Tag: Micro-Finance

សាជីវកម្មធានាឥណទានកម្ពុជា (CGCC) មានសេចក្តីសោមនស្សក្រៃលែង ក្នុងការប្រកាសដាក់ឱ្យដំណើរការនូវ “គម្រោងធានាឥណទានសម្រាប់សហហិរញ្ញប្បទាន (CFGS)” ជាផ្លូវការ។ គម្រោង CFGS ត្រូវបានបង្កើតឡើងជាពិសេស សម្រាប់កម្ចីសហហិរញ្ញប្បទានដែលផ្តល់ក្រោមគម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យម ជំហានទី២ (SCFS II) របស់ធនាគារសហគ្រាសធុនតូច និងមធ្យមកម្ពុជា ។ គម្រោង CFGS របស់ CGCC និងគម្រោង SCFS II របស់ធនាគារ SME គឺជាការរួមគ្នានៃសហគ្រាសសាធារណៈទាំងពីរ ក្នុងការលើកកម្ពស់ការទទួលបានហិរញ្ញប្បទាន សម្រាប់សហគ្រាសធុនតូចនិងមធ្យមនៅកម្ពុជា។ ខណៈដែលគម្រោង SCFS II មានគោលបំណងកាត់់បន្ថយចំណាយ (អត្រាការប្រាក់) នៃឥណទានរបស់សហគ្រាសធុនតូច និងមធ្យម CFGS របស់ CGCC គឺជាគម្រោងធានាឥណទាន ដែលដើរតួជាទ្រព្យបញ្ចាំចាប់ពី ៧០% ដល់ ៨០% នៃទំហំកម្ចី ដើម្បីកាត់បន្ថយតម្រូវការទ្រព្យបញ្ចាំពីគ្រឹះស្ថានធនាគារ និងហិរញ្ញវត្ថុ (គ្រឹះស្ថានហិរញ្ញវត្ថុចូលរួម) ទៅកាន់អ្នកខ្ចី​។

CGCC នឹងដាក់ឱ្យដំណើរការជាផ្លូវការនូវជំហានទីមួយ នៃគម្រោង CFGS ដែលមានទឹកប្រាក់សរុប ៥០ លានដុល្លារអាមេរិក ដើម្បីធានាដល់ឥណទានដែលផ្តល់ក្រោមគម្រោង SCFSII។ គម្រោងនេះនឹងជួយឱ្យមានការបញ្ចេញឥណទានថ្មីៗនៅក្នុងវិស័យធនាគារ ពីគ្រឹះស្ថានហិរញ្ញវត្ថុចូលរួម (PFIs) របស់ CGCC ទៅកាន់ក្រុមហ៊ុនអាជីវកម្ម។ ទន្ទឹមនេះ PFIs នឹងអាចផ្តល់កម្ចីច្រើនជាងមុន ធៀបនឹងតម្លៃនៃទ្រព្យបញ្ចាំ ដោយហានិភ័យក្នុងការផ្តល់ឥណទាននេះនឹងត្រូវបានចែករំលែកដោយ CGCC រហូតដល់ ៨០%។

CFGS គឺជាគម្រោងធានាឥណទានទី២ ដែលត្រូវបានដាក់ចេញដោយ CGCC។ គួរបញ្ជាក់ថា CGCC បានដាក់ចេញ គម្រោងធានាឥណទានដើម្បីស្តារអាជីវកម្ម ដែលមានទំហំទឹកប្រាក់ ២០០ លានដុល្លារអាមេរិក នៅខែមីនា ឆ្នាំ ២០២១ ក្នុងគោលបំណងគាំទ្រដល់ការងើបឡើងវិញនៃសេដ្ឋកិច្ច ក្នុងអំឡុងពេលវិបត្តិជំងឺកូវីដ-១៩។ គិតត្រឹម         ថ្ងៃទី​​២១ ខែកញ្ញា ឆ្នាំ២០២១ CGCC បានផ្តល់ការធានាឥណទានលើកម្ចីចំនួន ៨៥កម្ចី ដែលមានទំហំទឹកប្រាក់ប្រមាណ ១២លានដុល្លារ ដល់បណ្តាក្រុមហ៊ុនអាជីវកម្ម តាមរយៈ​ PFIs របស់ CGCC។

