏បានផ្តល់នូវលក្ខខណ្ឌអនុគ្រោះជាមួយនឹងអត្រាការប្រាក់ និងកម្រៃធានាឥណទានដែលទាបជាងមុន សម្រាប់ឆ្នាំដំបូង ដែលនឹងសម្រួលដល់សហគ្រិនស្រ្តី MSMEs អាចមានលទ្ធភាពទទួលបាននូវហិរញ្ញប្បទានដែលមានតម្លៃទាបជាងមុន។”

គម្រោងធានាឥណទានជាកញ្ចប់សម្រាប់សហគ្រិនស្ត្រី (PGS) មានសុពលភាពចាប់ពីថ្ងៃទី០១ ខែសីហា ឆ្នាំ២០២៣ នេះតទៅ។ ធនាគារ ព្រីនស៍ អាចផ្តល់ប្រាក់កម្ចីដែលមានការធានាដល់សហគ្រិនស្ត្រីដោយមិនចាំបាច់ទទួលបានការអនុម័តការធានាពីCGCC លើប្រាក់កម្ចីនីមួយៗមុនពេលផ្តល់ប្រាក់កម្ចីនោះឡើយ។ សូមទៅកាន់សាខាធនាគារ ព្រីនស៍ដែលនៅជិតបំផុតនៅថ្ងៃនេះ ដើម្បីដាក់ពាក្យស្នើឥណទានក្រោមគម្រោងធានាឥណទានជាកញ្ចប់សម្រាប់សហគ្រិនស្ត្រី (PGS) ឬទំនាក់ទំនងលេខ 1800 20 8888 (ឥតគិតថ្លៃ) សម្រាប់ព័ត៌មានបន្ថែម៕

Credit to: ខេមបូណូមីស, ១៤ កក្កដា ២០២៣, Fresh News, កោះសន្តិភាព, SWIFT NEWS

កិច្ចប្រជុំបុគ្គលិក CGCC លើកទី២ ប្រចាំឆ្នាំ២០២៣ “ស្តីអំពីវឌ្ឍនភាពប្រចាំត្រីមាសទី២ ២០២៣ និងផែនការការងារសម្រាប់ត្រីមាសទី៣ ២០២៣”

Posted on ខែកក្កដា 17, 2023ខែកក្កដា 27, 2023 by Sorn Chhorvyvatey

នាថ្ងៃទី១៤ ខែកក្កដា ឆ្នាំ២០២៣ សាជីវកម្មធានាឥណទានកម្ពុជា (CGCC) បានរៀបចំនូវកិច្ចប្រជុំបុគ្គលិកលើកទី២ ប្រចាំឆ្នាំ២០២៣ ដើម្បីធ្វើរបាយការណ៍វឌ្ឍនភាពជូនគណៈកម្មាធិការប្រតិបត្តិរបស់ CGCC និងចែករំលែកជូនបុគ្គលិកទាំងអស់អំពីវឌ្ឍនភាពការងារប្រចាំត្រីមាសទី២ ឆ្នាំ២០២៣ និងជាពិសេស ទៅលើផែនការយុទ្ធសាស្រ្តរបស់នាយកដ្ឋានមួយចំនួន សម្រាប់ត្រីមាសទី៣ ឆ្នាំ២០២៣។

កិច្ចប្រជុំបុគ្គលិក CGCC លើកទី២ ប្រចាំឆ្នាំ២០២៣ "ស្តីអំពីវឌ្ឍនភាពប្រចាំត្រីមាសទី២ ២០២៣ និងផែនការការងារសម្រាប់ត្រីមាសទី៣ ២០២៣" — កិច្ចប្រជុំបុគ្គលិក CGCC លើកទី២ ប្រចាំឆ្នាំ២០២៣ “ស្តីអំពីវឌ្ឍនភាពប្រចាំត្រីមាសទី២ ២០២៣ និងផែនការការងារសម្រាប់ត្រីមាសទី៣ ២០២៣”

កិច្ចប្រជុំបុគ្គលិកលើកទី២ ប្រចាំឆ្នាំ២០២៣ មានការចូលរួមពីគ្រប់បុគ្គលិកទាំងអស់របស់ CGCC និងមានការចូលរួមជាភ្ញៀវកិត្តិយស និងការផ្ដល់បទបង្ហាញពីសំណាក់លោក លន់ សំអុល ប្រធាននាយកដ្ឋានត្រួតពិនិត្យ១ នៃធនាគារជាតិកម្ពុជា។ កិច្ចប្រជុំនេះ មិនមែនត្រឹមតែជាវេទិកាដើម្បីធ្វើបទបង្ហាញពីនាយកដ្ឋានពាក់ព័ន្ធទាំងអស់នោះទេ តែជាឱកាសក្នុងការជួបពិភាក្សា ក៏ដូចជាទទួលនូវអនុសាសន៍ ស្របជាមួយទិសដៅដើម្បីអភិវឌ្ឍ CGCC លើប្រតិបត្តិការការងារ និងចូលរួមចំណែកសម្រេចចក្ខុវិស័យរួមរបស់ CGCC ក្នុងការបង្កើនបរិយាបន្នហិរញ្ញវត្ថុ និងអភិវឌ្ឍសហគ្រាសខ្នាតតូច និងមធ្យម នៅកម្ពុជា។

ការចុះកិច្ចព្រមព្រៀងលើគម្រោងធានាឥណទានជាកញ្ចប់ ទំហំ ៣លានដុល្លារ សម្រាប់សហគ្រិនស្រ្តី

Posted on ខែកក្កដា 14, 2023ខែកក្កដា 18, 2023 by Sorn Chhorvyvatey

នៅថ្ងៃទី១៣ ខែកក្កដា ឆ្នាំ២០២៣ នៅអគារព្រីនស៍ថៅវើ សាជីវកម្មធានាឥណទានកម្ពុជា (CGCC) និងធនាគារព្រីនស៍ បានចុះហត្ថលេខាលើកិច្ចព្រមព្រៀងគម្រោងធានាឥណទានជាកញ្ចប់ ដែលមានទំហំ ៣លានដុល្លារ សម្រាប់សហគ្រិនស្រ្តី។ កិច្ចព្រមព្រៀងនេះ ត្រូវបានចុះហត្ថលេខាដោយ លោក Wong Keet Loong អគ្គនាយក CGCC និង លោក ហ៊ន់ សុរចនា ប្រធាននាយកប្រតិបត្តិនៃធនាគារ ព្រីនស៍ និងក្រោមវត្តមានកិត្តិយសពី លោកជំទាវ ឧកញ៉ា កែវ មុំ ប្រធានសមាគមសហគ្រិនស្រ្តីកម្ពុជា។

គម្រោងធានាឥណទានជាកញ្ចប់ សម្រាប់សហគ្រិនស្រ្តី របស់ CGCC និងធនាគារព្រីនស៍ នេះគ្រោងនឹងដាក់ឱ្យដំណើរការជាផ្លូវការ ចាប់ពីថ្ងៃទី០១ ខែសីហា ឆ្នាំ២០២៣ តទៅ ដែលនឹងអនុញ្ញាតឱ្យធនាគារព្រីនស៍ អាចបញ្ចេញកម្ចីដែលមានការធានា ជូនទៅសហគ្រិនស្ត្រី ដោយមិនចាំបាច់ស្នើសុំការធានាម្តងមួយៗពី CGCC មុនពេលបញ្ចេញកម្ចីទាំងនោះ។ គម្រោងធានាឥណទានជាកញ្ចប់សម្រាប់សហគ្រិនស្រ្តីនេះ នឹងគាំទ្រដល់ការបញ្ចេញកម្ចីដែលមានការធានាពី CGCC តាមរយៈធនាគារព្រីនស៍ ជូនដល់សហគ្រិនស្រ្តី ដែលខ្វះទ្រព្យធានា ឱ្យកាន់តែបានច្រើន ងាយស្រួល និងរហ័សជាងមុន។

ការចុះកិច្ចព្រមព្រៀងលើគម្រោងធានាឥណទានជាកញ្ចប់ ទំហំ ៣លានដុល្លារ សម្រាប់សហគ្រិនស្រ្តី

លោក Wong Keet Loong អគ្គនាយក CGCC មានប្រសាសន៍ឱ្យដឹងថា៖ “គម្រោងធានាឥណទានជាកញ្ចប់ទំហំ៣លានដុល្លារនេះ ជាមួយធនាគារព្រីនស៍នេះ បានបង្កើតឡើងជាពិសេស សម្រាប់គាំទ្រដល់សហគ្រិនស្រ្តី តាមរយៈកម្ចីដែលមានការធានា។ យើងសង្ឃឹមថា ជាមួយនឹងបណ្តាញដ៏រឹងមាំរបស់ធនាគារព្រីនស៍ យើងនឹងអាចបង្កើនការធានាឥណទានទៅកាន់អាជីវកម្មដែលគ្រប់គ្រងដោយស្រ្តីជាច្រើនទៀត។ មកដល់បច្ចុបន្ននេះ CGCC បានផ្តល់ការធានាប្រមាណ ៤០% នៃទំហំកម្ចីសរុបដែលមានការធានាប្រមាណ ១៣០លានដុល្លារ ដែលស្មើនឹង៥០លានដុល្លារទៅកាន់សហគ្រិនស្រ្តីខ្នាតមីក្រូ តូច និងមធ្យម (MSMEs)”។

លោកអគ្គនាយកក៏បានបន្ថែមទៀតថា ៖ “គម្រោងធានាឥណទានជាកញ្ចប់សម្រាប់សហគ្រិនស្រ្តីនេះ ក៏បានផ្តល់នូវលក្ខខណ្ឌអនុគ្រោះជាមួយនឹងអត្រាការប្រាក់ និងកម្រៃធានាឥណទានដែលទាបជាងមុន សម្រាប់ឆ្នាំដំបូង ដែលនឹងសម្រួលដល់សហគ្រិនស្រ្តី MSMEs អាចមានលទ្ធភាពទទួលបាននូវហិរញ្ញប្បទានដែលមានតម្លៃទាបជាងមុន។”

