កម្មវិធីកសាងសមត្ថភាពសហគ្រិនរបស់ CGCC (EPIC)
EPIC គឺជាកម្មវិធីបណ្តុះបណ្តាល និងលើកកម្ពស់សមត្ថភាពសហគ្រាសខ្នាតមីក្រូ តូច និងមធ្យមរយៈពេលវែងមួយរបស់ CGCC ដែលផ្តោតលើការបណ្តុះបណ្តាលចំណេះដឹងហិរញ្ញវត្ថុ សហគ្រិនភាព ការធានាឥណទាន និងការប្រើប្រាស់កម្ចីប្រកបដោយការប្រសិទ្ធភាព និងការទទួលខុសត្រូវ។
EPIC ត្រូវបានដាក់ឱ្យដំណើរការជាផ្លូវការនៅថ្ងៃទី៣១ ខែមករា ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់របស់ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាល CGCC។
តាមរយៈកម្មវិធី EPIC, CGCC នឹងនាំយកធនធានចំណេះដឹងឱ្យកាន់តែកៀកសហគ្រាសខ្នាតមីក្រូ តូច និងមធ្យម ដើម្បីជំរុញការអភិវឌ្ឍអាជីវកម្មរបស់ពួកគេ។
អំពី EPIC
គោលបំណង
- លើកកម្ពស់ចំណេះដឹងហិរញ្ញវត្ថុរបស់ MSMEs
- លើកស្ទួយសហគ្រិនភាពរបស់ MSMEs
- បង្កើនការយល់ដឹងអំពីការធានាឥណទាន
ប្រធានបទ
- ចំណេះដឹងហិរញ្ញវត្ថុ/សហគ្រិនភាព
- កម្ចីដែលមានការធានារបស់គ្រឹះស្ថានធនាគារ/មីក្រូហិរញ្ញវត្ថុដៃគូរបស់ CGCC
- អត្ថប្រយោជន៍នៃការធានាឥណទានរបស់ CGCC
សិក្ខាកាមគោលដៅ
- អាជីវកម្មមានប្រតិបត្តិការ យ៉ាងហោចណាស់១ឆ្នាំឡើងទៅ
- ម្ចាស់អាជីវកម្ម ឬជាអ្នកធ្វើការសម្រេចចិត្តនៃអាជីវកម្មខ្នាតមីក្រូ តូច និងមធ្យម
- មានតម្រូវការកម្ចីពីធនាគារ/គ្រឹះស្ថានមីក្រូហិរញ្ញវត្ថុ សម្រាប់ជាទុនបង្វិល ឬពង្រីកអាជីវកម្ម
- សហគ្រិនស្រ្តីត្រូវបានផ្តល់អាទិភាព
ការដាក់ពាក្យចូលរួមជាសិក្ខាកាមក្នុងកម្មវិធី EPIC
CGCC ស្វាគមន៍រាល់ម្ចាស់អាជីវកម្ម ឬអ្នកសម្រេចចិត្តនៃអាជីវកម្មខ្នាតមីក្រូ តូច និងមធ្យម នៅកម្ពុជា ដែលមានឆន្ទះក្នុងការអភិវឌ្ឍសមត្ថភាព និងលើកកម្ពស់ចំណេះដឹងហិរញ្ញវត្ថុរបស់ខ្លួន មកចូលរួម EPIC។ CGCC សូមរក្សាសិទ្ធិក្នុងការជ្រើសរើសសិក្ខាកាមសម្រាប់វគ្គនីមួយៗនៃ EPIC ដែលមានគ្រប់លក្ខខណ្ឌតម្រូវ។ សូមតាមដានការចែករំលែកអំពីការដាក់ពាក្យចុះឈ្មោះចូលរួម EPIC តាមរយៈទំព័រហ្វេសប៊ុករបស់ CGCC: https://www.facebook.com/officialcgcc
ក្លាយជាដៃគូសហការរៀបចំកម្មវិធី EPIC
តាមរយៈ EPIC, CGCC ស្វាគមន៍យ៉ាងកក់ក្តៅចំពោះគ្រឹះស្ថានហិរញ្ញវត្ថុចូលរួម ឬស្ថាប័នពក់ព័ន្ធដែលមានឆន្ទៈដូចគ្នានឹង CGCC ក្នុងការចូលរួមអភិវឌ្ឍ និងលើកកម្ពស់សមត្ថភាពរបស់ MSMEs និងគាំទ្រដល់គោលនយោបាយរបស់រាជរដ្ឋាភិបាលក្នុងការលើកស្ទួយចំណេះដឹងហិរញ្ញវត្ថុ និងអភិវឌ្ឍ MSMEs នៅកម្ពុជា។
សូមទំនាក់ទំនងមកកាន់ CGCC ដើម្បីចូលរួមជាដៃគូសហការរៀបចំ EPIC តាមរយៈលេខទូរសព្ទ 023 722 123 ឬអ៊ីម៉េល [email protected].