ឯកឧត្តម រស់ សីលវ៉ា រដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលរបស់ CGCC មានប្រសាសន៍ថា “ការដាក់ឱ្យដំណើរការនូវគម្រោង CFGS របស់ CGCC គឺជាការឆ្លើយតបទាន់ពេលវេលា និងជាការគាំទ្របន្ថែមយ៉ាងសំខាន់ លើគម្រោង SCFS II របស់ធនាគារសហគ្រាសធុនតូច និងមធ្យមកម្ពុជា ក្នុងការចែករំលែកហានិភ័យ ជាមួយ PFIs។ គម្រោងទាំងពីរនេះ នឹងបំពេញបន្ថែមគ្នាទៅវិញទៅមក ក្នុងការដោះស្រាយនូវបញ្ហាប្រឈមចម្បង ២យ៉ាង ក្នុងការទទួលបានហិរញ្ញប្បទាន របស់សហគ្រាសធុនតូច និងមធ្យម ដែលទីមួយគឺ ការចំណាយខ្ពស់ក្នុងការទទួលបានកម្ចី និងទីពីរគឺ កង្វះទ្រព្យបញ្ចាំ”។

ម្ចាស់សហគ្រាសខ្នាតតូចនិងមធ្យម ដែលមានសញ្ជាតិកម្ពុជា (កាន់កាប់ភាគហ៊ុនលើសពី៥០%) អាចទាក់ទងទៅកាន់ PFIs របស់ CGCC ឬទាក់ទងផ្ទាល់មកកាន់ CGCC តាមរយៈលេខទូរស័ព្ទ ០២៣ ៧២២ ១២៣ ឬអ៊ីម៉ែល [email protected] ឬចូលទៅកាន់គេហទំព័រ www.cgcc.com.kh សម្រាប់ព័ត៌មានបន្ថែម។ ស្ថាប័នហិរញ្ញវត្ថុ  ចូលរួម របស់សាជីវកម្មធានាឥណទានកម្ពុជា រួមមាន ធនាគារ អេប៊ីអេ, ធនាគារ អេស៊ីលីដា, គ្រឹះស្ថានមីក្រូហិរញ្ញវត្ថុ អេ អឹម ខេ, គ្រឹះស្ថានមីក្រូហិរញ្ញវត្ថុ អម្រឹត, ធនាគារ អាស៊ា-ប៉ាស៊ីហ្វិក ឌីវេឡុបមេន, ធនាគារ ប្រេដ ប៊ែង, ធនាគារ ប្រៃសណីយ៍កម្ពុជា, គ្រឹះស្ថានមីក្រូហិរញ្ញវត្ថុ ខេមា, ធនាគារ កាណាឌីយ៉ា, គ្រឹះស្ថានមីក្រូហិរញ្ញវត្ថុចម្រើន, ធនាគារពាណិជ្ជកម្មក្រៅប្រទេសនៃកម្ពុជា, ធនាគារ ជេ ត្រាស់ រ៉ូយ៉ាល់, គ្រឹះស្ថានមីក្រូហិរញ្ញវត្ថុ អិលអូអិលស៊ី, ធនាគារ ហ្វីលីព, ធនាគារភីភីស៊ីប៊ែង, ធនាគារ ព្រីនស៍, ធនាគារ អ អេច ប៊ី, ធនាគារ ស្ថាបនា និងធនាគារ វីង។  CGCC ស្វាគមន៍នូវកិច្ចសហការជិតស្និទ្ធជាមួយនឹងគ្រប់ភាគីពាក់ព័ន្ធទាំងអស់ ដើម្បីគាំទ្រ សហគ្រាសធុនតូច និងមធ្យម នៅកម្ពុជា ជាមួយនឹងគម្រោង CFGS។

Khmer Times: June 30, 2021

The Credit Guarantee Corporation of Cambodia (CGCC) has signed a credit guarantee agreement with a second batch of participating financial institutions (PFIs) comprised of (in alphabetical order) Amret Micro-Finance Institution (MFI), BRED Bank, Camma MFI, Foreign Trade Bank of Cambodia, J Trust Royal Bank, LOLC MFI and Sathapana Bank. This increases the total  number of CGCC PFIs to 15.

The signing enables the CGCC and PFIs to collaborate on disbursing guaranteed loans to businesses in Cambodia.

The increased number of CGCC PFIs will provide borrowers with a more diverse choice of financial institutions across the country to seek financing under the corporation’s guarantee scheme. CGCC supports PFIs in disbursing loans to borrowers who are deemed able to repay them but lack  collateral, by providing 70 to 80 percent guarantees that take the place of traditional collateral.

Secretary of State of the Ministry of Economy and Finance and Chairman of CGCC’s board of directors Ros Seilava said: “The credit guarantee mechanism is a new financial service in Cambodia that is expected to help resolve the financing challenges and bring [a] new lending culture to banks and microfinance institutions. I would like to encourage the PFIs to seize the opportunity of partnering with CGCC to expand [their customer bases] and market segments through the provision of new loans with the guarantees from CGCC. At the same time, to reap the long-term benefits of this credit guarantee scheme, it is very critical for the PFIs to adhere to professionalism and strengthen the governance on credit assessment and monitoring.”

CGCC launched the $200 million Business Recovery Guarantee Scheme (BRGS) in March 2021 to support businesses including micro, small and medium enterprises, as well as large firms, to enhance their access to formal loans from the PFIs for working capital, investment and business expansion.