គួរបញ្ជាក់ឱ្យដឹងផងដែរថា ធនាគារព្រីនស៍ បានក្លាយជាគ្រឹះស្ថានហិរញ្ញវត្ថុចូលរួមមួយរបស់ CGCC តាំងពីឆ្នាំ២០២១ ហើយបាននិងកំពុងបន្តចូលរួមជាមួយ CGCC ក្នុងការដោះស្រាយបញ្ហាប្រឈមផ្នែកទ្រព្យធានារបស់ MSMEs តាមរយៈការផ្តល់កម្ចីដែលមានការធានា។ CGCC និងធនាគារព្រីនស៍ សង្ឈឹមថា គម្រោងធានាឥណទានជាកញ្ចប់សម្រាប់សហគ្រិនស្រ្តីនេះ នឹងអាចផ្តល់ការគាំទ្រដល់សហគ្រិនស្រ្តីនៅកម្ពុជា ដែលភាគច្រើនជា MSMEs ដែលជាឆ្អឹងខ្នងនៃសេដ្ឋកិច្ច៕

អំពី CGCC

សាជីវកម្មធានាឥណទានកម្ពុជា គឺជាក្រុមហ៊ុនធានាឥណទានមុនដំបូងបង្អស់នៅកម្ពុជា ដែលត្រូវបានសម្រេចបង្កើតឡើងដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ជាសហគ្រាសសាធារណៈ ក្រោមអាណាព្យាបាលបច្ចេកទេស និងហិរញ្ញវត្ថុ របស់ក្រសួងសេដ្ឋកិច្ច និងហិរញ្ញវត្ថុ។ បេសកកម្មចម្បងរបស់សាជីវកម្មធានាឥណទានកម្ពុជា គឺផ្តល់ការធានាឥណទានលើកម្ចី ដែលផ្តល់ឱ្យអាជីវកម្ម ដើម្បីចែករំលែកហានិភ័យជាមួយស្ថាប័នផ្តល់កម្ចី និងបង្កើនបរិយាបន្នហិរញ្ញវត្ថុ។

អំពីធនាគារព្រីនស៍

ធនាគារ ព្រីនស៍ ម.ក បានចាប់ផ្តើមប្រតិបត្តិការរបស់ខ្លួន ក្នុងឆ្នាំ២០១៥ ក្នុងនាមជាគ្រឹះស្ថានមីក្រូហិរញ្ញវត្ថុឯកជនមួយ ដែលមានឈ្មោះចាស់ថា “គ្រឹះស្ថានមីក្រូហិរញ្ញវត្ថុ ព្រីនស៍ ហ្វាយនែន ភីអិលស៊ី” ហើយត្រូវបានប្រែក្លាយទៅជាធនាគារពាណិជ្ជ ដែលមានអាជ្ញាប័ណ្ណធ្វើប្រតិបតិ្តការធនាគារលេខធ៤៦ ពីធនាគារជាតិនៃកម្ពុជា ចុះថ្ងៃទី១៨ ខែកក្កដា ឆ្នាំ២០១៨។ ដោយមានមូលដ្ឋានដើមទុនដ៏រឹងមាំ ជាមួយនឹងការប្រើប្រាស់បច្ចេកវិទ្យាទំនើប ប្រកបដោយជំនាញច្បាស់លាស់ និងការយល់ដឹងយ៉ាងទូលំទូលាយអំពីទីផ្សារក្នុងស្រុក ធនាគារ ព្រីនស៍ ម.ក មានភាពជឿជាក់ក្នុងការក្លាយជាគ្រឹះស្ថានឈានមុខក្នុងវិស័យធនាគារ ដោយផ្តល់ដំណោះស្រាយហិរញ្ញវត្ថុច្រើនជម្រើស និងសម្បូរបែបដល់អតិថិជនរបស់យើង តាមរយៈសេវាកម្ម និងផលិតផលជាច្រើនប្រភេទ ដែលប្រកបដោយភាពងាយស្រួល និងបទពិសោធន៍ដ៏ល្អឥតខ្ចោះ ជូនអតិថិជនរបស់យើង។ យើងមានចំណាប់អារម្មណ៍យ៉ាងខ្លាំងក្នុងការរួមចំណែកដល់ការអភិវឌ្ឍន៍ សហគ្រាសធុនតូច និងមធ្យម ដែលជាផ្នែកដ៏សំខាន់មួយនៃអតិថិជនគោលដៅរបស់យើង។ បច្ចុប្បន្ននេះយើងមានសាខាចំនួន៣៤ និងទីតាំងអេធីអឹមចំនួន៨២ នៅទូទាំងព្រះរាជាណាចក្រកម្ពុជា។

កិច្ចប្រជុំក្រុមប្រឹក្សាភិបាល CGCC អាណត្តិទី១ លើកទី១៤

Posted on ខែកក្កដា 1, 2023ខែសីហា 1, 2023 by Sorn Chhorvyvatey

នៅថ្ងៃទី២៩ ខែមិថុនា ឆ្នាំ២០២៣ វេលាម៉ោង ២:០០នាទីរសៀល CGCC បានរៀបចំកិច្ចប្រជុំក្រុមប្រឹក្សាភិបាលអាណត្តិទី១ លើកទី១៤ នៅសណ្ឋាគាររ៉ូសវូដ ក្រោមវត្តមានដ៏ខ្ពង់ខ្ពស់របស់ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលរបស់ CGCC ដោយមានការចូលរួមពី សមាជិកក្រុមប្រឹក្សាភិបាល និងមន្ត្រីត្រួតពិនិត្យរដ្ឋ។

របៀបវារៈនៃកិច្ចប្រជុំក្រុមប្រឹក្សាភិបាលលើកទី១៤ នេះ រួមមាន (១) របាយការណ៍ស្តីពីវឌ្ឍនភាពការងាររបស់ CGCC, (២) របាយការផ្ទៃក្នុងលើប្រតិបត្តិការធានាឥណទាន, (៣) ការធានាឥណទានជាកញ្ចប់ជាមួយធនាកាណាឌីយ៉ា ធនាគារស្ថាបនា និងធនាគារព្រីនស៍, (៤) ការបង្កើតគណៈកម្មាធិការវិនិយោគ (៥) គោលនយោបាយវីស្សលប្លូវីង, និង (៦) ផ្សេងៗ។

កិច្ចប្រជុំក្រុមប្រឹក្សាភិបាលរបស់ CGCC តែងតែត្រូវបានរៀបចំឡើងជាទៀងទាត់ ដើម្បីពិនិត្យ វាយតម្លៃ និងផ្តល់អនុសាសន៍ដល់ CGCC ក៏ដូចជាផ្តល់ការសម្រេចនានា ទៅលើសកម្មភាពការងារ ជាពិសេសទៅលើកិច្ចការងារអភិវឌ្ឍស្ថាប័ន ដើម្បីធានានូវតម្លាភាព និងប្រសិទ្ធភាពរបស់ CGCC។

ចុចទីនេះស្វែងយល់បន្ថែម: កិច្ចប្រជុំក្រុមប្រឹក្សាភិបាល សាជីវកម្មធានាឥណទានកម្ពុជា អាណត្តិទី១ លើកទី១៣

ធនាគារ មេយប៊ែង សាជីវកម្មធានាឥណទានកម្ពុជា BNI Super និងសមាគមសហគ្រិនស្ត្រី កម្ពុជា ចុះ MoU ដើម្បីលើកស្ទួយការកសាងសមត្ថភាព និងជំនាញរបស់ SME

Posted on ខែមិថុនា 12, 2023ខែមិថុនា 13, 2023 by Sorn Chhorvyvatey

រាជធានីភ្នំពេញ ៖ នាថ្ងៃទី ១០ ខែមិថុនា ឆ្នាំ ២០២៣ ធនាគារ មេយប៊ែង (ខេមបូឌា) ភីអិលស៊ី (ធនាគារ មេយប៊ែង) និងសាជីវកម្មធានាឥណទានកម្ពុជា (CGCC) បានចូលរួមជាដៃគូសហ ការយុទ្ធសាស្ត្រជាមួយ BNI Super និងសមាគមសហគ្រិនស្ត្រីកម្ពុជា (CWEA) ក្នុងគោលបំ ណងរួមគ្នាគាំទ្រដល់សហគ្រាសធុនតូច និងមធ្យមនៅក្នុងព្រះរាជាណាចក្រកម្ពុជា តាមរយៈ កម្មវិធី «កសាងសមត្ថភាព និងជំនាញសម្រាប់សហគ្រាសធុនតូច និងមធ្យម» ។

ក្រោមការចុះអនុស្សរណៈនៃការយោគយល់គ្នានេះ ធនាគារ មេយប៊េង សាជីវកម្មធានា ឥណទានកម្ពុជា BNI Super និងសមាគមសហគ្រិនស្ត្រីកម្ពុជា នឹងសហការគ្នាដើម្បីផ្តល់នូវវគ្គ បណ្តុះបណ្តាលតាមរយៈសិក្ខាសាលាទៅដល់សមាជិកនៃស្ថាប័នខាងលើ ក៏ដូចជាម្ចាស់សហ គ្រាសធុនតូច និងមធ្យមផ្សេងទៀតដែលបានចូលរួម ដើម្បីជួយក្នុងការពង្រីកអាជីវកម្មរបស់ ពួកគេ ។ វគ្គបណ្តុះបណ្តាលនេះ នឹងផ្តោតទៅលើប្រធានបទជាច្រើនដែលទាក់ទងទៅនឹង ចំណេះដឹងផ្នែកហិរញ្ញវត្ថុ និងប្រតិបត្តិការអាជីវកម្ម ។

ការចុះអនុស្សរណៈយោគយល់នេះ ក៏នឹងត្រួសត្រាយផ្លូវដល់ការពង្រីកបណ្តាញទំនាក់ ទំនង ក៏ដូចជាការអភិវឌ្ឍរយៈពេលយូរអង្វែងផ្នែកមុខជំនួញដល់សហគ្រាសធុនតូច និងមធ្យម ដែលបានចូលរួមក្នុងការបណ្តុះបណ្តាលនេះតាមរយៈវេទិកាប្រាស្រ័យទាក់ទងគ្នា និង ការចែករំលែកចំណេះដឹងទាំងផ្នែកទ្រឹស្តី និងបច្ចេកទេសនានា ។ ពិសេសលើសនេះទៅទៀត អ្នកចូលរួមក៏នឹងទទួលបានការលើកទឹកចិត្តពីធនាគារ មេយប៊េង ខេមបូឌា តាមរយៈការផ្តល់ ជូននូវអត្រាពិសេសដល់ពួកគេផងដែរ ។

ការចុះអនុស្សរណៈនៃការយោគយល់គ្នាប្រារព្ធឡើងនៅ អគារ ធនាគារ មេយប៊េង ថៅវើ ក្រោមការចូលរួមពីសំណាក់ ៖ លោក រ័ត្ន សោភ័ណ នាយកប្រតិបត្តិ និងនាយកប្រចាំប្រទេស របស់ ធនាគារ មេយប៊ែង ខេមបូឌា ភីអ៊ិលស៊ី, លោក Wong Keet Loong អគ្គនាយក សាជីវកម្មធានាឥណទានកម្ពុជា, លោក គ្រុយ រិទ្ធី ប្រធាន របស់ BNI Super និងលោកជំទាវ ជា រដ្ឋា អនុប្រធានសមាគមសហគ្រិនស្ត្រីកម្ពុជា។

លោក រ័ត្ន សោភ័ណ នាយកប្រតិបត្តិរបស់ធនាគារ មេយប៊ែង បានលើកឡើងថា «ការចុះអនុស្សរណៈនៃការយោគយល់គ្នា និងកម្មវិធីកសាងសមត្ថភាព និងជំនាញនេះជាការ បង្ហាញនូវការប្តេជ្ញាចិត្តរបស់ធនាគារ មេយប៊ែង ក្នុងការបន្តគាំទ្រដល់ការរីកចម្រើនរបស់ សហគ្រិនធនតូច និងមធ្យមនៅក្នុងប្រទេសកម្ពុជា ។ យើងជឿជាក់ថា ការផ្តល់ជាវេទិកាក្នុង វគ្គបណ្តុះបណ្តាលនេះ ដែលក៏ជាផ្នែកមួយនៃការផ្តល់ចំណេះដឹងផ្នែកហិរញ្ញវត្ថុ យើងបាននឹង កំពុងផ្តល់នូវឧបករណ៍ដ៏ត្រឹមត្រូវដើម្បីចីរភាពនៃមុខជំនួញរបស់ពួកគាត់ ដែលក៏ជាកិច្ចរួម ចំណែកដល់ការអភិវឌ្ឍន៍សេដ្ឋកិច្ចជារួមរបស់ប្រទេសកម្ពុជាផងដែរ» ។

«ឆ្នាំទៅមិញ កម្មវិធីកសាងសមត្ថភាព និងជំនាញនេះទទួលបានជោគជ័យគួរជាទីកត់ សម្គាល់ ។ ឆ្នាំនេះយើងចង់បន្តបំពេញនូវកិច្ចសន្យារបស់យើងក្នុងការផ្តល់សេវាហិរញ្ញវត្ថុ ប្រកបដោយអរិយ្យភាពដោយបង្កើននូវកម្រិតនៃការគាំទ្ររបស់យើងថែមមួយកម្រិតទៀត តាមរយៈការបន្តគាំទ្រ និងពង្រីកដៃគូសហការសរុបចំនួនបីដែលរួមមាន CGCC CWEA និង BNI Super» លោកបានបន្ថែម ។

លោក Wong Keet Loong អគ្គនាយក សាជីវកម្មធានាឥណទានកម្ពុជា មានប្រសា សន៍ថា «យើងមានសេចក្តីសោមនស្សរីករាយក្នុងការចាប់ដៃគូជាមួយធនាគារ មេយប៊ែងក្នុង ឆ្នាំនេះម្តងទៀតសម្រាប់កម្មវិធី BCC និងពិសេសក្នុងការបង្កើនកិច្ចសហប្រតិបត្តិការជាមួយ BNI និងសមាគមសហគ្រិនស្ត្រីកម្ពុជា ដើម្បីពង្រីកវិសាលភាពនៃ កម្មវិធីដ៏សំខាន់នេះ ។ យើង ជឿជាក់ថា កម្មវិធី BCC នឹងផ្តល់ជាធនធានដ៏សំខាន់ដល់សហគ្រាសធុនតូច និងមធ្យមនៅ កម្ពុជា និងជាជំនួយដល់សហគ្រិនរបស់យើងឱ្យកាន់តែរីកចម្រើន និងទទួលបានជោគជ័យ ជាមួយនឹងនឹងឱកាសដ៏ទូលំទូលាយក្នុងការទទួលបានហិរញ្ញប្បទាន និងបង្កើនចំណេះដឹង ហិរញ្ញវត្ថុ ដែលស្របជាមួយនឹងទិសដៅរបស់ CGCC» ។

លោកជំទាវ ជា រដ្ឋា អនុប្រធាននៃសមាគមសហគ្រិនស្ត្រីកម្ពុជា CWEA ក៏បានគាំទ្រ ផងដែរថា «យើងខ្ញុំមានសេចក្តីសោមនស្សរីករាយជាខ្លាំងដែលបានចូលរួមក្នុងគំនិតផ្តួចផ្តើម នេះ ដោយកម្មវិធីនេះស្របទៅតាមបេសកកម្មរបស់ CWEA ក្នុងការជួយជម្រុញវិស័យ សហគ្រិនភាពដល់ស្ត្រីកម្ពុជា តាមរយៈការបង្កើនជំនាញ និងបណ្តាញទំនាក់ទំនង ។ នាងខ្ញុំ សូមលើកទឹកចិត្តដល់សមាជិក CWEA និងសហគ្រិនស្ត្រីទាំងអស់ឱ្យចាប់យកឱកាសនេះ ដើម្បីជាប្រយោជន៍ក្នុងការយល់ដឹងបន្ថែម និងពង្រីកវិសាលភាពផ្ទាល់ខ្លួន» ។

លោក គ្រុយ ឬទ្ធី នៃ BNI Super ក៏បានបង្ហាញពីការគាំទ្ររបស់លោកមកកាន់វគ្គ បណ្តុះបណ្តាលនេះដែរ ។ លោកបានថ្លែងថា «យើងមានទំនុកចិត្តថា ការក្លាយជាដៃគូរសហ ការនេះនឹងផ្តល់ផលប្រយោជន៍ទៅវិញទៅមកដល់សមាជិករបស់ BNI ក៏ដូចជាសហគ្រិនដទៃ ព្រោះវាបានអនុញ្ញាតឱ្យសមាជិករបស់យើង ពង្រីកនូវបណ្តាញទំនាក់ទំនងរបស់ពួកគេ អភិវឌ្ឍជំនាញថ្មីៗ និងជំរុញដល់ការបើកទំព័រអាជីវកម្មរបស់ពួកគេជាដើម» ។

នៅក្នុងឆ្នាំ ២០២២ កម្មវិធី កសាងសមត្ថភាព និងជំនាញ បានបណ្តុះបណ្តាលសហ គ្រាសធុនតូច និងមធ្យម និងទីប្រឹក្សាផ្នែកហិរញ្ញវត្ថុជិត ១០០ នាក់ ទៅលើប្រធានបទផ្សេងៗ គ្នា រួមមានការចុះបញ្ជី អាជីវកម្មនៅកម្ពុជា សារៈសំខាន់គោលការណ៍គ្រប់គ្រងហិរញ្ញវត្ថុ ការធ្វើស្លាកយីហោ និងទីផ្សារឌីជីថល ក៏ដូចជាការគ្រប់គ្រងធនធានមនុស្សជាដើម ។ វគ្គ បណ្តុះបណ្តាលទាំងនេះ ត្រូវបានចែករំលែកដោយអ្នកជំនាញប្រកបដោយវិជ្ជាជីវៈដែល អញ្ជើញមកពីបណ្តាស្ថាប័ន ក្រុមហ៊ុន ច្បាប់ល្បីៗក្នុងស្រុក ទីប្រឹក្សាពាណិជ្ជកម្ម ភ្នាក់ងារ ផ្សព្វផ្សាយពាណិជ្ជកម្ម និងស្ថាប័នហិរញ្ញវត្ថុនានា ៕

Credit to: កោះសន្តិភាព, ១០ មិថុនា ២០២៣

ធនាគារ មេយប៊ែង ចុះ MoU ជាមួយស្ថាប័នចំនួន៣ នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម

Posted on ខែមិថុនា 12, 2023ខែមិថុនា 22, 2023 by Sorn Chhorvyvatey

(ភ្នំពេញ)៖ ធនាគារ មេយប៊ែង (ខេមបូឌា) ភីអិលស៊ី បានចុះអនុស្សរណៈនៃការយោគយល់គ្នា (MoU) ជាមួយស្ថាប័នចំនួន៣ រួមមាន សហសាជីវកម្មធានាឥណទានកម្ពុជា (CGCC), ក្រុមហ៊ុន BNI Super និងសមាគមសហគ្រិនស្ត្រីកម្ពុជា (CWEA) ដើម្បីរួមគ្នាជួយគាំទ្រ ដល់សហគ្រាសធុនតូច និងមធ្យមនៅកម្ពុជា តាមរយៈកម្មវិធី «កសាងសមត្ថភាព និងជំនាញសម្រាប់ សហគ្រាសធុនតូច និងមធ្យម។