The scheme is available until the end of  2022 and the guaranteed loans will be disbursed through the PFIs on a “first-come, first-serve basis”. So far, 18 guarantees have been issued to PFIs under the BRGS.

Eligible borrowers may approach the PFIs for the CGCC’s guarantee scheme or contact it directly via its website www.cgcc.com.kh for more information.

The 15 CGCC’s PFIs include (in alphabetical order) ACLEDA Bank, AMK MFI, Amret MFI, Asia Pacific Development Bank, BRED Bank, Cambodia Post Bank, CAMMA MFI, Canadia Bank, Foreign Trade Bank of Cambodia, J Trust Royal Bank, LOLC MFI, Phillip Bank, Prince Bank, RHB Bank and Sathapana Bank.

ថ្ងៃនេះ សាជីវកម្មធានាឥណទានកម្ពុជា បានចុះហត្ថលេខាលើកិច្ចព្រមព្រៀងធានាឥណទាន ជាមួយស្ថាប័នហិរញ្ញវត្ថុចូលរួម ជុំទី២ ដែលរួមមាន គ្រឹះស្ថានមីក្រូហិរញ្ញវត្ថុ អម្រឹត, ធនាគារ ប្រេដ ប៊ែង, គ្រឹះស្ថានមីក្រូហិរញ្ញវត្ថុ ខេមា, ធនាគារពាណិជ្ជកម្មក្រៅប្រទេសនៃកម្ពុជា, ធនាគារ ជេ ត្រាស់ រ៉ូយ៉ាល់, គ្រឹះស្ថានមីក្រូហិរញ្ញវត្ថុ អិលអូអិលស៊ី និង ធនាគារ ស្ថាបនា។​ ការចាប់ដៃគូជាមួយធនាគារ និងគ្រឹះស្ថានមីក្រូហិរញ្ញវត្ថុនាថ្ងៃនេះ នឹងធ្វើឱ្យស្ថាប័នហិរញ្ញវត្ថុចូលរួមរបស់សាជីវកម្មធានាឥណទានកម្ពុជា សរុបកើនឡើងដល់ចំនួន ១៥។ ការចុះហត្ថលេខានេះ អនុញ្ញាតឱ្យសាជីវកម្មធានាឥណទានកម្ពុជា និង ស្ថាប័នហិរញ្ញវត្ថុចូលរួម សហការគ្នាក្នុងការផ្តល់ឥណទានដែលមានការធានា ដល់ក្រុមហ៊ុនអាជីវកម្មនានានៅកម្ពុជា។

ការកើនឡើងនៃចំនួនស្ថាប័នហិរញ្ញវត្ថុចូលរួម នឹងធ្វើឱ្យការផ្តល់ហិរញ្ញប្បទានដែលមានការធានាកាន់តែមានភាពទូលំទូលាយ, ប្រកួតប្រជែង, ព្រមទាំងផ្តល់ជម្រើស និងលទ្ធភាពកាន់តែច្រើនជូនដល់ក្រុមហ៊ុនអាជីវកម្ម ក្នុងការទទួលបានហិរញ្ញប្បទាន ​នៅទូទាំង​ប្រទេស។​ សាជីវកម្មធានាឥណទានកម្ពុជា ផ្តល់ការគាំទ្រដល់ស្ថាប័នហិរញ្ញវត្ថុចូលរួម ដើម្បីផ្តល់ហិរញ្ញប្បទានជូនដល់ក្រុមហ៊ុនអាជីវកម្ម​ ដែលមានលទ្ធភាពសង ប៉ុន្តែខ្វះទ្រព្យបញ្ចាំ ដោយផ្តល់ការធានាដែលដើរតួជាទ្រព្យបញ្ចាំ ចន្លោះពី ៧០% ទៅ ៨០% នៃប្រាក់កម្ចី។ វត្តមានរបស់​សាជីវកម្មធានាឥណទានកម្ពុជា ធ្វើឱ្យក្រុមហ៊ុនអាជីវកម្ម មានលទ្ធភាពខ្ពស់ ក្នុងការទទួលបានប្រាក់កម្ចីពីស្ថាប័នហិរញ្ញវត្ថុចូលរួម ទោះបីជាមិនមានទ្រព្យធានាគ្រប់គ្រាន់ក៏ដោយ។

ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលរបស់សាជីវកម្មធានាឥណទានកម្ពុជា បានលើកឡើងថា “យន្តការធានាឥណទាន គឺជាសេវាហិរញ្ញវត្ថុថ្មីនៅកម្ពុជា ដែលរំពឹងថាអាចចូលរួមដោះស្រាយបញ្ហារាំងស្ទះដល់ការផ្តល់ហិរញ្ញប្បទាន និងនាំមកនូវទម្លាប់ថ្មីនៃការផ្តល់ឥណទានរបស់ធនាគារ និងគ្រឹះស្ថានមីក្រូហិរញ្ញវត្ថុ។ ខ្ញុំសូមលើកទឹកចិត្តឱ្យស្ថាប័នហិរញ្ញវត្ថុចូលរួម ចាប់យកឱកាសនៃភាពជាដៃគូជាមួយសាជីវកម្មធានាឥណទានកម្ពុជា ពង្រីកវិសាលភាពមូលដ្ឋានអតិថិជន និងទីផ្សារឥណទានរបស់ខ្លួន តាមរយៈការផ្តល់ឥណទានថ្មីៗ ដែលមានការធានាពីសាជីវកម្មធានាឥណទានកម្ពុជា។ ទន្ទឹមនេះ ដើម្បីទទួលបានអត្ថប្រយោជន៍រួមគ្នាក្នុងរយៈពេលវែងពីគម្រោងធានាឥណទាននេះ ការប្រកាន់ភ្ជាប់នូវវិជ្ជាជីវៈ និងការពង្រឹងអភិបាលកិច្ចរបស់ស្ថាប័នហិរញ្ញវត្ថុចូលរួម ក្នុងការវាយតម្លៃ និងត្រួតពិ​និត្យឥណទាន​របស់ក្រុមហ៊ុនអាជីវកម្ម គឺពិតជាមានសារៈសំខាន់ណាស់។”

CGCC បានដាក់ចេញគម្រោងធានាឥណទានដើម្បីស្តារអាជីវកម្ម ​ដែលមានទំហំទឹកប្រាក់ ២០០ លានដុល្លារអាមេរិក នៅខែមីនាឆ្នាំ ២០២១ ដើម្បីគាំទ្រដល់អាជីវកម្មខ្នាតមីក្រូ សហគ្រាសធុនតូចនិងមធ្យម និងសហគ្រាសខ្នាតធំ ដើម្បីបង្កើនលទ្ធភាពទទួលបានប្រាក់កម្ចីពីស្ថាប័នហិរញ្ញវត្ថុចូលរួម សម្រាប់ទុនបង្វិល, ការវិនិយោគ និងពង្រីកអាជីវកម្ម។ គម្រោងធានាឥណទានដើម្បីស្តារអាជីវកម្ម មានសុពលភាពរហូតដល់ចុងឆ្នាំ២០២២ ហើយការធានាឥណទាននឹងផ្តល់ជូនផ្អែកតាមគោលការណ៍ “មកមុន ទទួលបានមុន”។ រហូតមកដល់ពេលនេះ ការធានាចំនួន ១៨ករណី ត្រូវបានផ្តល់ជូនដល់ស្ថាប័នហិរញ្ញវត្ថុចូលរួម ក្រោមគម្រោងធានាឥណទានដើម្បីស្តារអាជីវកម្ម។

ក្រុមហ៊ុនអាជីវកម្មដែលមានគុណវុឌ្ឍិ អាចទំនាក់ទំនងស្ថាប័នហិរញ្ញវត្ថុចូលរួម សម្រាប់គម្រោងធានាឥណទាន ឬទំនាក់ទំនងសាជីវកម្មធានាឥណទានកម្ពុជា ដោយផ្ទាល់ តាមរយៈគេហទំព័រ www.cgcc.com.kh ដើម្បីទទួលបានព័ត៌មានបន្ថែម។ ស្ថាប័នហិរញ្ញវត្ថុចូលរួម ទាំង១៥ របស់សាជីវកម្មធានាឥណទានកម្ពុជា រួមមាន ធនាគារ អេស៊ីលីដា, គ្រឹះស្ថានមីក្រូហិរញ្ញវត្ថុ អេ អឹម ខេ, គ្រឹះស្ថានមីក្រូហិរញ្ញវត្ថុ អម្រឹត, ធនាគារ អាស៊ា-ប៉ាស៊ីហ្វិក ឌីវេឡុបមេន, ធនាគារ ប្រេដ ប៊ែង, ធនាគារ ប្រៃសណីយ៍កម្ពុជា,​ គ្រឹះស្ថានមីក្រូហិរញ្ញវត្ថុ ខេមា, ធនាគារ កាណាឌីយ៉ា, ធនាគារពាណិជ្ជកម្មក្រៅប្រទេសនៃកម្ពុជា, ធនាគារ ជេ ត្រាស់ រ៉ូយ៉ាល់, គ្រឹះស្ថានមីក្រូហិរញ្ញវត្ថុ អិលអូអិលស៊ី,​ ធនាគារ ហ្វីលីព,​ ធនាគារ ព្រីនស៍, ធនាគារ អ អេច ប៊ី,​ និង ធនាគារ ស្ថាបនា។​ 