ការចុះអនុស្សរណៈនៃការយោគយល់គ្នានេះ ធ្វើឡើងនៅថ្ងៃទី១០ ខែមិថុនា ឆ្នាំ២០២៣ ក្រោមការចុះអនុស្សរណៈនៃការយោគយល់គ្នានេះ ធនាគារ មេយប៊ែង សាជីវកម្មធានាឥណទានកម្ពុជា BNI Super និងសមាគមសហគ្រិនស្ត្រីកម្ពុជា នឹងសហការគ្នាដើម្បីផ្តល់នូវវគ្គបណ្តុះបណ្តាល តាមរយៈសិក្ខាសាលាទៅ ដល់សមាជិកនៃស្ថាប័នខាងលើ ក៏ដូចជាម្ចាស់សហគ្រាសធុនតូច និងមធ្យមផ្សេងទៀតដែលបានចូលរួម ដើម្បីជួយក្នុងការពង្រីកអាជីវកម្មរបស់ពួកគេ។ វគ្គបណ្តុះបណ្តាលនេះ នឹងផ្តោតទៅលើប្រធានបទជាច្រើន ទាក់ទងទៅនឹងចំណេះដឹងផ្នែកហិរញ្ញវត្ថុ និងប្រតិបត្តិការអាជីវកម្ម។

ការចុះអនុស្សរណៈយោគយល់នេះ ក៏នឹងត្រួសត្រាយផ្លូវដល់ការពង្រីកបណ្តាញទំនាក់ទំនង ក៏ដូចជាការអភិវឌ្ឍរយៈពេលយូរអង្វែងផ្នែកមុខជំនួញ ដល់សហគ្រាសធុនតូច និងមធ្យមដែលបានចូលរួម ក្នុងការបណ្តុះបណ្តាលនេះ តាមរយៈវេទិកាប្រាស្រ័យទាក់ទងគ្នា និងការចែករំលែកចំណេះដឹងទាំងផ្នែកទ្រឹស្តី និងបច្ចេកទេសនានា។ ពិសេសលើសនេះទៅទៀត អ្នកចូលរួមក៏នឹងទទួលបានការលើកទឹកចិត្ត ពីធនាគារ មេយប៊េង ខេមបូឌា តាមរយៈការផ្តល់ជូននូវអត្រាពិសេស ដល់ពួកគេផងដែរ។

លោក រ័ត្ន សោភ័ណ នាយកប្រតិបត្តិរបស់ធនាគារ មេយប៊ែង បានលើកឡើងថា «ការចុះអនុស្សរណៈនៃការយោគយល់គ្នា និងកម្មវិធី កសាងសមត្ថភាព និងជំនាញនេះ ជាការបង្ហាញនូវការប្តេជ្ញាចិត្តរបស់ធនាគារ មេយប៊ែង ក្នុងការបន្តគាំទ្រដល់ការរីកចម្រើន របស់សហគ្រិនធនតូច និងមធ្យមនៅក្នុងប្រទេសកម្ពុជា ហើយជឿជាក់ថា ការផ្តល់ជាវេទិកាក្នុងវគ្គបណ្តុះបណ្តាលនេះ ជាផ្នែកមួយនៃការផ្តល់ចំណេះដឹងផ្នែកហិរញ្ញវត្ថុ បាននឹងកំពុងផ្តល់នូវឧបករណ៍ដ៏ត្រឹមត្រូវ ដើម្បីចីរភាពនៃមុខជំនួញជាកិច្ចរួមចំណែក ដល់ការអភិវឌ្ឍន៍សេដ្ឋកិច្ចរបស់ប្រទេសកម្ពុជា»។

លោកបានបន្ដថា ឆ្នាំទៅមិញកម្មវិធី កសាងសមត្ថភាព និងជំនាញនេះទទួលបានជោគជ័យគួរជាទីកត់សម្គាល់ ចំពោះឆ្នាំនេះ យើងចង់បន្តបំពេញនូវកិច្ចសន្យា ក្នុងការផ្តល់សេវាហិរញ្ញវត្ថុ ប្រកបដោយអរិយ្យភាពដោយបង្កើននូវកម្រិតនៃ ការគាំទ្រថែមមួយកម្រិតទៀត តាមរយៈការបន្តគាំទ្រ និងពង្រីកដៃគូសហការ សរុបចំនួនបីដែលរួមមាន CGCC CWEA និង BNI Super។

លោក Wong Keet Loong អគ្គនាយកសាជីវកម្មធានាឥណទានកម្ពុជា បានថ្លែងថា «យើងមានសេចក្តីសោមនស្សរីករាយ ក្នុងការចាប់ដៃគូជាមួយធនាគារ មេយប៊ែង ក្នុងឆ្នាំនេះម្តងទៀត សម្រាប់កម្មវិធី BCC និងពិសេសក្នុងការបង្កើនកិច្ចសហប្រតិបត្តិការជាមួយ BNI និងសមាគមសហគ្រិនស្រ្តីកម្ពុជា ដើម្បីពង្រីកវិសាលភាពនៃ កម្មវិធីដ៏សំខាន់នេះ ក្នុងនោះជឿជាក់ថា កម្មវិធី BCC នឹងផ្តល់ជាធនធានដ៏សំខាន់ ដល់សហគ្រាសធុនតូច និងមធ្យមនៅកម្ពុជា និងជាជំនួយដល់សហគ្រិនឱ្យកាន់តែរីកចម្រើន និងទទួលបានជោគជ័យ ជាមួយនឹងនឹងឱកាសដ៏ទូលំទូលាយ ក្នុងការទទួលបានហិរញ្ញប្បទាន និងបង្កើនចំណេះដឹងហិរញ្ញវត្ថុ ស្របជាមួយនឹងទិសដៅរបស់ CGCC។

លោកស្រី ជា រដ្ឋា អនុប្រធាននៃសមាគមសហគ្រិនស្រ្តីកម្ពុជា CWEA ក៏បានលើកឡើងថា «ខ្ញុំមានសេចក្តីសោមនស្សរីករាយជាខ្លាំង ដែលបានចូលរួមក្នុងគំនិតផ្តួចផ្តើមនេះ ដោយកម្មវិធីនេះស្របទៅតាមបេសកកម្មរបស់ CWEA ក្នុងការជួយជំរុញវិស័យសហគ្រិនភាព ដល់ស្ត្រីកម្ពុជា តាមរយៈការបង្កើនជំនាញ និងបណ្តាញទំនាក់ទំនង នាងខ្ញុំសូមលើកទឹកចិត្តដល់សមាជិក CWEA និងសហគ្រិនស្រ្តីទាំងអស់ ឱ្យចាប់យកឱកាសនេះ ដើម្បីជាប្រយោជន៍ក្នុងការយល់ដឹងបន្ថែម និងពង្រីកវិសាលភាពផ្ទាល់ខ្លួន»។

លោក គ្រុយ ឬទ្ធី នៃ BNI Super បានឲ្យដឹងថា «ការក្លាយជាដៃគូរសហការនេះ នឹងផ្តល់ផលប្រយោជន៍ ទៅវិញទៅមកដល់សមាជិករបស់ BNI ក៏ដូចជាសហគ្រិនដទៃ ព្រោះបានអនុញ្ញាតឲ្យសមាជិក ពង្រីកនូវបណ្តាញទំនាក់ទំនងរបស់ពួកគេ អភិវឌ្ឍជំនាញថ្មីៗ និងជំរុញដល់ការបើកទំព័រអាជីវកម្មរបស់ពួកគេជាដើម»។

សូមជម្រាបថា ឆ្នាំ២០២២ កម្មវិធីកសាងសមត្ថភាព និងជំនាញ បានបណ្តុះបណ្តាលសហគ្រាសធុនតូច និងមធ្យម និងទីប្រឹក្សាផ្នែកហិរញ្ញវត្ថុជិត១០០នាក់ ទៅលើប្រធានបទផ្សេងៗគ្នា រួមមានការចុះបញ្ជី អាជីវកម្មនៅកម្ពុជា សារៈសំខាន់គោលការណ៍គ្រប់គ្រងហិរញ្ញវត្ថុ ការធ្វើស្លាកយីហោ និងទីផ្សារឌីជីថល ក៏ដូចជាការគ្រប់គ្រងធនធានមនុស្សជាដើម។

វគ្គបណ្តុះបណ្តាលទាំងនេះ ត្រូវបានចែករំលែកដោយអ្នកជំនាញប្រកបដោយវិជ្ជាជីវៈ អញ្ជើញមកពីបណ្តាស្ថាប័ន ក្រុមហ៊ុន ច្បាប់ល្បីៗក្នុងស្រុក ទីប្រឹក្សាពាណិជ្ជកម្ម ភ្នាក់ងារផ្សព្វផ្សាយពាណិជ្ជកម្ម និងស្ថាប័នហិរញ្ញវត្ថុនានា៕

ធនាគារ មេយប៊ែង ចុះ MoU ជាមួយស្ថាប័នចំនួន៣នៅកម្ពុជា ដើម្បីលើកស្ទួយការកសាងសមត្ថភាព និងជំនាញរបស់សហគ្រាសធុនតូច និងមធ្យម

Credit to: Fresh News, Published on 10 June 2023

សាជីវកម្មធានាឥណទានកម្ពុជា ធនាគារ មេយប៊ែង ខេមបូឌា BNI Super និងសមាគមសហគ្រិនស្ត្រីកម្ពុជា ចុះអនុស្សរណៈនៃការយោគយល់គ្នា ដើម្បីលើកស្ទួយដល់ការកសាងសមត្ថភាព និងជំនាញរបស់សហគ្រាសនធុនតូច និងមធ្យម

Posted on ខែមិថុនា 12, 2023ខែកុម្ភៈ 7, 2024 by Sorn Chhorvyvatey

រាជធានីភ្នំពេញ៖ នាថ្ងៃទី១០ ខែមិថុនា ២០២៣ សាជីវកម្មធានាឥណទានកម្ពុជា (CGCC) និង ធនាគារ មេយប៊ែង បានចូលរួមជាដៃគូសហការយុទ្ធសាស្រ្ត ជាមួយ BNI Super និងសមាគមសហគ្រិនស្ត្រីកម្ពុជា (CWEA) ក្នុងគោលបំណងរួមគ្នាគាំទ្រដល់សហគ្រាសធុនតូច និងមធ្យមនៅក្នុងព្រះរាជាណាចក្រកម្ពុជា តាមរយៈកម្មវិធី “កសាងសមត្ថភាព និងជំនាញសម្រាប់សហគ្រាសធុនតូច និងមធ្យម”។

ក្រោមអនុស្សរណៈនៃការយោគយល់គ្នានេះ ធនាគារ មេយប៊េង CGCC BNI Super និងសមាគមសហគ្រិនស្ត្រីកម្ពុជា នឹងសហការគ្នាដើម្បីផ្តល់នូវវគ្គបណ្តុះបណ្តាល តាមរយៈសិក្ខាសាលាទៅដល់សមាជិកនៃស្ថាប័នសមាគមទាំងពីរខាងលើ ក៏ដូចជាម្ចាស់សហគ្រាសធុនតូច និងមធ្យមផ្សេងទៀត ដើម្បីជួយក្នុងការពង្រីកអាជីវកម្មរបស់ពួកគេ។ វគ្គបណ្តុះបណ្តាលនេះ នឹងផ្តោតទៅលើប្រធានបទជាច្រើនដែលទាក់ទងទៅនឹងចំណេះដឹងផ្នែកហិរញ្ញវត្ថុ និងប្រតិបត្តិការអាជីវកម្ម។

សាជីវកម្មធានាឥណទានកម្ពុជា ធនាគារ មេយប៊ែង ខេមបូឌា BNI Super និងសមាគមសហគ្រិនស្ត្រីកម្ពុជា ចុះអនុស្សរណៈនៃការយោគយល់គ្នា ដើម្បីលើកស្ទួយដល់ការកសាងសមត្ថភាព និងជំនាញរបស់សហគ្រាសនធុនតូច និងមធ្យម

ការចុះអនុស្សរណៈយោគយល់នេះ ក៏នឹងត្រួសត្រាយផ្លូវដល់ការពង្រីកបណ្តាញទំនាក់ទំនង ក៏ដូចជាការអភិវឌ្ឍរយៈពេលយូរអង្វែងផ្នែកមុខជំនួញ ដល់សហគ្រាសធុនតូច និងមធ្យមដែលបានចូលរួមក្នុងការបណ្តុះបណ្តាលនេះ តាមរយៈវេទិកាប្រាស្រ័យទាក់ទងគ្នា និងការ ចែករំលែកចំណេះដឹងទាំងផ្នែកទ្រឹស្តី និងបច្ចេកទេសនានា។ លើសនេះទៅទៀត អ្នកចូលរួមក៏នឹងទទួលបានការលើកទឹកចិត្តពីធនាគារ មេយប៊េង ខេមបូឌា តាមរយៈការផ្តល់ជូននូវអត្រាពិសេស ដល់ពួកគេផងដែរ។

ពិធីចុះអនុស្សរណៈនៃការយោគយល់គ្នានេះ ត្រូវបានរៀបចំឡើងក្រោមអធិបតីភាពជាសក្ខីភាពពីសំណាក់ ឯកឧត្តមបណ្ឌិតសភាចារ្យ សុក ស៊ីផាណា នាយកនៃការិយាល័យមេធាវី សុក ស៊ីផាណា និងសហការី និងជាប្រធានក្រុមប្រឹក្សានៃវិទ្យាស្ថាន Asian Vision Institute និងត្រូវបានចុះហត្ថលេខាដោយ លោក Wong Keet Loong អគ្គនាយក CGCC លោក រ័ត្ន សោភ័ណ នាយកប្រតិបត្តិ និងនាយកប្រចាំប្រទេសរបស់ធនាគារ មេយប៊ែង លោកជំទាវ ជា រដ្ឋា អនុប្រធានសមាគមសហគ្រិនស្រ្តីកម្ពុជា និងលោក គ្រុយ ឬទ្ធី ប្រធាន BNI Super។

លោក រ័ត្ន សោភ័ណ នាយកប្រតិបត្តិរបស់ធនាគារ មេយប៊ែង បានលើកឡើងថា “ការចុះអនុស្សរណៈនៃការយោគយល់គ្នា និងកម្មវិធី កសាងសមត្ថភាព និងជំនាញនេះ ជាការបង្ហាញនូវការប្តេជ្ញាចិត្តរបស់ធនាគារ មេយប៊ែង ក្នុងការបន្តគាំទ្រដល់ការរីកចម្រើនរបស់សហគ្រិនធនតូច និងមធ្យមនៅក្នុងប្រទេសកម្ពុជា។ យើងជឿជាក់ថាការផ្តល់ជាវេទិកាក្នុងវគ្គបណ្តុះបណ្តាលនេះ ដែលក៏ជាផ្នែកមួយនៃការផ្តល់ចំណេះដឹងផ្នែកហិរញ្ញវត្ថុ យើងបាននឹងកំពុងផ្តល់នូវឧបករណ៍ដ៏ត្រឹមត្រូវដើម្បីចីរភាពនៃមុខជំនួញរបស់ពួកគាត់ ដែលក៏ជាកិច្ចរួមចំណែកដល់ការអភិវឌ្ឍន៍សេដ្ឋកិច្ចជារួមរបស់ប្រទេសកម្ពុជាផងដែរ។”

លោកបានបន្ថែមឱ្យដឹងថា “ឆ្នាំទៅមិញ កម្មវិធីកសាងសមត្ថភាព និងជំនាញនេះទទួលបានជោគជ័យគួរជាទីកត់សម្គាល់។ ឆ្នាំនេះ យើងចង់បន្តបំពេញនូវកិច្ចសន្យារបស់យើងក្នុងការផ្តល់សេវាហិរញ្ញវត្ថុ ប្រកបដោយអរិយ្យភាពដោយបង្កើននូវកម្រិតនៃការគាំទ្ររបស់យើងតាមរយៈ ការបន្តគាំទ្រ និងពង្រីកដៃគូសហការ សរុបចំនួនបី ដែលរួមមាន CGCC CWEA និង BNI Super”។

លោក Wong Keet Loong អគ្គនាយក CGCC មានប្រសាសន៍ថា “យើងមានសេចក្តីសោមនស្សរីករាយក្នុងការចាប់ដៃគូជាមួយធនាគារ មេយប៊ែងក្នុងឆ្នាំនេះម្តងទៀត សម្រាប់កម្មវិធី BCC និងពិសេសក្នុងការបង្កើនកិច្ចសហប្រតិបត្តិការជាមួយ BNI និងសមាគមសហគ្រិនស្រ្តីកម្ពុជា ដើម្បីពង្រីកវិសាលភាពនៃ កម្មវិធីដ៏សំខាន់នេះ។ យើងជឿជាក់ថាកម្មវិធី BCC នឹងផ្តល់ជាធនធានដ៏សំខាន់ដល់សហគ្រាសធុនតូច និងមធ្យមនៅកម្ពុជា និងជាជំនួយដល់សហគ្រិនរបស់យើងឱ្យកាន់តែរីកចម្រើន និងទទួលបានជោគជ័យ ជាមួយនឹងនឹងឱកាសដ៏ទូលំទូលាយក្នុងការទទួលបានហិរញ្ញប្បទាន និងបង្កើនចំណេះដឹងហិរញ្ញវត្ថុ ដែលស្របជាមួយនឹងទិសដៅរបស់ CGCC។”

លោកជំទាវ ជា រដ្ឋា អនុប្រធាននៃសមាគមសហគ្រិនស្រ្តីកម្ពុជា CWEA ក៏បានគាំទ្រផងដែរថា “យើងខ្ញុំមានសេចក្តីសោមនស្សរីករាយ ជាខ្លាំង ដែលបានចូលរួមក្នុងគំនិតផ្តួចផ្តើមនេះ ដោយកម្មវិធីនេះស្របទៅតាមបេសកកម្មរបស់ CWEA ក្នុងការជួយជំរុញវិស័យសហគ្រិនភាពដល់ស្ត្រីកម្ពុជា តាមរយៈការបង្កើនជំនាញ និងបណ្តាញទំនាក់ទំនង ។ នាងខ្ញុំសូមលើកទឹកចិត្តដល់សមាជិក CWEA និងសហគ្រិនស្រ្តីទាំងអស់ ឱ្យចាប់យកឱកាសនេះដើម្បី ជាប្រយោជន៍ក្នុងការយល់ដឹងបន្ថែម និងពង្រីកវិសាលភាពផ្ទាល់ខ្លួន។”

លោក គ្រុយ ឬទ្ធី នៃ BNI Super ក៏បានបង្ហាញពីការគាំទ្ររបស់លោក មកកាន់វគ្គបណ្តុះបណ្តាលនេះដែរ ដោយលោកបានថ្លែងថា “យើងមានទំនុកចិត្តថា ការក្លាយជាដៃគូសហការនេះ នឹងផ្តល់ផលប្រយោជន៍ ទៅវិញទៅមកដល់សមាជិករបស់ BNI Super ក៏ដូចជាសហគ្រិនដទៃ ព្រោះវាបានអនុញ្ញាតឲ្យសមាជិករបស់យើង ពង្រីកនូវបណ្តាញទំនាក់ទំនងរបស់ពួកគេ អភិវឌ្ឍជំនាញថ្មីៗ និងផ្តល់ឱកាសដល់ការបើកទំព័រអាជីវកម្មថ្មីរបស់ពួកគេជាដើម”។

នៅក្នុងពិធីចុះអនុស្សរណៈនៃការយោគយល់គ្នានេះផងដែរ ក៏មាននូវកិច្ចពិភាក្សាស្តីពី “ស្ថានភាពសេដ្ឋកិច្ចនៅប្រទេសកម្ពុជា និងការប្រឈម និងឱកាសនានារបស់សហគ្រាសខ្នាតតូច និងមធ្យម” ដែលមានការចូលរួមពីវាគ្មិនកិត្តិយសចំនួន៤រូប គឺឯកឧត្តមបណ្ឌិតសភាចារ្យ សុក ស៊ីផាណា នាយកនៃការិយាល័យមេធាវី សុក ស៊ីផាណា និងសហការី និងជាប្រធានក្រុមប្រឹក្សានៃវិទ្យាស្ថាន Asian Vision Institute លោកជំទាវ ជា រដ្ឋា អនុប្រធានសមាគមសហគ្រិនស្រ្តីកម្ពុជា លោក រ័ត្ន សោភ័ណ នាយកប្រតិបត្តិធនាគារ មេយប៊ែង និងលោក ណូ លីដា អគ្គនាយករង CGCC។