ថ្ងៃចន្ទ ៤រោច ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥

ភ្នំពេញថ្ងៃទី ២៩ ខែមិថុនាឆ្នាំ ២០២១

Credit to: Fresh News, 21 June 2021

ធនាគារ អ អេច ប៊ី (ខេមបូឌា) ម.ក និង សាជីវកម្ម ធានាឥណទាន កម្ពុជា (ស.ធ.ក.) បានធ្វើពិធីចុះហត្ថលេខាលើកិច្ចព្រមព្រៀងភាពជាដៃគូពាណិជ្ជកម្ម ដោយបានរៀបចំឡើងនៅទីស្នាក់ការកណ្តាលរបស់ ធនាគារ អ អេច ប៊ី ។

តាមរយៈកិច្ចព្រមព្រៀងនេះដែរ ធនាគារ អ អេច ប៊ី នឹងចូលរួមក្នុងយុទ្ធនាការ គម្រោងធានាឥណទានដើម្បីស្តារអាជីវកម្ម(BRGS) ជាមួយសាជីវកម្មធានាឥណទានកម្ពុជា (ស.ធ.ក.) ដែលមានគោលដៅគាំទ្រអាជីវកម្ម ទាំងអាជីវកម្មខ្នាតមីក្រូ សហគ្រាសខ្នាតតូចនិងមធ្យម និងសហគ្រាសខ្នាតធំ ក្នុងការពង្រីកលទ្ធភាពទទួលបានហិរញ្ញប្បទានពីគ្រឹះស្ថានហិរញ្ញវត្ថុចូលរួម (PFIs) សម្រាប់ការកៀរគរទុនបង្វិល, វិនិយោគ, និងការពង្រីកអាជីវកម្ម។ BRGS នឹងដើរតួជាទ្រព្យបញ្ចាំចាប់ពី ៧០% ទៅ ៨០% នៃទំហំប្រាក់កម្ចីដែលផ្តល់ដោយ PFIs ដល់អាជីវកម្មដែលបានស្នើកម្ចី។

លោក WONG KEE POH អគ្គនាយក / នាយកប្រតិបត្តិនៃធនាគារ អ អេច ប៊ី បានលើកឡើងថា សហគ្រាសខ្នាតតូចនិងមធ្យមដើរតួយ៉ាងសំខាន់នៅក្នុងសេដ្ឋកិច្ចរបស់ប្រទេសកម្ពុជា ដោយគ្របដណ្តប់ប្រមាណ៩៩% នៃអាជីវកម្មនៅក្នុងប្រទេស, ៧០%នៃអត្រាបុគ្គលិក និង ៦០%នៃផលិតផលក្នុងស្រុកសរុប (GDP)។

បញ្ហាប្រឈមមួយក្នុងចំណោមបញ្ហាប្រឈមសំខាន់ៗ សម្រាប់សហគ្រាសធុនតូចនិងមធ្យម គឺការទទួលបានមូលនិធិនិងការគាំទ្រ ដើម្បីពង្រីកអាជីវកម្មរបស់ ពួកគេ។ ដូច្នេះ ជាមួយនឹងភាពជាដៃគូរវាងធនាគារ អ អេច ប៊ី និង ស.ធ.ក ធនាគារ អ អេច ប៊ី នឹងបានចូលរួមនិងគាំទ្របន្ថែមទៀតដល់សហគ្រាសធុនតូច និងមធ្យមក៏ដូចជាការស្តារឡើងវិញនូវអាជីវកម្មរបស់អតិថិជនរបស់ធនាគារ ក្នុងអំឡុងពេលនៃវិបត្តិ Covid-19 ។ ធនាគារយល់ថាការឆ្លើយតបរបស់ គម្រោងធានាឥណទានដើម្បីស្តារអាជីវកម្ម ត្រូវបានលើកទឹកចិត្តដោយការកើនឡើងនូវ អត្រាប្រើប្រាស់របស់អតិថិជន។

លោក WONG KEET LONG នាយកប្រតិបត្តិនៃធនាគារ សាជីវកម្ម ធានាឥណទាន កម្ពុជា ក៏បានលើកឡើងដែរថា ភាពជាដៃគូជាមួយធនាគារ អ អេច ប៊ី គឺជាការសហការណ៍ដំបូងបំផុតជាមួយធនាគារដែលគ្រប់គ្រងដោយជនជាតិម៉ាឡេស៉ី ដែលបានទទួលបានការជោគជ័យយ៉ាងខ្លាំងក្នុងការផ្តល់ប្រាក់កម្ចីខ្នាតតូច និងមធ្យម ដោយមានការ ធានាឥណទាន នៅក្នុងប្រទេសម៉ាឡេស៉ី។ យើងសង្ឃឹមថាធនាគារ នឹងបន្តបង្កើតភាពជោគជ័យនេះនៅក្នុងប្រទេសកម្ពុជា ដើម្បីបង្កើនប្រាក់កម្ចីរ បស់ខ្លួនដល់សហគ្រាសធុនតូចនិងមធ្យមជាមួយ នឹងការធានារបស់ ស.ធ.ក ។