គួរបញ្ជាក់ផងដែរថា នៅក្នុងឆ្នាំ ២០២២ កម្មវិធី កសាងសមត្ថភាព និងជំនាញ បានបណ្តុះបណ្តាលសហគ្រាសធុនតូច និងមធ្យម និង ទីប្រឹក្សាផ្នែកហិរញ្ញវត្ថុជិត១០០នាក់ ទៅលើប្រធានបទផ្សេងៗគ្នា រួមមានការចុះបញ្ជី អាជីវកម្មនៅកម្ពុជា សារៈសំខាន់គោលការណ៍គ្រប់គ្រងហិរញ្ញវត្ថុ ការធ្វើស្លាកយីហោ និងទីផ្សារឌីជីថល ក៏ដូចជា ការគ្រប់គ្រងធនធានមនុស្សជាដើម។ វគ្គបណ្តុះបណ្តាលទាំងនេះ ត្រូវបានចែករំលែកដោយអ្នកជំនាញប្រកបដោយវិជ្ជាជីវៈដែលអញ្ជើញមកពី បណ្តាស្ថាប័ន ក្រុមហ៊ុន ច្បាប់ល្បីៗក្នុងស្រុក ទីប្រឹក្សាពាណិជ្ជកម្ម ភ្នាក់ងារផ្សព្វផ្សាយពាណិជ្ជកម្ម និងស្ថាប័នហិរញ្ញវត្ថុនានា៕

អត្ថបទស្វែងយល់ពីគម្រោងធានាឥណទានជាកញ្ចប់របស់ CGCC

Posted on ខែមិថុនា 12, 2023ខែកញ្ញា 13, 2024 by Sorn Chhorvyvatey

គិតមកទល់ពេលនេះ មានរយៈពេល២ឆ្នាំហើយដែល CGCC បានដាក់ឱ្យដំណើរការគម្រោងធានាឥណទានសាធារណៈ ជាលើកដំបូងបង្អល់ កាលពីថ្ងៃទី២៩ ខែមីនា ឆ្នាំ២០២១ ហៅថា គម្រោងធានាឥណទានដើម្បីស្តារជាអាជីវកម្ម (BRGS) ស្របពេលកម្ពុជាកំពុងប្រឈមមុខខ្ពស់បំផុតនឹងជម្ងឺកូវីដ-១៩។ ភ្លាមៗបន្ទាប់ពីការដាក់ឱ្យដំណើរការគម្រោង BRGS ប្រទេសកម្ពុជាត្រូវបានបិទខ្ទប់ នៅថ្ងៃទី៨ ខែមេសា ឆ្នាំ២០២១។ ក្នុងស្ថានភាពនេះ តម្រូវការនៃការធានាឥណទានមានភាពចាំបាច់កាន់តែខ្លាំង នៅពេលក្រុមហ៊ុនអាជីវកម្មដែលមានសក្តានុពលជួបការលំបាកក្នុងការទទួលបានឥណទាន ដើម្បីទ្រទ្រង់អាជីវកម្មឱ្យឈរជើងបាន។ តាមរយៈនេះ គម្រោងធានាឥណទានចំនួន ២ទៀត ត្រូវបានដាក់ឱ្យដំណើរការ រួមមាន គម្រោងធានាឥណទានសម្រាប់សហហិរញ្ញប្បទាន (CFGS) និង គម្រោងធានាឥណទានសម្រាប់សហគ្រិនស្ត្រី (WEGS)។ គម្រោង BRGS, CFGS, និង WEGS គឺជាគម្រោងធានាឥណទានឯកត្តឥណទាន (IGS) មានន័យថា PFI ត្រូវស្នើសុំការអនុម័តលើការធានាឥណទានមួយ សម្រាប់កម្ចីមួយ មុនពេលបញ្ចេញកម្ចីដែលមានការធានា ជូនទៅក្រុមហ៊ុនអាជីវកម្មដែលជាអ្នកខ្ចី។

នៅថ្ងៃទី១ ខែមករា ឆ្នាំ២០២៣ CGCC បានសម្រេចសមិទ្ធផលថ្មីមួយទៀត គឺការដាក់ឱ្យដំណើរការគម្រោងធានាឥណទានជាកញ្ចប់ (PGS) ក្រោយពីទទួលបានការអនុម័តដ៏ខ្ពង់ខ្ពស់បំផុតពីឯកឧត្តមអគ្គបណ្ឌិតសភាចារ្យឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ។ PGS គឺជាគម្រោងធានាឥណទានដែល CGCC និង PFI ត្រូវព្រមព្រៀងគ្នាលើលក្ខខណ្ឌកម្ចីដែលមានការធានាជាមុន ដោយអនុញ្ញាតឱ្យ PFI អាចដាក់កម្ចីច្រើន ដើម្បីទទួលបានការធានា ក្រោមគម្រោង PGS ដោយមិនចាំបាច់ស្នើសុំការអនុម័តពី CGCC លើការធានាលើកម្ចីម្តងមួយៗ មុនពេលបញ្ចេញកម្ចីទាំងនោះទៅកាន់ក្រុមហ៊ុនអាជីវកម្ម។ ដូច្នេះ ប្រៀបធៀបនឹងគម្រោង IGS, PGS អនុញ្ញាតឱ្យមានការបញ្ចេញឥណទានដែលមានការធានា បានលឿន និងងាយស្រួលជាងមុន។

អានបន្ត៖ ស្វែងយល់ពីគម្រោងធានាឥណទានជាកញ្ចប់របស់ CGCC

សាជីវកម្មធានាឥណទានកម្ពុជា និង ធនាគារអូរៀនថល ប្រកាសនូវភាពជាដៃគូ ក្នុងការផ្តល់កម្ចីដែលមានការធានា ដល់អាជីវកម្មដែលខ្វះទ្រព្យធានា

Posted on ខែមីនា 28, 2023ខែកុម្ភៈ 7, 2024 by Sorn Chhorvyvatey

(ភ្នំពេញ ថ្ងៃទី២៧ ខែមីនា ឆ្នាំ២០២៣)៖ សាជីវកម្មធានាឥណទានកម្ពុជា (CGCC) និងធនាគារ អូរៀន ថល ម.ក បានប្រកាសជាផ្លូវការនូវភាពជាដៃគូ លើកិច្ចព្រមព្រៀងធានាឥណទាន ដើម្បីផ្តល់ការធានាលើកម្ចីអាជីវកម្មដែលខ្វះទ្រព្យធានា។ កិច្ចសហការនេះ នឹងផ្តល់ការគាំទ្រផ្នែកហិរញ្ញវត្ថុដ៏ចម្បង សម្រួលដល់អាជីវកម្ម ជាពិសេសសហគ្រាសខ្នាតតូច និងមធ្យម ដែលប្រឈមនឹងបញ្ហាខ្វះទ្រព្យធានាសម្រាប់តម្កល់នៅធនាគារ ដើម្បទទួលបានកម្ចីជាទុនបង្វិល និងពង្រីកអាជីវកម្ម។

CGCC ផ្តោតលើការបង្កើនបរិយាបន្នហិរញ្ញវត្ថុ និងអភិវឌ្ឍសហគ្រាសខ្នាតតូច និងមធ្យម តាមរយៈបេសកកម្មផ្តល់ការធានាឥណទានលើកម្ចីអាជីវកម្ម ដែលផ្តល់ឱ្យតាមរយៈគ្រឹះស្ថានហិរញ្ញវត្ថុចូលរួម សមស្របនឹងធនាគារ អូរៀន ថល ម.ក ក្នុងនាមជាធនាគារពាណិជ្ជមួយដែលមានទស្សនវិស័យស្រដៀងគ្នានឹង CGCC ក្នុងការគាំទ្រក្រុមហ៊ុនអាជីវកម្មតាមរយៈការផ្តល់នូវសេវានិងផលិតផលហិរញ្ញវត្ថុ ដែលមានតម្លៃបន្ថែមដល់អតិថិជន និងសេដ្ឋកិច្ចជាតិ។ កិច្ចសហការរវាង CGCC និង ធនាគារ អូរៀន ថល ម.ក នឹងក្លាយជាកាលានុវត្តភាពមួយផ្តល់លទ្ធភាពដល់សហគ្រិន ជាពិសេសសហគ្រាសខ្នាតតូច និងមធ្យម ក្នុងការទទួលបានកម្ចីដោយមិនចាំបាច់ដាក់ទ្រព្យបញ្ចាំ ឬទ្រព្យបញ្ចាំដែលមានតម្លៃមិនគ្រប់គ្រាន់សម្រាប់ទំហំកម្ចី ដែលភាគច្រើនជាបញ្ហាប្រឈមចម្បងដែលសហគ្រិននៅកម្ពុជាបាននិងកំពុងបន្តជួបប្រទះ។

លោក Wong Keet Loong អគ្គនាយក CGCC បានបង្ហាញការសាទរ និងរីករាយចំពោះភាពជាដៃគូនេះថា៖ “កិច្ចសហការភាពជាដៃគូជាមួយនឹងធនាគារអូរៀនថល នឹងបង្កើនចំនួនគ្រឹះស្ថានហិរញ្ញវត្ថុចូលរួមរបស់ CGCC ក្នុងការផ្តល់កម្ចីដែលមានការធានា សរុបចំនួន២៦ស្ថាប័ន។ ទោះបីជាធនាគារអូរៀនថល ជាធនាគារថ្មីមួយនៅកម្ពុជា តែធនាគារនេះមានថ្នាក់ដឹកនាំដែលមានជំនាញ និងបទពិសោធន៍ផ្នែកធនាគាររហូតដល់ជាង២៥ឆ្នាំនៅកម្ពុជា ជាមួយនឹងការជ្រួតជ្រាបយ៉ាងរឹងមាំពីតម្រូវផ្នែកហិរញ្ញប្បទានរបស់សហគ្រាសធុនតូចនិងមធ្យម”។

លោកអគ្គនាយកក៏បានបន្តទៀតថា ៖ “ក្នុងត្រីមាសដំបូង នៃឆ្នាំ២០២៣នេះ CGCC បានផ្តល់ការធានាឥណទានប្រហាក់ប្រហែល ២៥០ ក្រុមហ៊ុន/អាជីវកម្ម ក្នុងរង្វង់ទឹកប្រាក់ប្រហែល២០លានដុល្លារសហរដ្ឋអាមេរិក។ យើងឃើញថានេះជា ការចាប់ផ្តើមមួយដ៏ល្អសម្រាប់ឆ្នាំនេះ ហើយយើងជឿជាក់ថា របត់មួយនេះនឹងនៅតែបន្តទៅមុខ ដើម្បីគាំទ្រដល់ក្រុមហ៊ុន/អាជីវកម្មក្នុងការទទួលបានកម្ចី”។

CGCC and Oriental Bank Announce Partnership to Provide Guaranteed Loans for businesses lacking collaterals

Datuk Phan Ying Tong នាយកគ្រប់គ្រងរួម/នាយកប្រតិបត្តិ នៃធនាគារអូរៀនថល មានប្រសាសន៍ឱ្យដឹងថា៖ “យើងមានសេចក្តីរំភើបរីករាយក្នុងការធ្វើជាដៃគូជាមួយ CGCC ដើម្បីគាំទ្រដល់សហគ្រាសធុនតូច និងមធ្យមនៅកម្ពុជា។ ភាពជាដៃគូនេះគឺជាព្រឹត្តិការណ៍ដ៏សំខាន់មួយសម្រាប់យើង វាបើកឱកាសថ្មីសម្រាប់យើង ហើយវាបង្ហាញពីការប្តេជ្ញាចិត្តរបស់យើងក្នុងការជំរុញការដាក់បញ្ចូលហិរញ្ញវត្ថុ (Financial inclusion) និងការលើកកម្ពស់កំណើនសេដ្ឋកិច្ចនៅក្នុងប្រទេស។ ការផ្តល់ជូនចុងក្រោយនេះ គឺស្របជាមួយនឹងបេសកកម្មសាជីវកម្មរបស់យើង ដែលនឹងទៅជា ”ធនាគារដែលលើសពីធនាគារធម្មតា”។ យើងខិតខំដើម្បីរីកចម្រើនជាមួយសហគមន៍ និង MSMEs របស់យើង ហើយជួយអតិថិជនតាមគ្រប់មធ្យោបាយដែលយើងអាចធ្វើបាន។ ភាពជាដៃគូជាមួយ CGCC បានអនុញ្ញាតឱ្យសហគ្រាសធុនតូច និងមធ្យមទទួលបាននូវហិរញ្ញប្បទានពីធនាគារ អូរៀន ថល ម.ក ក្នុងអត្រាប្រកួតប្រជែងដោយមិនចាំបាច់មានវត្ថុបញ្ចាំ។ កិច្ចសហការណ៍មួយនេះក៏បញ្ជាក់ជាថ្មីពីការប្តេជ្ញាចិត្តរបស់ធនាគារ អូរៀន ថល ម.ក ក្នុងការគាំទ្រដល់ការអភិវឌ្ឍន៍អាជីវកម្មខ្នាតតូច និងមធ្យម ដែលជាឆ្អឹងខ្នងនៃសេដ្ឋកិច្ចកម្ពុជា”។

ឥឡូវនេះធនាគារ អូរៀន ថល ម.ក បានក្លាយជាស្ថាប័នហិរញ្ញវត្ថុមួយក្នុងចំណោមស្ថាប័នហិរញ្ញវត្ថុដែលចូលរួមចំនួន 26 (PFIs) របស់ CGCC ដែលបានប្តេជ្ញាចិត្តក្នុងការជួយក្រុមហ៊ុនអាជីវកម្មស្របតាមទិសដៅរបស់រដ្ឋាភិបាលក្នុងការគាំទ្រសហគ្រាសធុនតូច និងមធ្យម។ CGCC និងធនាគារ អូរៀន ថល ម.ក មានទំនុកចិត្តថាភាពជាដៃគូនេះនឹងជួយដោះស្រាយគម្លាតហិរញ្ញប្បទានដែលប្រឈមមុខដោយ MSMEs ជាច្រើននៅក្នុងប្រទេសកម្ពុជា និងរួមចំណែកដល់លើកកម្ពស់ និងការអភិវឌ្ឍន៍សេដ្ឋកិច្ចរបស់ប្រទេស។

ក្រោមកិច្ចព្រមព្រៀងធានាឥណទាននេះ ធនាគារអូរៀនថល បានក្លាយជាគ្រឹះស្ថានហិរញ្ញវត្ថុចូលរួម (PFIs) មួយ ក្នុងចំណោម PFIs សរុប២៦ ស្ថាប័នរបស់ CGCC ក្នុងការប្តេជ្ញាចិត្តគាំទ្រដល់ក្រុមហ៊ុនអាជីវកម្មក្នុងការទទួលបានហិរញ្ញប្បទានស្របទៅនឹងយុទ្ធសាស្ត្ររបស់រាជរដ្ឋាភិបាលក្នុងការគាំទ្រ MSMEs តាមរយៈយន្តការធានាឥណទាន។ CGCC និងធនាគារអូរៀនថល ជឿជាក់យ៉ាងមុតមាំថា កិច្ចសហការនេះ នឹងអាចសម្រួលក្នុងការដោះស្រាយគម្លាតហិរញ្ញវត្ថុ ដែលជាបញ្ហាប្រឈមរបស់ MSMEs នៅកម្ពុជា និងចូលរួមចំណែកដល់ការរីកចម្រើន និងការអភិវឌ្ឍសេដ្ឋកិច្ចជាតិ។

អំពី CGCC

CGCC គឺជាសហគ្រាសសាធារណៈដែលបង្កើតឡើងដោយអនុក្រឹត្យរបស់រាជរដ្ឋាភិបាលចុះថ្ងៃទី០១ ខែកញ្ញា ឆ្នាំ២០២០។ CGCC ស្ថិតក្រោមអាណាព្យាបាលបច្ចេកទេសនិងហិរញ្ញវត្ថុពីក្រសួងសេដ្ឋកិច្ចនិងហិរញ្ញវត្ថុ ជាមួយនឹងបេសកកម្មផ្តល់ការធានាឥណទានលើកម្ចីដែលផ្តល់ឱ្យអាជីវកម្ម ដើម្បីចែករំលែកហានិភ័យជាមួយស្ថាប័នផ្តល់កម្ចី និងបង្កើនបរិយាបន្នហិរញ្ញវត្ថុ។

គិតត្រឹមចុងខែកុម្ភៈ ឆ្នាំ២០២៣ CGCC បានផ្តល់ការធានាឥណទាន ដល់ក្រុមហ៊ុន/អាជីវកម្ម សរុបចំនួន ១១៩៥ ក្នុងរង្វង់ទឹកប្រាក់ប្រហាក់ប្រហែល៨៥.៧៣ លានដុល្លារ ដែលក្នុងនោះ ៩៥% នៃចំនួនក្រុមហ៊ុន/អាជីវកម្មដែលទទួលការធានាសរុប បានផ្តល់ជូនទៅសហគ្រាសធុនតូចនិងមធ្យម (SMEs)។

អំពីធនាគារអូរៀនថល

ធនាគារ អូរៀន ថល ម.ក គឺជាធនាគារពាណិជ្ជថ្មី និងរីកចម្រើនយ៉ាងឆាប់រហ័សដែលបើកសម្ភោធជាផ្លូវការនៅថ្ងៃទី២២ ខែកុម្ភៈ ឆ្នាំ២០២២ នឹងបើកសាខាទី៣ របស់ខ្លួននៅដើមខែមេសា ឆ្នាំ២០២៣ ខាងមុននេះ។ ធនាគារ អូរៀន ថល ម.ក មានការយកចិត្តទុកដាក់យ៉ាងខ្លាំងក្នុងការផ្តល់នូវបទពិសោធន៍សេវាកម្មអតិថិជនដ៏ល្អបំផុត មិនត្រឹមតែការផ្តល់សេវាកម្មជាមួយអតិថិជនផ្ទាល់ ប៉ុន្តែក៏ត្រូវបានមើលឃើញផងដែរនៅក្នុងការរចនាដែលផ្តោតលើការផ្តល់សេវាឌីជីថល ដែលធនាគារ អូរៀន ថល ម.ក មានកម្មវិធីធនាគារចល័តរបស់ខ្លួនផ្ទាល់ ។

កិច្ចសហប្រតិបត្តិការនេះនឹងអនុញ្ញាតឱ្យធនាគារ អូរៀន ថល ម.ក ផ្តល់ការគាំទ្រកាន់តែច្រើនដល់សហគ្រាសធុនតូច និងមធ្យម ដោយជួយគាំទ្រអតិថិជនឱ្យទទួលបានជម្រើសហិរញ្ញប្បទានដែលមានតម្លៃសមរម្យ និងបត់បែនដែលអតិថិជនត្រូវការដើម្បីទទួលបានជោគជ័យ។ តាមរយៈការធ្វើដូច្នេះ ធនាគារ អូរៀន ថល ម.ក ក៏កំពុងកំណត់ទីតាំងខ្លួនឯងសម្រាប់ភាពជោគជ័យកាន់តែច្រើនផងដែរ ដោយសារធនាគារនៅតែបន្តរីកចម្រើន និងពង្រីកការផ្តល់អាជីវកម្មរបស់ខ្លួន៕