អត្ថបទគួរចាប់អារម្មណ៍ ពិធីចុះហត្ថលេខា លើកិច្ចព្រមព្រៀងធានាឥណទានរវាង សាជីវកម្មធានាឥណទានកម្ពុជា និង គ្រឹះស្ថានមីក្រូហិរញ្ញវត្ថុចម្រើន

Khmer Times: April 19, 2021

Small businesses raising questions about the process of applying for a loan through the newly formed Credit Guarantee Corporation of Cambodia (CGCC)’s Business Recovery Guarantee Scheme (BRGS), has prompted CGCC’s chief executive officer Mr Wong Keet Loong to provide an overview of how the scheme works.

He noted first that the BRGS scheme was launched late last month to help support SMEs which have difficulty taking out loans due to a lack of securable assets.

Under the BRGS scheme, the CGCC provides a guarantee of 70 to 80 percent of the value of the loan depending on the sector, assuring Participating Financial Institutions (PFIs) they will be secured in lending to the SMEs. The guarantee acts as part of the collateral or security for the loan. The scheme, however, will not let SMEs off the hook if they find themselves in default.

Wong said: “The SMEs are ultimately responsible to repay the loans.  [The] CGCC guarantee will assist in enabling the SMEs to borrow from the PFIs.  As such, in the event that the SMEs are unable to repay the loan due to failure of business, the CGCC guarantee will be the last resort for PFI to claim for the losses.”

In the case of a default and the CGCC guarantee being paid out, the PFIs would continue to seek repayment from the SMEs with the CGCC being proportionally reimbursed from any recoveries made, Wong added.

The interest rates for the loans are determined by the PFIs.

Wong added that any business interested in the loan should have the capacity to repay it. It’s intended to help companies continue operating, as opposed to serving as an initial investment for a startup company.

Each PFI has to individually assess each loan applicant and ensure they are able to meet the institution’s requirements to borrow. While the BRGS scheme allows for loans to be extended to clients, it doesn’t guarantee approval for an applicant who otherwise would be denied.

Wong said the scheme helps businesses, the banks and the country.

“Our motive when we started this scheme was to create more loans so that businesses can use the money for direct reasons and grow their business. This indirectly helps the country to grow,” he said.

He added that the CGCC – the first of its kind in Cambodia — will be here for the long haul and similar institutions exist in other regional countries, including his home country of Malaysia.

In light of the recent lockdown  he said all businesses are encouraged to apply  once business operations resume as normal.

While the scheme has yet to take off due to the pandemic, the CGCC has received an application for a $1 million loan from a company in the industrial sector, the limit allowed in the programme.

It appears the first list of PFIs participating in the scheme have yet to start advertising the product on their websites. The current list includes: ACLEDA Bank, AMK MFI, APD Bank, Cambodia Post Bank, CANADIA Bank, Phillip Bank, and Prince Bank.

Mr. Huot Sokha, AMK’s chief business officer, said: “The BRGS is still in progress, therefore we cannot share its details yet. We have continuously supported businesses through many different activities as much as we can. In April last year we rolled out a co-financing loan campaign to support SMEs that was advertised throughout our branch networks and on social media as well. Taking part in such programmes is our commitment to support sustainable SMEs in Cambodia, especially during the pandemic, which is a very tough time for them.”

AKP Phnom Penh, March 29, 2021 —

The Ministry of Economy and Finance and Credit Guarantee Corporation of Cambodia (CGCC) today launched the Business Recovery Guarantee Scheme (BRGS).

According to the ministry’s press release made public this morning, the BRGS aims to support business including micro, small and medium enterprises, and large firms to enhance their access to formal loans from Participating Financial Institutions (PFIs) for working capital, investment, and business expansion. This initiative is in line with the policies of the Royal Government of Cambodia to support the survival and economic recovery during the COVID-19 pandemic.

CGCC is the first-ever credit guarantee corporation in Cambodia, established by the decision of Samdech Akka Moha Sena Padei Techo Hun Sen, Prime Minister as a state-owned enterprise under the technical and financial guidance of the Ministry of Economy and Finance. CGCC’s main mission is to provide credit guarantees to PFIs to support and assist financially viable businesses that lack collateral when applying for loans.

The first tranche of the BRGS will contribute to US$200 million increase of new loans in the banking sector for business owners to borrow from the following CGCC’s PFIs i.e., ACLEDA Bank, Asia Pacific Development Bank, AMK MFI, Cambodia Post Bank, Canadia Bank, Phillip Bank and Prince Bank. The scheme will also be available at other bank and MFIs that are in the process of becoming CGCC’s PFIs. CGCC’s guarantee will act as collateral/security for 70-80 percent of the loan amount borrowed from the PFIs; thus, reducing the physical collateral required from the borrowers.

H.E. Ros Seilava, Secretary of State of the Ministry of Economic and Finance, and Chairman of CGCC’s Board of Directors states that the launch the BRGS by CGCC is timely to support businesses who plan to borrow from the PFIs during this pandemic. This milestone supports the Government’s policy to maintain sustainable and inclusive economic growth and in line with the Industrial Development Policy 2015-2025. He calls for banks and MFIs to support CGCC by being its PFIs and ensure good credit governance.

Cambodian-owned businesses (>50 percent ownership) may approach the above PFIs for the CGCC scheme or visit CGCC’s website www.cgcc.com.kh for more information.

“The Ministry of Economy and Finance and CGCC look forward to working closely with all stakeholders to support the growth of businesses with the BRGS,” underlined the press release.

PHNOM PENH, March 29 (Xinhua) — State-owned Credit Guarantee Corporation of Cambodia (CGCC) on Monday launched a 200-million-U.S.-dollar Business Recovery Guarantee Scheme (BRGS), aiming to support businesses during the COVID-19 pandemic.

The BRGS was designed to support businesses including micro, small and medium enterprises, and large firms to enhance their access to formal loans from Participating Financial Institutions (PFIs) for working capital, investment, and business expansion, said a CGCC’s press statement.

CGCC is the first-ever credit guarantee corporation in Cambodia under the technical and financial guidance of the Ministry of Economy and Finance, the statement said, adding that its CGCC’s main mission is to provide credit guarantees to PFIs to support and assist financially viable businesses that lack collateral when applying for loans.

It said that the first tranche of the BRGS will contribute to 200 million U.S. dollars increase of new loans in the banking sector for business owners to borrow from the following CGCC’s PFIs including ACLEDA Bank, Asia Pacific Development Bank, AMK microfinance institution, Cambodia Post Bank, Canadia Bank, Phillip Bank and Prince Bank.

The scheme will also be available at other banks and microfinance institutions that are in the process of becoming CGCC’s PFIs.

CGCC’s guarantee will act as collateral or security for 70 percent to 80 percent of the loan amount borrowed from the PFIs; thus, reducing the physical collateral required from the borrowers, the statement said.

“The launch of the BRGS by CGCC is timely to support businesses who plan to borrow from the PFIs during this pandemic,” Economy and Finance Ministry secretary of state and CGCC’s chairman Ros Seilava said in the statement.

“This milestone supports the government’s policy to maintain sustainable and inclusive economic growth and in line with the Industrial Development Policy 2015-2025,” he added.

ក្រសួងសេដ្ឋកិច្ច និងហិរញ្ញវត្ថុ មានកិត្តិយសប្រកាសដាក់ឱ្យដំណើរការ “គម្រោងធានាឥណទានដើម្បីស្តារអាជីវកម្ម (Business Recovery Guarantee Scheme, BRGS)” របស់សាជីវកម្មធានាឥណទានកម្ពុជា នៅថ្ងៃនេះ។​ BRGS មានគោលដៅគាំទ្រអាជីវកម្ម ទាំងអាជីវកម្មខ្នាតមីក្រូ, ខ្នាតតូចនិងមធ្យម, និងអាជីវកម្មខ្នាតធំ ក្នុងការពង្រីកលទ្ធភាពទទួលបានហិរញ្ញប្បទាន ពីគ្រឹះស្ថានហិរញ្ញវត្ថុចូលរួម (PFIs) សម្រាប់ការកៀរគរទុនបង្វិល, វិនិយោគ, និងការពង្រីកអាជីវកម្ម។ គំនិតផ្តួចផ្តើមនេះ ស្របនឹងគោលនយោបាយរបស់រាជរដ្ឋាភិបាល ក្នុងការគាំទ្រនិរន្តភាព និងការងើបឡើងវិញនៃសេដ្ឋកិច្ច ក្នុងអំឡុងពេលនៃវិបត្តិជំងឺកូវីដ-១៩។

សាជីវកម្មធានាឥណទានកម្ពុជា គឺជាក្រុមហ៊ុនធានាឥណទានមុនដំបូងបង្អស់នៅកម្ពុជា ដែលត្រូវបានសម្រេចបង្កើតឡើងដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ជាសហគ្រាសសាធារណៈ ក្រោមអាណាព្យាបាលបច្ចេកទេស និងហិរញ្ញវត្ថុ របស់ក្រសួងសេដ្ឋកិច្ច និងហិរញ្ញវត្ថុ។ បេសកកម្មចម្បងរបស់សាជីវកម្មធានាឥណទានកម្ពុជា គឺផ្តល់ការធានាឥណទានដល់ PFIs ដើម្បីគាំទ្រដល់អាជីវកម្មដែលមានលទ្ធភាពសង ប៉ុន្តែខ្វះទ្រព្យបញ្ចាំ នៅពេលស្នើសុំឥណទាន។