Click here: ទឹកប្រាក់ជាង ១០០ លានដុល្លារ ត្រូវផ្តល់ដល់ SME តាម CGCC

ទឹកប្រាក់ជាង ១០០ លានដុល្លារ ត្រូវផ្តល់ដល់ SME តាម CGCC

Posted on ខែមីនា 16, 2023ខែឧសភា 26, 2023 by Sorn Chhorvyvatey

សាជីវកម្មធានាឥណទានកម្ពុជា (CGCC) បានផ្តល់ការធានាឥណទានជូនដល់ ១១៥៥ ក្រុមហ៊ុន/អាជីវកម្ម ក្នុងទំហំទឹកប្រាក់កម្ចីចំនួនជិត ១០៥ លានដុល្លារ គិតត្រឹមចុងខែកុម្ភ: ឆ្នាំ ២០២៣ ក្នុងការផ្តល់លទ្ធភាពហិរញ្ញវត្ថុដល់សហគ្រាសធុនតូច និងមធ្យម (SMEs) ដើម្បីបន្តនិរន្តរភាពនិងពង្រីកអាជីវកម្មដែលបានរងផលប៉ះពាល់ពីការរីករាលដាលនៃជំងឺកូវីដ ១៩។

យោងតាមរបាយការណ៍របស់ CGCC ចេញផ្សាយកាលពីថ្ងៃទី ១០ ខែមីនានេះ គិតត្រឹមចុងខែកុម្ភ: ឆ្នាំ ២០២៣ CGCC បានផ្តល់ការធានាឥណទានជូនដល់ ១១៥៥ ក្រុមហ៊ុន/អាជីវកម្ម ក្នុងទំហំទឹកប្រាក់កម្ចីប្រហាក់ប្រហែល ១០៤,៩ លានដុល្លារ។ បើគិតត្រឹមថ្ងៃទី ៣១ ខែមករា សន្និធិឥណទានដែលមានការធានាមានចំនួន ៨១,៦ លានដុល្លារ និងសន្និធិទំហំការធានាឥណទានមានចំនួន ៥៨,៩ លានដុល្លារ។

លោក សុខ វឿង ប្រធានសមាគមមីក្រូហិរញ្ញវត្ថុនៅកម្ពុជាបានថ្លែងប្រាប់ភ្នំពេញប៉ុស្តិ៍នៅថ្ងៃទី ១៣ ខែមីនាថា គម្រោងធានាឥណទាននេះបានដើរ តួនាទីយ៉ាងសំខាន់ក្នុងការផ្តល់លទ្ធភាពដល់សហគ្រាសធុនតូចនិងមធ្យមទទួលបាននូវកម្ចីដោយពុំបាច់មានទ្រព្យធានាដើម្បីយកទៅបន្តនិរន្តរភាពនិងពង្រីកអាជីវកម្មរបស់ពួកគាត់ក្រោយពីទទួលរងពីផលប៉ះពាល់នៃការរីករាលដាលនៃជំងឺកូវីដ ១៩ ជាង ២ ឆ្នាំមកនេះ។

លោកបានថ្លែងថា ជាមួយនឹងកំណើននៃការធានាចំនួន ១ ១៥៥ នេះ ក្នុងនោះ ៨០ ភាគរយគឺផ្តល់ដោយធនាគារពាណិជ្ជ និងចំណែកដែលនៅសល់គឺគ្រឹះស្ថានមីក្រូហិរញ្ញវត្ថុ ដែលជាដៃគូចូលរួមជាមួយគម្រោងធានាឥណទាននេះ។

ប៉ុន្តែសម្រាប់ទឹកប្រាក់នៃទំហំឥណទានដែលមានជិត ១០៥ លានដុល្លារនោះគឺ ប្រមាណ ៩៥ ភាគរយត្រូវផ្តល់ដោយគ្រឹះស្ថានធនាគារ។

លោកបានថ្លែងថា៖ «សម្រាប់ទំហំឥណទានដែលបានផ្តល់នោះគឺយើងបានផ្តល់ភាគច្រើនទៅលើវិស័យអាទិភាពដូចជាវិស័យសេវាកម្ម កសិកម្ម និងផលិតកម្ម ដែលបណ្តាសហគ្រាសខ្នាតតូចនិងមធ្យមទាំងនោះអាចទទួលបានកម្ចីដើម្បីយកទៅពង្រីកអាជីវកម្មរបស់ខ្លួនដោយពុំចាំបាច់មានទ្រព្យធានា»។

លោកបានថ្លែងបញ្ជាក់ទៀតថា៖ «យើងរីករាយក្នុងការចូលរួមជាមួយ CGCC ដោយសារតែហានិភ័យត្រូវបានធានា។ យើងសង្កេតឃើញថាចាប់តាំងពីគម្រោងនេះចាប់ផ្តើមអនុវត្តគឺអត្រាឥណទានដែលខូច នោះមានអត្រាតិចតួចបំផុត ដោយសារតែអាជីវកម្មទាំងនោះគឺសុទ្ធសឹងតែមានសក្តានុពលក្នុងការជំរុញសកម្មភាពសេដ្ឋកិច្ចប៉ុន្តែពួកគេពុំមានទ្រព្យធានា ហេតុដូច្នេះហើយការអនុវត្តគម្រោងធានាឥណទាននេះគឺបានជួយពួកគាត់ច្រើនក្នុងការពង្រីកអាជីវកម្ម។

លោក សុខ វឿង ដែលជាអគ្គនាយករបស់គ្រឹះស្ថានមីក្រូហិរញ្ញវត្ថុ LOLC ផងដែរនោះបានថ្លែងថា ស្ថាប័នរបស់លោកក៏បានផ្តល់កម្ចីប្រមាណជា ២ លានដុល្លារផងដែរ ហើយលោកនឹងធ្វើការពង្រីកឱ្យបានពី ៤ ទៅ ៥ លានដុល្លារសម្រាប់ឆ្នាំ ២០២៣ នេះដើម្បីចូលរួមចំណែកផ្តល់មូលនិធិ បន្ថែមដល់ SMEs។

លោក តូច ចៅចេក ប្រធាននាយកប្រតិបត្តិធនាគារប្រៃសណីយ៍កម្ពុជា បានថ្លែងប្រាប់ភ្នំពេញប៉ុស្តិ៍នៅថ្ងៃទី ១៣ ខែមីនាថា ធនាគាររបស់លោកចូលរួមជាមួយគម្រោងធានាឥណទាននេះមានទឹកប្រាក់ជាង១លានដុល្លាររួចទៅហើយគិតត្រឹមដំណាច់ ឆ្នាំ ២០២២។ លោកបន្ថែមថា ធនាគារលោកនឹងមានគម្រោងក្នុងការពង្រីកឱ្យបានប្រមាណពី ៥ ទៅ ១០ លានដុល្លារក្នុងឆ្នាំ ២០២៣ នេះ។

លោកបានថ្លែងថា៖ «ជាការពិត ណាស់ តាមរយៈគម្រោង CGCC នេះគឺជាគម្រោងមួយល្អសម្រាប់ SMEs ទាំងឡាយដែលពួកគាត់គ្មានទ្រព្យដាក់ធានាគឺអាចស្នើសុំឥណទានតាមគម្រោងនេះគឺពួកគាត់មានឱកាសក្នុងការស្តារ និងពង្រីកអាជីវកម្មរបស់ពួកគាត់ដោយមិនតម្រូវឱ្យមានទ្រព្យធានាទេ»។

«សម្រាប់ឆ្នាំ ២០២៣ នេះយើងចង់ពង្រីកឱ្យធំដោយយើងចង់ពង្រីកទៅអាជីវកម្មផ្សេងៗឱ្យបានច្រើនដោយកាលពីមុនយើងផ្តោតតែទៅលើ SMEs ធំៗដែលមានទ្រព្យធានាដើម្បីពង្រីកអាជីវកម្មរបស់គាត់ ហើយឥឡូវនេះសម្រាប់ SMEs តូចៗដែលត្រូវការសាច់ប្រាក់ដើម្បីពង្រីកអាជីវកម្មរបស់ពួកគាត់ប៉ុន្តែមិនមានទ្រព្យធានាក៏បានដែរដោយយកតាម CGCC ហេតុដូច្នេះហើយបានជាធនាគាររបស់ខ្ញុំនឹងធ្វើការពង្រីកការផ្តល់កម្ចីរបស់យើងតាមរយៈគម្រោង CGCC នេះពី ១ លានដុល្លារ ទៅចន្លោះពី ៥ ទៅ ១០ លានដុល្លារនៅឆ្នាំ ២០២៣ នេះ» នេះបើតាមលោក ចៅចេក៕

ដកស្រង់ពីសារព័ត៌មានភ្នំពេញប៉ុស្តិ៍ ចេញផ្សាយថ្ងៃទី១៤ ខែមីនា ឆ្នាំ២០២៣៖ ទឹកប្រាក់ជាង ១០០ លានដុល្លារ ត្រូវផ្តល់ដល់ SME តាម CGCC

Tag: បរិយាបន្នហិរញ្ញវត្ថុ

ធនាគារ ព្រីនស៍ សហការជាមួយ សាជីវកម្មធានាឥណទានកម្ពុជា លើគម្រោងធានាឥណទានជាកញ្ចប់សម្រាប់សហគ្រិនស្ត្រី

ការចុះកិច្ចព្រមព្រៀងលើគម្រោងធានាឥណទានជាកញ្ចប់ ទំហំ ៣លានដុល្លារ សម្រាប់សហគ្រិនស្រ្តី

កិច្ចប្រជុំក្រុមប្រឹក្សាភិបាល CGCC អាណត្តិទី១ លើកទី១៤

អត្ថបទស្វែងយល់ពីគម្រោងធានាឥណទានជាកញ្ចប់របស់ CGCC

ទឹកប្រាក់ជាង ១០០ លានដុល្លារ ត្រូវផ្តល់ដល់ SME តាម CGCC

ទំនាក់ទំនង

បណ្តាញសង្គម

តំណភ្ជាប់រហ័ស