កញ្ចប់ដំបូងនៃ BRGS នឹងចូលរួមបង្កើនទំហំឥណទានថ្មី នៅក្នុងវិស័យធនាគារ ចំនួន ២០០ លានដុល្លារ សម្រាប់អាជីវកម្មដែលស្នើសុំឥណទានពី PFIs របស់សាជីវកម្មធានាឥណទានកម្ពុជា រួមមាន ធនាគារអេស៊ីលីដា, គ្រឹះស្ថានមីក្រូហិរញ្ញវត្ថុ អេ អឹម ខេ, ធនាគារអាស៊ា ប៉ាស៊ីហ្វិក ឌីវេឡុបមេន, ធនាគារប្រៃសណីយ៍កម្ពុជា, ធនាគារកាណាឌីយ៉ា, ធនាគារហ្វីលីព, និងធនាគារព្រីនស៍។ គម្រោងធានាឥណទាននេះនឹងត្រូវបានផ្តល់ជូនដល់ធនាគារ និងគ្រឹះស្ថានមីក្រូហិរញ្ញវត្ថុមួយចំនួនទៀត ដែលកំពុងរៀបចំខ្លួនដើម្បីក្លាយជា PFIs របស់សាជីវកម្មធានាឥណទានកម្ពុជា។ ការធានាឥណទានរបស់សាជីវកម្មធានាឥណទានកម្ពុជា នឹងដើរតួជាទ្រព្យបញ្ចាំចាប់ពី ៧០%ដល់ ៨០% នៃទំហំឥណទានដែលផ្តល់ដោយ PFIs ដូច្នេះនឹងជួយកាត់បន្ថយតម្រូវការទ្រព្យបញ្ចាំពីអាជីវកម្មដែលស្នើកម្ចី។

ឯកឧត្តម រស់ សីលវ៉ា រដ្ឋលេខាធិការ និងជាប្រធានក្រុមប្រឹក្សាភិបាលរបស់សាជីវកម្មធានាឥណទានកម្ពុជា បញ្ជាក់ថាការដាក់ឱ្យដំណើរការ BRGS របស់សាជីវកម្មធានាឥណទានកម្ពុជា គឺចំពេលក្នុងការគាំទ្រដល់អាជីវកម្មដែលគ្រោងស្នើសុំឥណទានពី PFIs ក្នុងអំឡុងពេលនៃវិបត្តិជំងឺកូវីដ-១៩នេះ។ គម្រោងនេះ នឹងចូលរួមគាំទ្រដល់គោលនយោបាយរក្សាកំណើនសេដ្ឋកិច្ច ប្រកបដោយចីរភាព និងបរិយាបន្នរបស់រាជរដ្ឋាភិបាល និងស្របតាម គោលនយោបាយអភិវឌ្ឍន៍វិស័យឧស្សាហកម្មឆ្នាំ២០១៥​-២០២៥។ ឯកឧត្តមស្នើឱ្យធនាគារ និងគ្រឹះស្ថានមីក្រូហិរញ្ញវត្ថុ គាំទ្រដល់សាជីវកម្មធានាឥណទានកម្ពុជាតាមរយៈការចូលរួមជា PFIs និងពង្រឹងអភិបាលកិច្ចឥណទាន។

អាជីវកម្មដែលមានម្ចាស់ភាគហ៊ុនសញ្ញាតិកម្ពុជា (កាន់កាប់ភាគហ៊ុនលើសពី ៥០%) អាចទទួលបានការធានាឥណទានពីសាជីវកម្មធានាឥណទានកម្ពុជាតាមរយៈ PFIs ខាងលើ ឬអាចចូលគេហទំព័រ www.cgcc.com.kh របស់សាជីវកម្មធានាឥណទានកម្ពុជា ដើម្បីទទួលបានព័ត៌មានបន្ថែម។ ក្រសួងសេដ្ឋកិច្ច និងហិរញ្ញវត្ថុ និងសាជីវកម្មធានាឥណទានកម្ពុជា ស្វាគមន៍នូវកិច្ចសហការជិតស្និតជាមួយគ្រប់ស្ថាប័នពាក់ព័ន្ធ ដើម្បីគាំទ្រដល់ការអភិវឌ្ឍអាជីវកម្ម តាមរយៈ BRGS៕

ថ្ងៃចន្ទ ១រោច ខែចេត្រ ឆ្នាំជូត ទោស័ក ព.ស.២៥៦៤

រាជធានីភ្នំពេញ ថ្ងៃទី២៩ ខែមី​នា ឆ្នាំ២០២១